జనసేనలోకి రాజాసింగ్..? అసలు ప్లాన్ ఇదేనా?

Raja Singh: గోషామహల్ ఎమ్మెల్యే రాజాసింగ్‌.. మీడియా మైక్‌ ముందుకొచ్చినా.. సెల్ఫీ వీడియోలో మాట్లాడినా.. పొలిటికల్ హీట్ పెరగడం గ్యారెంటీ. అయితే ఈసారి ఆయన టార్గెట్ పూర్తిగా మారింది. ఒక్కసారిగా తెలంగాణ రాజకీయంలోకి జనసేన అంశాన్ని స్క్రీన్‌పైకి తెచ్చారు. తెలంగాణలో ప్రభుత్వాన్నిఏర్పాటు చేసే సత్తా పవన్ కల్యాణ్‌కు ఉందంటూ ఆకాశానికి ఎత్తేశారు.

రాజాసింగ్ మాటల వెనుక అసలు లెక్కేంటి..?

యువతలో పవన్ కల్యాణ్‌కు ఉన్న క్రేజ్‌తో జనసేన బలమైన శక్తిగా మారుతుందన్నది రాజాసింగ్ లెక్క. కానీ.. ఈ మాటల వెనుక అసలు లెక్కేంటి? జనసేనపై అభిమానమా? లేక బీజేపీపై అసంతృప్తితో కొత్త రాజకీయ దారిని వెతుక్కుంటున్నారా?రాజాసింగ్ వ్యాఖ్యలు కేవలం పవన్ కల్యాణ్‌పై ఉన్న ప్రేమాభిమానాలతో చేసినవి కావు.. దీని వెనుక తీవ్రమైన ఆక్రోశం, పొలిటికల్ క్యాలిక్యులేషన్ ఏమీ లేదని ఇప్పుడే చెప్పలేం.

పవన్ కల్యాణ్‌పై ప్రశంసలు..

పవన్ కల్యాణ్‌పై ప్రశంసలు.. తెలంగాణలో జనసేన విస్తరణకు సూచనలు..బీజేపీ నాయకత్వంపై విమర్శలు.. ఈ మూడు అంశాలను కలిపి చూస్తే.. జనసేనలో చేరేందుకు ఇచ్చిన సంకేతమా? లేక బీజేపీ నాయకత్వంపై ఒత్తిడి పెంచేందుకు రాజాసింగ్‌ ఆడుతున్న పొలిటికల్ గేమా? సమాధానం భవిష్యత్తే చెప్పాలి. కానీ.. రాజాసింగ్‌ వ్యాఖ్యలతో తెలంగాణ రాజకీయాల్లో మాత్రం జనసేన ఎంట్రీపై మళ్లీ చర్చ మొదలైంది. మరి రాజాసింగ్ విసిరిన ఈ పొలిటికల్ బాంబ్ తెలంగాణ రాజకీయాల్లో ఎలాంటి మలుపులకు దారితీస్తుందో చూడాలి.