No UPI Day: దేశ రాజధాని ఢిల్లీతో పాటు దేశవ్యాప్తంగా ఉన్న కోట్లాది మంది దుకాణాదారులు, వ్యాపారులు.. అక్టోబర్ 2న వినూత్న రీతిలో నిరసన తెలపనున్నారు. ఆరోజు.. నో యూపీఐ డే పాటించాలని ఛాంబర్ ఆఫ్ ట్రేడ్ అండ్ ఇండస్ట్రీ పిలుపునిచ్చింది. ఆ రోజంతా.. దుకాణాదారులు తమ యూపీఐ క్యూఆర్ కోడ్లు, స్కానర్లు, సౌండ్ బాక్స్లను నల్లటి బట్టలతో కప్పి ఉంచుతారు. డిజిటల్ పేమెంట్స్ ఏవీ స్వీకరించకుండా.. నగదు మాత్రమే స్వీకరిస్తారని.. సీటీఐ ప్రతినిధులు ప్రకటించారు. ఈ నిరసనకు కొత్త ఎండీఆర్ నిబంధనలే కారణం. అక్టోబర్ 15 నుంచి 2 వేల రూపాయలు పైబడిన పర్సన్ టు మర్చంట్ యూపీఐ చెల్లింపులపై.. 0.4 శాతం మేర మర్చంట్ డిస్కౌంట్ రేట్ అమల్లోకి రానుంది.
దీని ప్రకారం.. 3 వేల రూపాయల లావాదేవీకి.. వ్యాపారులు 12 రూపాయలు, 50 వేల చెల్లింపులకు 200 వరకు ఛార్జీ రూపంలో కోల్పోవాల్సి వస్తుంది. ఈ గరిష్ఠ పరిమిథిని.. 300గా నిర్ణయించారు. ఎండీఆర్ ఛార్జీలు.. తక్కువ లాభాలతో పనిచేసే చిల్లర వ్యాపారులపై తీవ్ర ఆర్థిక భారాన్ని మోపుతుందని వ్యాపార వర్గాలు ఆందోళన చెందుతున్నాయి. దేశవ్యాప్తంగా సుమారు 6 కోట్ల మంది వ్యాపారులు, పారిశ్రామికవేత్తలపై ప్రభావం పడుతుందని చెబుతున్నారు. అక్టోబర్ 2న చేపట్టబోయే నిరసన కారణంగా.. భవిష్యత్తులో యూపీఐ లావాదేవీలు 50 శాతం వరకు తగ్గే అవకాశం ఉందని సీటీఐ అంచనా వేస్తోంది.
మరోవైపు, ఈ వివాదంపై కేంద్ర ఆర్థిక మంత్రి నిర్మలా సీతారామన్ స్పష్టతనిచ్చారు. ఎండీఆర్ ఛార్జీలను కేంద్రం వసూలు చేయడం లేదని, దీనికి, ప్రభుత్వానికి సంబంధం లేదని స్పష్టం చేశారు. కేవలం.. NPCI, బ్యాంకులు, పేమెంట్ గేట్వే సంస్థలు మాత్రమే.. ఈ ఛార్జీలను అందుకుంటాయన్నారు. కేంద్రం క్లారిటీ ఇచ్చినా.. చిరు వ్యాపారులు, దుకాణాదారుల్లో నెలకొన్న భయాలు మాత్రం తొలగడం లేదు. ఎండీఆర్ ఛార్జీల ఎఫెక్ట్తో.. ఇప్పటికే యూపీఐ లావాదేవీలు తగ్గుముఖం పట్టాయి. హైదరాబాద్ బేగంబజార్లోనూ.. ఓన్లీ క్యాష్ బోర్డులు కనిపిస్తున్నాయ్. ఈ గాంధీ జయంతి రోజున వ్యాపారులు తలపెట్టిన.. ఈ నో యూపీఐ డే నిరసన.. దేశవ్యాప్తంగా ఎలాంటి ఇంపాక్ట్ చూపబోతోందనే చర్చ మొదలైంది.
Also read: సినిమా చేయాలంటే హీరోల భార్యలకు నచ్చాలి.. తాప్సీ సెన్సేషనల్ కామెంట్స్!
Share
నిజామాబాద్ మున్సిపల్ ఆఫీస్లో లంచాల దందా కలకలం
నన్ను తొక్కేయాలని చూస్తున్నావా? ఫరియా పై చిరు కామెంట్స్ వైరల్!
