Inspirational career journey| ప్రభుత్వ ఉద్యోగం కోసం ఏళ్ల తరబడి చేసిన ప్రయత్నాలు ఆశించిన ఫలితాన్ని ఇవ్వకపోతే చాలామంది నిరాశ చెందుతారు. కానీ మహారాష్ట్రకు చెందిన సుదర్శన్ రావంకోలే తన కెరీర్‌ను మరో దిశలో మార్చుకున్నాడు. మూడు సార్లు యుపిఎస్‌సి పరీక్షకు ప్రయత్నించిన తర్వాత టెక్నాలజీ రంగాన్ని ఎంచుకున్నాడు. ఎడబ్లూఎస్, క్లౌడ్, డెవాప్స్ స్కిల్స్ నేర్చుకుని, ప్రాజెక్టులు, ఇంటర్న్‌షిప్‌లు, ఉద్యోగ ప్రయత్నాల ద్వారా ముందుకు సాగారు. చివరకు ప్రముఖ సాఫ్ట్‌వేర్ కంపెనీలో లక్షల ప్యాకేజీ ఆఫర్ వచ్చినట్లు సమాచారం.
సుదర్శన్ రావంకోలే 2018లో కంప్యూటర్ సైన్స్ అండ్ ఇంజినీరింగ్‌లో BE పూర్తి చేశాడు. ఆయన నాందేడ్‌లోని మాతోశ్రీ ప్రతిష్టాన్ స్కూల్ ఆఫ్ ఇంజినీరింగ్ లో చదువుకున్నాడు. ఇంజినీరింగ్ తర్వాత యుపిఎస్‌సి సివిల్ సర్వీసెస్ పరీక్షను తన కెరీర్ లక్ష్యంగా ఎంచుకున్నాడు. కొన్నేళ్లపాటు పరీక్షకు సిద్ధమయ్యారు. అయితే ఆయన మూడు ప్రయత్నాలు చేసినప్పటికీ ఆశించిన ఫలితం రాలేదు. దీంతో సివిల్ సర్వీసెస్ లక్ష్యాన్ని పక్కన పెట్టి కొత్త కెరీర్ మార్గాన్ని ఎంచుకున్నాడు.
యుపిఎస్‌సి తర్వాత సుదర్శన్.. టెక్నాలజీ రంగంపై దృష్టి పెట్టారు. ఎడబ్లూఎస్ నేర్చుకోవడానికి హైదరాబాద్‌కు వెళ్లి కోచింగ్‌లో చేరారు. అయితే ఆ శిక్షణ ఆయన అంచనాలకు అనుగుణంగా సాగలేదు. దీంతో అక్కడితో ఆగిపోకుండా మరో మార్గంలో నేర్చుకోవాలని నిర్ణయించుకున్నాడు. ఆయన క్లౌడ్ డెవాప్స్ హబ్ యూట్యూబ్ ఛానల్ ద్వారా ఎడబ్లూఎస్, క్లౌడ్, డెవాప్స్ టెక్నాలజీ గురించి స్వయంగా నేర్చుకోవడం ప్రారంభించాడు.
క్రమంగా సుదర్శన్.. అనేక టెక్నాలజీలపై నైపుణ్యాలను పెంచుకున్నాడు. ఆయన లింక్‌డ్ ఇన్ ప్రొఫైల్‌లో ఎడబ్లూఎస్, లినక్స్, జెన్ కిన్స్, జిఐటి, డాకర్, కూబర్ నెట్స్ వంటి నైపుణ్యాలు ఉన్నాయి. అలాగే టెర్రాఫామ్, ఆన్సిబుల్, ప్రొమెథియస్, గ్రఫానా వంటి టూల్స్‌పై కూడా ఆయనకు పరిజ్ఞానం ఉంది. 2025లో క్లౌడ్ డెవాప్స్ హబ్ లో ఆరు నెలల డెవాప్స్ మల్టీక్లౌడ్ ఇంటర్న్‌షిప్ కూడా పూర్తి చేశారు. ఆయన పబ్లిక్ ప్రాజెక్టుల్లో డాకర్, కుబర్‌నెట్స్, CI/CD, క్లౌడ్ ఇన్‌ఫ్రాస్ట్రక్చర్, మానిటరింగ్ టూల్స్ ఉపయోగించిన వివరాలు కనిపిస్తాయి.
