Credit Card Hidden Charges: కొందరికి క్రెడిట్ కార్డ్ చేతిలో ఉంటే చాలు.. ప్రపంచాన్ని కొనేయొచ్చనే ధీమా వచ్చేస్తుంది. చేతిలో నగదు లేకపోయినా అవసరాలకు పనికొస్తుందని దీనికి అలవాటు పడుతుంటారు. కానీ, మనం స్వైప్ చేసే ప్రతిసారీ బ్యాంకులు మనకు చెప్పకుండా వసూలు చేసే కొన్ని హిడెన్ చార్జీలు ఉంటాయి. వాటి గురించి ముందుగానే తెలుసుకోకపోతే చివరికి నష్టపోయేది మనమే.
సమయానికి బిల్లు కట్టడం ఒక్క రోజు ఆలస్యమైనా బ్యాంకులు ఏమాత్రం కనికరం చూపవు. నిర్ణీత గడువు దాటితే భారీగా లేట్ పేమెంట్ ఫీజు వేస్తాయి. దీనికి తోడు మనం కట్టాల్సిన అసలు మొత్తంపై రోజువారీ ప్రాతిపదికన వడ్డీ లెక్కించడం మొదలుపెడతాయి.
చాలామంది బిల్లులో కనిపించే మినిమం అమౌంట్ కట్టేసి హమ్మయ్య అనుకుంటారు. కానీ అది పెద్ద పొరపాటు. మిగిలిన బకాయిపై బ్యాంకులు ఏకంగా 30 నుండి 40 శాతం వరకు వార్షిక వడ్డీ వసూలు చేస్తాయి. పైగా ఈ బకాయి తీరేవరకు మీరు చేసే కొత్త కొనుగోళ్లకు కూడా ఉచిత క్రెడిట్ కాల పరిమితి వర్తించదు.
Also Read: జియో, ఎయిర్‌టెల్‌కి BSNL బిగ్ షాక్.. కేవలం రూ.1కే రీఛార్జ్.. 500 లైవ్ టీవీ ఛానెళ్లు ఉచితం!
అత్యవసరమని క్రెడిట్ కార్డ్ ఉపయోగించి ATM నుండి డబ్బులు తీశారా.. ఇక అంతే సంగతులు. ఏటీఎం నుంచి నగదు డ్రా చేసిన మరుసటి క్షణం నుండే వడ్డీ పడటం ప్రారంభమవుతుంది. దీనికి తోడు క్యాష్ అడ్వాన్స్ ఫీజు పేరిట మరికొంత మొత్తం అదనంగా బిల్లులో చేరిపోతుంది.
మీ కార్డుకు ఉన్న పరిమితిని దాటి ఒక్క రూపాయి ఎక్కువ వాడినా ఓవర్ లిమిట్ ఫీజు పడుతుంది. చాలాసార్లు మనం చేసే కొనుగోలుతో పాటు దానికి తోడయ్యే పన్నుల వల్ల కూడా ఈ లిమిట్ దాటిపోయి అదనపు చార్జీలు పడే ప్రమాదం ఉంటుంది.
ఉచితంగా ఇచ్చామని చెప్పే కార్డులకు కూడా కొన్ని షరతులు ఉంటాయి. ఏడాదికి నిర్దిష్ట మొత్తం వాడకపోతే యాన్యువల్ ఫీజు వేస్తారు. వీటితో పాటు మనం చెల్లించే ప్రతి చార్జీపై జీఎస్‌టీ పడుతుంది. కాబట్టి.. కార్డు వాడే ముందు ఈ హిడెన్ చార్జీలపై ఓ కన్నేసి ఉంచడం చాలా మంచిది.
Also Read: స్నాప్‌డ్రాగన్ 8 ఎలైట్ ప్రాసెసర్‌తో రాబోతున్న Poco F9 ఫ్లాగ్‌షిప్ ఫోన్లు.. లీకైన వివరాలివే!
Share
డీఎస్పీ భీంరెడ్డికి ఐటీ నోటీసులు.. రూ.200 కోట్ల బినామీ ఆస్తులు జప్తు?
కేబీఆర్ పార్కు చుట్టూ ప్రయాణించే వారికి బిగ్ అలర్ట్: సీపీ సజ్జనార్!
