Tanveer Ahmed slams Pakistan Ex-Cricketers : పాకిస్తాన్ మాజీ క్రికెటర్లపై తన్వీర్ అహ్మద్ వివాదస్పద వ్యాఖ్యలు చేశారు. కొంతమంది మాజీ క్రికెటర్లు టీమిండియాకు భజన చేస్తున్నట్టు ఆగ్రహం వ్యక్తం చేశారు. యూట్యూబ్, ఇతర సోషల్ మీడియాలో వ్యూస్ సంపాదించేందుకు శత్రు దేశపు క్రికెటర్లను తెగ పొగుడుతున్నట్టు బాంబ్ పేల్చారు. అంతేకాదు, భారత క్రికెట్ నియంత్రణ మండలితో కొంతమంది పాక్ మాజీ క్రికెటర్లు కుమ్మక్కు అయినట్టు కూడా ఆరోపణల చేశారు.
బీసీసీఐ వేసే కుక్క బిస్కెట్లు తీసుకునే వాళ్లు కూడా తమ దేశంలో ఉన్నారంటూ తీవ్ర ఆగ్రహం వ్యక్తం చేశారు.భారత దేశం ఇచ్చే డబ్బులు తీసుకుంటూ, పాకిస్తాన్ నుంచే భజన చేయడం మొదలు పెట్టారని విమర్శలు చేశారు. ఓడిపోయినా, గెలిచినా టీమిండియా ప్లేయర్లను జోకుతున్నట్టు మండిపడ్డారు. పాకిస్తాన్ దేశంలో పుట్టి, శత్రువుకు ప్రచారం చేయడానికి సిగ్గుగా లేదా ? అంటూ ఫైర్ అయ్యారు. ఇండియా అంతలా నచ్చితే, పాకిస్తాన్ దేశాన్ని వదిలేసి.. అక్కడికే వెళ్లిపోవాల్సింది అంటూ మండిపడ్డారు. మా వెధ‌వ‌లే వ్యూస్, డ‌బ్బుల కోసం టీమిండియాను పొగుడుతున్నారనే విషయం తనకు అవమానంగా ఉందన్నారు. మనోళ్లు బాగా ఆడినా, ఆడకపోయినా.. మెచ్చుకోవాలని, అదే దేశ భక్తి అంటూ కీలక వ్యాఖ్యలు చేశారు. దీంతో తన్వీర్ అహ్మద్ చేసిన వ్యాఖ్యలు దుమారం రేపుతున్నాయి.
టీమిండియా క్రికెట్, బీసీసీఐ వ్యవస్థ చాలా పెద్దది. టీమిండియా మ్యాచ్ లు ఎప్పుడు, ఎక్కడ జరిగినా జనాలు ఎగబడి చూస్తారు. అందుకే సోషల్ మీడియాలో టీమిండియాను మెచ్చుకుంటూ పాకిస్తాన్ మాజీలు పొగుడుతారంటూ తన్వీర్ అహ్మద్ చెప్పే ప్రయత్నం చేశారు. టీమిండియా ప్లేయర్ల గురించి పాకిస్తాన్ వాళ్లు పాజిటివ్ కామెంట్స్ చేస్తే.. భారతీయులు కచ్చితంగా చూస్తారు. లైక్, షేర్ చేస్తారని వెల్లడించారు. శత్రువు మెచ్చుకుంటే, కచ్చితంగా గర్వంగా ఉంటుంది.. అందుకే భారతీయులు పాకిస్తాన్ మాజీల వీడియోలు రెగ్యులర్ గా చూస్తారని వెల్లడించారు. దీన్ని క్యాచ్ చేసుకున్న పాక్ మాజీలు.. టీమిండియాను జోకడం మొదలు పెట్టినట్టు చురకలు అంటించారు.
ఇలా టీమిండియాకు డబ్బా కొట్టి.. కోట్లు సంపాదించిన వాళ్లు కూడా ఉన్నారన్నారు. ఇలాంటి పనులు చేయడం తనకు అస్సలు ఇష్టం ఉండదని వెల్లడించారు. కానీ కొంతమంది పాకిస్తాన్ పరువు తీసేందుకు ఇలా చేస్తున్నట్టు ఆగ్రహించారు. కాగా, షోయబ్ అక్తర్, సయిద్ అజ్మల్, రమీజ్ రాజా లాంటి నిత్యం టీమిండియా మెచ్చుకుంటూ సోషల్ మీడియాలో పోస్టులు పెడుతూ ఉంటారు. యూట్యూబ్, టీవీ ఛానెల్ డిబెట్స్, అంతర్జాతీయ వేదికల్లోనూ ఇండియాకు పాజిటివ్ గానే కామెంట్స్ చేస్తారు. అయితే, వీళ్లనే తన్వీర్ పరోక్షంగా విమర్శించినట్టు ప్రచారం సాగుతోంది.
Share
తగ్గేది లేదంటున్న పసిడి, మదుపరుల చూపుతో పైపైకి పరుగులు, మార్కెట్లో ధరల మాటేంటి?
ఐఫోన్ వీడియోల్లో బ్యాక్గ్రౌండ్ సౌండ్ కంట్రోల్ చేయొచ్చు.. ఈ ఫీచర్ గురించి తెలుసా?