టెక్నికల్ నైపుణ్యాలు నేర్చుకున్న తర్వాత కూడా ఉద్యోగం రావడం వెంటనే జరగలేదు. ప్రారంభంలో ఆయన పంపిన దరఖాస్తులకు సరైన స్పందన రాలేదు. తర్వాత ఆయన తన ఉద్యోగ దరఖాస్తు విధానాన్ని మార్చుకున్నారు. ప్రతి ఉద్యోగ ప్రకటనను జాగ్రత్తగా చదివి, అవసరమైన నైపుణ్యాలకు అనుగుణంగా రెజ్యూమ్‌ను మార్చడం ప్రారంభించారు. ఈ విధానం ఆయన దరఖాస్తులకు మరింత స్పందన రావడానికి సహాయపడింది.
Also Read: కిరోసిన్ దీపం వెలుగులో చదివి రూ.20 లక్షల సాలరీ జాబ్.. వ్యవసాయ కూలీ బిడ్డ ఐపిఎస్ ఆఫీసర్
సోషల్ మీడియాలో ప్రచారమైన కథనంలో ఆయన కెరీర్ గ్యాప్ గురించి ప్రస్తావన ఉంది. అయితే ఆయన లింక్‌డ్ ఇన్ ప్రొఫైల్‌లో మరిన్ని వివరాలు కనిపిస్తున్నాయి. ఆయన ప్రొఫైల్ ప్రకారం.. 2022 ఫిబ్రవరి నుంచి బెంగళూరులోని నయాగరా టెక్నాలజీస్‌లో జూనియర్ డెవాప్స్ ఇంజినీర్‌గా పనిచేస్తున్నట్లు ఉంది. అలాగే 2024 నవంబర్ నుంచి జెపి మార్గన్ చేజ్‌లో ఇంటర్న్‌షిప్ చేసినట్లు ప్రొఫైల్‌లో పేర్కొన్నారు. LinkedIn ద్వారా ఆ అవకాశం వచ్చినట్లు ఆయన తెలిపారు.
Also Read: రూ.50 లక్షల పెట్టుబడితో రూ.50 కోట్ల రాబడి.. 21 ఏళ్ల యువతి జాక్‌పాట్
రావంకోలే కెరీర్ మార్పు ఒక్కసారిగా జరగలేదు. యుపిఎస్‌సి ప్రయత్నాల తర్వాత ఎడబ్లూఎస్ కోచింగ్, స్వయంకృషి, ప్రాజెక్టులు, ఇంటర్న్‌షిప్‌లు, ఉద్యోగ దరఖాస్తులు వంటి అనేక దశలు ఇందులో ఉన్నాయి. ఇప్పుడు కెర్లాన్ గ్లోబల్ సొల్యూషన్స్ నుంచి రూ.17 లక్షల వార్షిక ప్యాకేజీ ఆఫర్ వచ్చినట్లు సమాచారం. ఈ ప్రయాణం కెరీర్ మార్చుకోవడం అనేది ఒకే నిర్ణయంతో పూర్తయ్యే ప్రక్రియ కాదని చూపిస్తుంది. కొత్త నైపుణ్యాలు నేర్చుకుంటూ, తప్పుల నుంచి నేర్చుకుని, అవకాశాలకు అనుగుణంగా మారడం కూడా అందులో భాగమే.
Share
ముఖేష్ కాళ్లు మొక్కిన వర్షిణి.. వీడియో వైరల్!
వికారాబాద్లో ఘోర రోడ్డు ప్రమాదం..లోయలో పడిన బస్సు, నలుగురు మృతి
