Yarapathineni Srinivasa: కార్యకర్తల సమావేశం జరుగుతోంది. మైక్ అందుకున్న గురజాల టీడీపీ ఎమ్మెల్యే యరపతినేని శ్రీనివాసరావు.. నేరుగా మాజీ సీఎం జగన్పైనే గురిపెట్టారు. తనను ఆయన టార్గెట్ చేశారని ఆరోపించారు. తనకు ప్రాణహాని ఉండొచ్చని.. ఒక మాజీ కేంద్రమంత్రి హెచ్చరించారని చెప్పారు. ఇక్కడితో ఆగకుండా మరో సంచలన విషయాన్ని బయటపెట్టారు.
జాతీయ పార్టీలో చేరితే రాష్ట్ర అధ్యక్ష పదవి ఇస్తామని తనకు ఆఫర్ వచ్చిందని కూడా చెప్పారు. అంతపెద్ద పదవి ఆశ చూపినా.. తాను టీడీపీలోనే కొనసాగుతాననే సంకేతాలిచ్చారు. గురజాల రాజకీయం ముందునుంచీ మండుతూనే ఉంది. గత ఎన్నికల్లో 29 వేల ఓట్ల మెజారిటీతో ఎమ్మెల్యేగా గెలిచారు శ్రీనివాసరావు. అప్పటి నుంచి యరపతినేని, వైసీపీ నేతల మధ్య మాటల యుద్ధం కొనసాగుతూనే ఉంది. ఇటీవలే ఆయన మంగళగిరిలో డీజీపీని కలిసి వైసీపీ హయాంలో గురజాల నియోజకవర్గంలో టీడీపీ కార్యకర్తలపై జరిగిన దాడులపై ఫిర్యాదు చేశారు.
ఇప్పుడు ప్రాణహాని ఆరోపణలతో రాజకీయ వేడి మరింత పెరిగింది. అయితే యరపతినేని ఆరోపణలపై వైసీపీ నుంచి ఇప్పటివరకు స్పందన రాలేదు. ఆఫర్ ఇచ్చిన జాతీయ పార్టీ పేరు కూడా ఆయన బహిర్గతం చేయలేదు. ప్రాణహాని ఆరోపణ, జాతీయ పార్టీ ఆఫర్.. యరపతినేని మాటలు పల్నాడు రాజకీయాల్లో కొత్త దుమారం రేపాయి. ఈ ఆరోపణలపై వైసీపీ ఎలా స్పందిస్తుందన్నది ఇంట్రస్టింగ్గా మారింది.
Also read: ట్రైలర్కు బాలయ్య.. ప్రీ రిలీజ్కు ఎన్టీఆర్.. అదిరిపోయే ప్లాన్!
Share
వివాదంలో బంగ్లాదేశ్ కెప్టెన్...కింద పడ్డ పాకిస్తాన్ జెండానుపైకి లేపి మరీ
బుమ్రా బౌలింగ్ లో ఈ సారి ఫర్హాన్ 6 బంతుల్లో 6 సిక్సర్లు కొడతాడు
