Tomatoes Price| దేశంలోని అన్ని రాష్ట్రాల్లో వాతావరణ మార్పుల తీవ్ర ప్రభావం సామాన్యలు వంటిల్లుపై పడుతున్నట్లు కనిపిస్తోంది. శనివారం దేశ రాజధాని ఢిల్లీ మార్కెట్లో కిలో టమోటా ధర రూ.100 పలికింది. ఎప్పుడూ రూ.20, రూ.30 కిలో ఉండే టమోటా ధర వంద రూపాయల అంటే విచిత్రమే అనిపిస్తుంది.
ఢిల్లీలోని మదర్ డెయిరీకి చెందిన సఫల్ రిటైల్ ఔట్ లెట్‌లో కిలో టమోటా వంద రూపాయలకు విక్రయిస్తున్నారు. డిపార్ట్‌మెంట్ ఆఫ్ కన్‌జ్యూమర్ ఎఫైర్స్ డేటా ప్రకారం.. ఢిల్లీలో హోల్ సేల్ మార్కెట్ లో శనివారం, జూలై 20న టమోటా కిలో రూ.93.
ప్రభుత్వ డేటా ప్రకారం.. జూలై 20న దేశంలోని పలు నగరాల్లో టమోట కిలో ధర సగటున రూ.73.76 ఉంది.
కన్‌జ్యూమర్ ఎఫైర్స్ శాఖ సీనియర్ అధికారి టమోటా ధర ఇంతలా పెరగడానికి కారణాలు వివరించారు. దేశంలో విపరీతమైన వేడి వల్ల టమోటా ఉత్పత్తి భారీ తగ్గడం అదే సమయంలో ఒక్కసారిగా భారీ వర్షలు కురవడంతో టమోటా పంటలు దెబ్బతిన్నాయి. ఈ కారణాల వల్ల మార్కెట్‌కు టమోటా సరఫరా చాలా తక్కువగా ఉంది. ఫలితంగా ధరలు భారీగా పెరిగాయని ఆ అధికారి మీడియాకు తెలిపారు.
ఒక్క టమోటా ధరలే కాదు మిగిలిన కూరగాయల ధరలు కూడా సామాన్య ప్రజల జీవితాలను ప్రభావితం చేస్తున్నాయి. ఢిల్లీలో శనివారం మదర్ డైరీ సూపర్ మార్కెట్లో.. ఉల్లిపాయ ధర కిలో రూ.46.9 ఉండగా.. బంగాళదుంప (ఆలుగడ్డ) ధర కిలో రూ.41.90 గా ఉన్నాయి.
Also Read: బజాజ్ సంచలన నిర్ణయం.. ఫ్లిప్‌కార్ట్ నుంచి బైకులను ఆర్డర్ చేయవచ్చు!
అయితే ప్రభుత్వ డేటా ప్రకారం.. ఉల్లిపాయ ధర కిలో రూ.50, బంగాళదుంప ధర కిలో రూ.40 గా ఉన్నాయి. దేశ వ్యాప్తంగా ధరలు చూస్తే.. ఉల్లిపాయ ధర కిలో రూ.44.16, ఆలు ధర కిలో రూ.37.22గా ఉన్నాయి.
టమోటా, ఉల్లిపాయ, బంగాళదుంప ధరలతో పాటు మిగతా కూరగాయల ధరలు ఇలా ఉన్నాయి. శనివారం మదర్ డైరీ రిటైల్ ఔట్ లెట్ లో బీరకాయ కిలో రూ.59, కాకరకాయ కిలో రూ.49, ఫ్రెంచ్ బీన్స్ రూ.89, బెండకాయ రూ.49, క్యాప్సికమ్ రూ.119, వంకాయ (పెద్దవి రూ.59) (చిన్నవి రూ.49), దోసకాయ రూ.39. అన్నింటి కంటే గోబి పువ్వు- కాలిఫ్లవర్ కిలో రూ.139 భారీ ధర పలుకుతోంది.
మరోవైపు హైదరాబాద్ లో కూడా కిలో టమోటా రూ.80పైగా పలుకుతోంది.
Share
Kerala:కేరళ సీఎం ఎంత పనిచేశారు..ప్రధానిగా భావిస్తున్నారా?
U.S :నేను ఉంటే అలా జరిగివుండేది కాదు: డొనాల్డ్ ట్రంప్
