Gold Price Today: అంతర్జాతీయ మార్కెట్లో పసిడి జోరు మొదలైంది. కొన్నాళ్లు ఒక రోజు పెరిగితే నాలుగు విలువైన లోహాల ధరలు పతనం అయ్యేవి. బలహీనపడిన డాలర్, ట్రెజరీ ఈల్డ్స్ తగ్గడం వంటి పరిణామాలు ఈ లోహాలపై పడింది. ఫలితంగా అంతర్జాతీయ మార్కెట్లో ధరలు పెరిగాయి. శుక్రవారం బంగారం-వెండి ధరలను ఒక్కసారి పరిశీలిద్దాం.
గోల్డ్ డౌన్ ఫాల్‌కు దాదాపుగా బ్రేకులు పడ్డాయి. పెట్టుబడిదారులు విలువైన లోహాల వైపు దృష్టి సారించారు. ఫలితంగా బంగారం-వెండి ధరలు పెరగడం మొదలైంది. అమెరికా డాలర్ తగ్గుదల, అమెరికన్ ట్రెజరీ ఈల్డ్స్ జోరు మందగించడం వంటి కారణంలో మదుపరులు విలువైన లోహాలపై ఫోకస్ చేశారు. బెంచ్‌మార్క్ 10 సంవత్సరాల యూఎస్ ట్రెజరీ ఈల్డ్ వరుసగా రెండో సెషన్‌లో క్షీణించి బంగారానికి మద్దతునిచ్చింది. దీంతో క్రమంగా ధరలు పెరుగుతున్నాయి.
అయితే యూఎస్ ఫెడరల్ రిజర్వ్ ద్వారా ద్రవ్య విధానాన్ని మరింత కఠినతరం చేస్తుందనే అంచనాలు, నిరంతర ద్రవ్యోల్బణ ఆందోళనలు లాభాలను పరిమితం చేయవచ్చని ఊహాగానాలు జోరందుకున్నాయి. ఈ నేపథ్యంలో అంతర్జాతీయ మార్కెట్లో బంగారం-వెండి ధరలు క్రమంగా పెరగడం మొదలైంది. గోల్డ్ ఫ్యూచర్స్ ఔన్సుకు 4197 డాలర్ల వద్ద ట్రేడింగ్ అవుతోంది. మునుపటి ముగింపు ధర కంటే 40 డాలర్లు పెరిగింది. అంటే 0.96 శాతం పెరిగింది. ఇంట్రాడేలో గరిష్టంగా ఔన్సుకు 4199 కాగా, కనిష్టంగా ఔన్సుకు 4156 డాలర్ల వద్ద తాకింది.
గుడ్ రిటర్న్స్ వెబ్‌సైట్ ప్రకారం.. బులియన్ మార్కెట్లో శుక్రవారం ఉదయం 6.30 గంటలకు ధరలు ఈ విధంగా ఉన్నాయి. ముఖ్యంగా హైదరాబాద్, విజయవాడ, విశాఖపట్నం నగరాల్లో 24 క్యారెట్ల 10 గ్రాముల ధర రూ.1,49,560 గా కొనసాగుతోంది. అదే 22 క్యారెట్ల ఆర్నమెంటల్ పసిడి రూ.1,37,090 వద్ద కొనసాగుతోంది. కిలో వెండి రూ.2,44,900 వద్ద అమ్మకాలు జరుగుతున్నాయి.
ఢిల్లీలో 24 కె బంగారం 10 గ్రాములు ధర రూ.1,49,690 ఉండగా, 22 కె 10 గ్రాముల రేటు 1,37,240 వద్ద ఉంది. ముంబై, బెంగుళూరు, కోల్‌కత్తా కాస్త రూ.100 లకు అటుఇటుగా నడుస్తోంది. చెన్నైలో దాదాపు ఢిల్లీ స్థాయి ధరలు కొనసాగుతున్నాయి. బెంగళూరు, ఢిల్లీ నగరాల్లో కిలో వెండి ధర రూ.2,34,900గా కొనసాగుతోంది. పండగ సీజన్‌ మొదలుకావడంతో కొనుగోళ్లు జోరందుకునే అవకాశం ఉందని ట్రేడర్లు చెబుతున్నారు.
Share
Gundeninda GudiGantalu Today episode: అయ్యో.. మనోజ్ కు ఏమైంది..రోహిణికి సపోర్ట్ మనోజ్..
వ్యూస్‌, డ‌బ్బుల కోసం మా వెధ‌వ‌లే టీమిండియాకు భజన చేస్తున్నారు
