Success Story| స్థిరమైన ఉద్యోగం, మంచి జీతం, బెంగళూరులో సౌకర్యవంతమైన జీవితం ఉన్నా ప్రదీప్ కన్నన్‌కు సంతృప్తి కలగలేదు.
2019లో ఆయన ఒరాకిల్ (Oracle)లో ఉద్యోగాన్ని వదిలి సొంత వ్యాపారం ప్రారంభించాలని నిర్ణయించుకున్నారు. కార్పొరేట్ జీవితాన్ని వదిలి తమిళనాడులోని కరూర్‌కు తిరిగి వచ్చారు. అక్కడ కేవలం 10×10 అడుగుల చిన్న షాపు ప్రారంభించాడు. అదే చిన్న ప్రయత్నం ఇప్పుడు పెద్ద బ్రాండ్‌గా ఎదిగింది. 2025లో అతని వ్యాపారం వార్షికంగా రూ.9 కోట్లకు పైగా ఆదాయం సాధించనట్లు సమాచారం.
ప్రదీప్ కన్నన్‌కు ఫుడ్ బిజినెస్‌లో ముందుగా ఎలాంటి ప్రత్యేక అనుభవం లేదు. ఆయన నేషనల్ ఇన్‌స్టిట్యూట్ ఆఫ్ ఫ్యాషన్ టెక్నాలజీలో ఫ్యాషన్ టెక్నాలజీ చదివారు. తర్వాత పోస్ట్‌గ్రాడ్యుయేట్ మేనేజ్‌మెంట్ ప్రోగ్రామ్ కూడా పూర్తి చేశారు.
ఆయన కెరీర్‌లో అపారెల్ ఆపరేషన్స్, సప్లై చైన్ మేనేజ్‌మెంట్ వంటి విభాగాల్లో పనిచేశారు. దుబాయ్‌లో కూడా పనిచేసిన ఆయన జెన్‌ప్యాక్ట్ లో బిజినెస్ అనలిస్ట్‌గా బాధ్యతలు నిర్వహించారు. తర్వాత ఒరాకిల్ ఇండియాలో ఆపరేషన్స్ విభాగంలో నాయకత్వ బాధ్యతలు చేపట్టారు.
అయితే సొంతంగా ఏదైనా నిర్మించాలనే ఆలోచన ఆయనను వ్యాపారం వైపు నడిపించింది.
ది ఫాలూదా షాపు ప్రారంభానికి ముందే కన్నన్ ఒక కుల్ఫీ వ్యాపారం ప్రయత్నించారు. ఆ వ్యాపారంలో ఒక ఔట్‌లెట్ మూసివేయాల్సి వచ్చింది. చివరికి ఆ వ్యాపారం కూడా నిలబడలేదు. అయితే ఆ అనుభవం ఆయనకు విలువైన పాఠాలను నేర్పింది. లొకేషన్, ఇన్వెంటరీ, కస్టమర్ డిమాండ్, నాణ్యత వంటి అంశాలను ఆయన అర్థం చేసుకున్నారు. ఆ అనుభవమే తరువాతి వ్యాపారానికి బలమైన పునాదిగా మారింది.
2019లో కన్నన్, ఆయన భార్య కలిసి కరూర్‌కు తిరిగి వచ్చారు. వారు తమ పొదుపులు, కుటుంబ ఆస్తులను కొత్త వ్యాపారంలో పెట్టుబడిగా ఉపయోగించారు. గాంధిగ్రామ్ సమీపంలో కేవలం 10×10 అడుగుల ప్రదేశంలో మొదటి కియోస్క్ ప్రారంభించారు.
ఫలూదా సాధారణమైన డెజర్ట్ (స్వీట్) అయినప్పటికీ, కన్నన్ దాన్ని బ్రాండ్‌గా మార్చాలని లక్ష్యంగా పెట్టుకున్నారు. ఒకే షాపుపై ఆధారపడకుండా, ఇతర ప్రాంతాల్లో కూడా అమలు చేయగల వ్యవస్థలను రూపొందించారు.
ది ఫాలూదా షాపు తర్వాత ఫ్రాంచైజీ ఆధారిత విస్తరణను ప్రారంభించింది. 2020లో కరూర్‌లో మొదటి ఫ్రాంచైజీ ఔట్‌లెట్ ప్రారంభమైనట్లు కంపెనీకి సంబంధించిన నివేదికలు చెబుతున్నాయి. తర్వాత బ్రాండ్ భారతదేశంలోని ఇతర ప్రాంతాలకు, దుబాయ్‌కు విస్తరించింది.
కంపెనీ FOFO అంటే (ఫ్రాంచైజీ ఓన్డ్, ఫ్రాంచైజీ ఆపరేటెడ్) విధానాన్ని అనుసరిస్తుంది. ఫ్రాంచైజీ భాగస్వాములు ఔట్‌లెట్లను నిర్వహిస్తూ కంపెనీ విధానాలను అనుసరిస్తారు. కంపెనీ వారికి శిక్షణ, కార్యకలాపాల విషయంలో సహాయం అందిస్తుంది.
Also Read: ఫుడ్ పాయిజనింగ్‌ అంటే కేవలం వాంతులు, విరేచనాలు కాదు.. నరాలు, కిడ్నీలు, కీళ్లకు ప్రమాదం.. ఎలాగంటే
ది ఫాలూదా షాపు ఇప్పుడు ఫలూదాతో పాటు అనేక డెజర్ట్లు, పానీయాలను అందిస్తోంది. లేయర్డ్ ఫలూదాలు, వివిధ డెజర్ట్లు, రెడీ టు ఈట్ ఉత్పత్తులు కూడా ఇందులో ఉన్నాయి. ఫలూదాను క్యాన్‌లో అందించే ఉత్పత్తిని కూడా కంపెనీ పరిచయం చేసింది.
Also Read: మీరు వేగంగా నడుస్తారా లేదా మెల్లగా.. వాకింగ్ స్టైల్ మీ పర్సనాలిటీని తెలుపుతుంది..
కన్నన్ వ్యాపార ప్రయాణం ది ఫాలూదా షాపుతో ముగియడం లేదు. ఆయన X ప్రొఫైల్ ప్రకారం.. ప్రస్తుతం గ్లోబల్ D2C ఐస్‌క్రీమ్ బ్రాండ్‌ను నిర్మిస్తున్నారు. ఒరాకిల్‌లో నేర్చుకున్న ఆపరేషన్స్, సప్లై చైన్, ప్రాసెస్ మేనేజ్‌మెంట్ నైపుణ్యాలను వ్యాపారంలో ఉపయోగిస్తున్నారు.
చిన్న కియోస్క్‌తో మొదలైన ఆయన ప్రయాణం ఇప్పుడు వినియోగదారుల ఉత్పత్తుల మార్కెట్ వైపు సాగుతోంది.
Share
కేసీఆర్ భూములపై రచ్చ.. ఆనాడే భూస్వాములు, డీల్ చేయలేకపోతున్నారన్న కేటీఆర్
అడ్వాన్స్డ్ ఫీచర్లతో మార్కెట్లోకి వచ్చేస్తోన్న Samsung Galaxy Tab S12.. లాంచ్ డేట్ లీక్!
