IIT Madras Hack| దేశంలో నిజమైన టాలెంట్కు కొరత లేదని తాజాగా ఒక ఘటన నిరూపించింది. కాలేజీ అడ్మిషన్ ప్రక్రియలో తనకు అన్యాయం జరిగిందని చెప్పేందుకు ఒక అభ్యర్థి లేకంగా కాలేజీ వెబ్సైట్ హ్యాక్ చేసి చూపించాడు. తనకు జరిగిన అన్యాయం గురించి అందరికీ తెలియజేసేందుకు మాత్రమే ఈ చర్య తీసుకున్నానని అతను పేర్కొన్నట్లు రెడిట్లో స్క్రీన్షాట్లు వైరల్ అవుతున్నాయి. అయితే ఈ ఆరోపణలను సంబంధిత సంస్థలు ఇప్పటివరకు అధికారికంగా ధృవీకరించలేదు.
వైరల్ అయిన వివరాల ప్రకారం.. ఆ వ్యక్తి ఐఐటి మద్రాస్లోని బ్యాచిలర్ ఆఫ్ సైన్స్ ఇన్ సైబర్ సెక్యూరిటీ (BCyber)కోర్సుకు దరఖాస్తు చేశాడు. దరఖాస్తు ఫీజు చెల్లించానని, అవసరమైన అన్ని పత్రాలు సమర్పించానని అతను తెలిపాడు. సైబర్ సెక్యూరిటీ రంగంలో చేసిన తన ప్రాజెక్టులను కూడా చూపించినట్లు పేర్కొన్నాడు. అయినప్పటికీ తన పేరు షార్ట్లిస్ట్ చేయలేదని ఆరోపించాడు.
తాను ఎలాంటి నష్టం కలిగించాలనే ఉద్దేశంతో వ్యవహరించలేదని ఆ వ్యక్తి చెప్పినట్లు స్క్రీన్షాట్లలో కనిపించింది. అధికారుల దృష్టిని ఆకర్షించడమే తన లక్ష్యమని అతను పేర్కొన్నాడు. “నాకు కావాల్సింది ఒక న్యాయమైన అవకాశం మాత్రమే” అనే సందేశం సోషల్ మీడియాలో విస్తృతంగా వైరల్ అయింది.
తాను 13 ఏళ్ల వయసు నుంచే కోడింగ్ నేర్చుకుంటున్నానని కూడా పేర్కొన్నాడు. సైబర్ సెక్యూరిటీపై దృష్టి పెట్టడం వల్ల చదువులో మార్కులు తగ్గాయని చెప్పాడు. చాలామంది విద్యార్థులు తమ ఆసక్తి కంటే ఇంజినీరింగ్ ప్రవేశ పరీక్షలకే ప్రాధాన్యం ఇవ్వాల్సి వస్తోందని కూడా వ్యాఖ్యానించాడు.
తన సాంకేతిక నైపుణ్యాలు ఎంపికైన కొందరి కంటే మెరుగ్గా ఉన్నాయని అతను ఆరోపించాడు. అలాగే ఎంపికైన కొందరు అభ్యర్థులు క్యాప్చర్ ది ఫ్లాగ్ పరీక్షలను పూర్తి చేయలేకపోవడంతో ఎనిమిది సీట్లు ఖాళీగా మిగిలాయని కూడా పేర్కొన్నాడు. అయితే ఈ వాదనలకు ఇప్పటివరకు అధికారిక ధృవీకరణ లేదు.
వైరల్ అయిన స్క్రీన్షాట్లలో అతను అడ్మినిస్ట్రేటివ్ సర్వర్లు, డేటాబేస్లు, చెల్లింపు వ్యవస్థలు, దరఖాస్తుదారుల సమాచారం, సోర్స్ కోడ్లకు యాక్సెస్ పొందినట్లు పేర్కొన్నాడు. అయితే ఈ వాదనలను ఐఐటి మద్రాస్ లేదా ఐఐటి కాన్పూర్ ఇప్పటివరకు ధృవీకరించలేదు.
ఐఐటి కాన్పూర్కు భద్రతా లోపాల గురించి పలుమార్లు సమాచారం ఇచ్చానని అతను పేర్కొన్నాడు. తన దరఖాస్తును మరోసారి పరిశీలించాలని కూడా కోరినట్లు తెలిపాడు. కానీ తన ఈ మెయిల్స్కు ఎలాంటి స్పందన రాలేదని ఆరోపించాడు. ఈ పరిస్థితులే తనను ఈ చర్యకు దారితీశాయని చెప్పాడు.
ఈ సంఘటన వెలుగులోకి వచ్చిన సమయంలో కొందరు వినియోగదారులు వెబ్సైట్లలో ‘502 Bad Gateway’ లోపం కనిపించిందని తెలిపారు. అయితే ఆ సమస్యకు ఈ ఘటనతో సంబంధం ఉందా లేదా అన్నది ఇంకా స్పష్టంగా తెలియలేదు.
Also Read: బ్యాంక్ క్లర్క్ జాబ్స్ గురూ.. రూ.40000 జీతం, డిగ్రీ ఉంటే చాలు
ఈ ఘటనపై సోషల్ మీడియాలో భిన్నాభిప్రాయాలు వ్యక్తమయ్యాయి. కొందరు హ్యాకింగ్ చట్టవిరుద్ధమని విమర్శించారు. మరికొందరు సైబర్ సెక్యూరిటీ రంగంలో ప్రతిభను గుర్తించే విధానంపై ఈ ఘటన ప్రశ్నలు లేవనెత్తిందని అభిప్రాయపడ్డారు. ప్రస్తుతం ఈ ఆరోపణలపై అధికారిక వివరణ కోసం అందరూ ఎదురుచూస్తున్నారు.
Also Read: ఫుడ్ డెలివరీ బాయ్గా పనిచేశాడు కట్ చేస్తే ఈ రోజు కోటీశ్వరుడు.. రోజుకు రూ.6.3 లక్షల ఆదాయం
Share
భోగాపురం ఎయిర్పోర్ట్ తెచ్చింది జగనే.. మాజీ మంత్రి ధర్మాన కామెంట్స్
కావాలనే రన్స్ ఇచ్చి వెస్టిండీస్ ఛీటింగ్...బాబర్ ఆజం సేన ఘోర ఓటమి
