Kissik Talks:సోషల్ మీడియాలో మహిళలపై,అందునా సెలెబ్రిటీలపై బాడీ షేమింగ్ చేస్తూ కొంతమంది ఆకతాయి నెటిజన్లు కామెంట్స్ చేస్తారన్న సంగతి తెలిసిందే.ఇక విషయంపై తనదైన శైలిలో రియాక్ట్ అయింది సోనియా ఆకుల.. తాజాగా విడుదలైన ‘కిస్సిక్ టాక్స్’ ఇంటర్వ్యూ ప్రోమోలో బాడీ షేమింగ్ పై సోనియా చేసిన కామెంట్స్ ఇపుడు తెగ వైరల్ అవుతున్నాయి.
సోనియా ఆకుల మాట్లాడుతూ పెళ్లి అయిన తర్వాత ప్రెగ్నెన్సీ కారణంగా ఎన్నో మార్పులు వస్తాయని తెలిపింది. ఇక ఒక అమ్మాయిని కేవలం ఆమె బాడీ ఆధారంగా జడ్జ్ చేయడం ఏమాత్రం సరైంది కాదని తేల్చి చెప్పింది. ఇక నెటిజన్లు సరదాగా చేసే కామెంట్లు ఒక వ్యక్తి ఆత్మవిశ్వాసాన్ని ఎంతగానో దెబ్బ తీస్తాయని స్పష్టం చేసింది.
Also read :బిగ్బాస్ హౌస్లో తనకు ఎదురైన ఘటనపై సోనియా ఆకుల ఓపెన్
అయితే ఒక పబ్లిక్ ఫిగర్ నటన లేదా ఇంటర్వ్యూలపై అభిప్రాయం చెప్పే హక్కు అందరికీ ఉంటుంది కానీ, వారి వ్యక్తిగత రూపురేఖలను టార్గెట్ చేయడం సమంజసం కాదని గట్టిగా హెచ్చరించింది సోనియా .మనం టైప్ చేసే ప్రతి కామెంట్ వెనుక ఒక మనిషి ఎమోషన్స్ ఉంటాయని ,ఈ విషయాన్ని నెటిజన్లు గుర్తుపెట్టుకోవాలని చెప్పుకొచ్చింది.
ఇక ఇదే ఇంటర్వ్యూలో తన పాప శిఖ రెండు నెలల వయసులోనే సాధించిన గిన్నీస్ రికార్డ్స్ ని ఎంతో ఆసక్తికరంగా చెప్పుకొచ్చింది సోనియా ఆకుల. ‘లాంగెస్ట్ డ్యూరేషన్ బై యాన్ ఇన్ఫాంట్ మెయింటైనింగ్ అసిస్టెడ్ అప్రైట్ బ్యాలెన్స్ ఆన్ ఏ పేరెంట్స్ పామ్’ విభాగంలో తన కూతురు రికార్డ్ క్రియేట్ చేసిందని తెలిపింది.
Also read :సోనియా ఆకుల భర్త బ్యాక్గ్రౌండ్ చూస్తే మైండ్ బ్లాక్ అవ్వాల్సిందే!
తన తండ్రి అరచేతిపై ఏకంగా 2 నిమిషాల 43 సెకన్ల పాటు నిటారుగా బ్యాలెన్స్ చేస్తూ నిలబడి గిన్నిస్ బుక్ ఆఫ్ వరల్డ్ రికార్డ్స్లో నిలిచిందని అలా ఏకంగా ఏడు అవార్డులు తను సొంతం చేసుకుందని పాప సాధించిన విజయాల్ని ఎమోషనల్ అవుతూ చెప్పింది సోనియా. ఇక తాము లండన్ లో జరిగిన అవార్డ్స్ ఈవెంట్ కి వెళ్ళలేక పోవడంతో అవార్డ్ అందుకోలేక పోయామని చెప్పుకొచ్చింది .
మొత్తానికి సోనియా బాడీ షేమింగ్ పై అలాగే తన కూతురు సాధించిన రికార్డుల గురించి చెప్పిన మాటలు ఇపుడు సోషల్ మీడియాలో తెగ వైరల్ అవుతున్నాయి. ఇక ఈ విషయాల గురించి మరింత తెలుసుకోవాలంటే ఈ ఆదివారం 8-30 కి వచ్చే కిస్సిక్ టాక్స్ చూడాల్సిందే !
Share
పేద, మధ్యతరగతి పెళ్లిళ్లకు సర్కార్ గుడ్ న్యూస్.. ఒక్క రూపాయికే ఏసీ ఫంక్షన్ హాల్!
WTC టైటిల్ గెలవాలంటే, గంభీర్ తో పాటు గిల్ గెంటేయాల్సిందే
