Vivo New Mobile Launch: ఈ ఫోన్ ఫ్యూచర్లు చూస్తే మతిపోవాల్సిందే.. వివో ఎస్ 19 ప్రో 5జీ రివ్యూ

Vivo New Mobile Launch: వివో, గత కొన్ని సంవత్సరాలుగా స్మార్ట్‌ఫోన్ రంగంలో తనకంటూ ప్రత్యేక గుర్తింపు సాధించింది. ఆధునిక సాంకేతికతను అందరికీ అందుబాటులోకి తీసుకురావడమే కాకుండా, ఫోటోగ్రఫీకి ప్రాధాన్యం ఇచ్చే ఫోన్లను మార్కెట్లోకి తీసుకువస్తూ వినియోగదారుల మనసు గెలుచుకుంది. డిజైన్, కెమెరా నాణ్యత, శక్తివంతమైన బ్యాటరీ, వేగవంతమైన ప్రాసెసింగ్ వంటి అంశాలను కలిపి అందించే బ్రాండ్‌గా వివో పేరు గడించింది. తాజాగా వచ్చిన వివో ఎస్19 ప్రో 5జీ కూడా అదే తరహాలో వినియోగదారులకు కొత్త అనుభవాన్ని అందించనుంది.

ఫోటోగ్రఫీ ప్రేమికుల కోసం

వివో S19 ప్రో 5జీ ప్రత్యేకంగా ఫోటోగ్రఫీ ప్రేమికుల కోసం రూపొందించారు. ఇది స్పీడ్ ఛార్జింగ్ కోరుకునే వినియోగదారుల కోసం రూపొందించబడింది. దీని కెమెరా ప్రీమియం ఫోటోగ్రఫీ అనుభవాన్ని అందిస్తుంది. ముందు భాగంలో 50 మెగాపిక్సెల్ కెమెరా ఉండడం వలన సెల్ఫీలు, వీడియో కాల్స్‌లో అద్భుతంగా వస్తాయి. వెనుక భాగంలో మూడు కెమెరాలు ఉన్నాయి. ఇవి వైడ్, అల్ట్రా వైడ్ , దూరంగా ఉండే చిత్రాలను సైతం దగ్గరగా స్పష్టంగా చూపే టెలిఫోటో లెన్స్‌తో తయారైంది. టెలిఫోటో కెమెరా 50 రెట్లు దూరంలో ఉన్న వస్తువులను కూడా స్పష్టంగా చిత్రీకరించగలదు.

6.78 అంగుళాల అమోలేడ్ డిస్‌ప్లే స్క్రీన్

డిస్‌ప్లే విషయానికి వస్తే, వివో ఎస్19 ప్రోలో 6.78 అంగుళాల అమోలేడ్ డిస్‌ప్లే స్క్రీన్ అమర్చారు. దీని రిఫ్రెష్ రేట్ 120హెచ్ జెడ్ ఉండటంతో ప్రతి కదలిక స్పష్టంగా కనిపిస్తుంది. పీక్ బ్రైట్‌నెస్ 4500 నిట్స్‌కి చేరుకోవడం వల్ల నేరుగా ఎండలోనూ  క్లారిటీగా చూడవచ్చు. అమోలేడ్ స్క్రీన్ కావడంతో రంగులు సహజంగా కనిపిస్తాయి. అందుకే సినిమాలు, వీడియోలు చూసినా, గేమ్స్ ఆడినా ఈ డిస్‌ప్లే ప్రత్యేకమైన అనుభవాన్ని అందిస్తుంది.

80డబ్ల్యూ వేగవంతమైన ఛార్జింగ్

బ్యాటరీ, ఛార్జింగ్ విషయానికి వస్తే, ఇందులో 5500ఎంఏహెచ్ శక్తివంతమైన బ్యాటరీని అమర్చారు. 80డబ్ల్యూ వేగవంతమైన ఛార్జింగ్ సౌకర్యం ఉండటంతో కొద్దిసేపు ఛార్జింగ్ పెడితేనే ఎక్కువ శాతం పవర్ అందుతుంది. దీని వలన ఒకరోజంతా నిరంతర వినియోగానికి ఎలాంటి ఇబ్బంది ఉండదు.

Also Read: Deepika Padukone : తీసేస్తే తీశారు కానీ… కెరీర్‌‌పై గట్టి దెబ్బ కొట్టారు

9200 ప్లస్ చిప్‌సెట్‌

ప్రాసెసర్ పరంగా చూస్తే, ఈ ఫోన్‌లో అత్యాధునిక మీడియాటెక్ డైమెన్సిటీ 9200 ప్లస్ చిప్‌సెట్‌ని ఉపయోగించారు. 4ఎన్ఎం టెక్నాలజీతో రూపొందిన ఈ ప్రాసెసర్‌కి శక్తివంతమైన గ్రాఫిక్స్ యూనిట్ తోడవడంతో గేమింగ్ అయినా, మల్టీటాస్కింగ్ అయినా ఎలాంటి అడ్డంకులు లేకుండా సజావుగా నడుస్తాయి. ర్యామ్ 8జీబీ, 12జీబీ, 16జీబీ ఆప్షన్లలో, స్టోరేజ్ 256జీబీ, 512జీబీ వేరియంట్లలో అందుబాటులో ఉంది. దీంతో పెద్ద ఫైళ్ళు, ఫోటోలు, వీడియోలు, యాప్‌లు అన్నీ సులభంగా నిల్వ చేసుకోవచ్చు.

ఆండ్రాయిడ్ 14 – ఆరిజిన్ ఓఎస్ 4.0తో

సాఫ్ట్‌వేర్ విషయానికి వస్తే, ఆండ్రాయిడ్ 14 ఆధారంగా రూపొందిన ఆరిజిన్ ఓఎస్ 4.0తో వస్తుంది. దీని వల్ల ఇది చాలా అందంగా, స్మూత్ యూజర్ అనుభవాన్ని ఇస్తుంది. ఫింగర్‌ ప్రింట్ సెన్సార్ స్క్రీన్‌లోనే అమర్చబడింది కాబట్టి అన్‌లాక్ వేగంగా, సులభంగా జరుగుతుంది. అదనంగా, ఐపి68, ఐపి69కె వాటర్‌ప్రూఫ్ రక్షణ ఉండటం వలన వర్షంలో తడిసినా, పొరపాటున నీరు లేదా కాఫీ, టీ, జ్యూస్ పడినా ఫోన్ సురక్షితంగానే ఉంటుంది.

5జి, వైఫై7, బ్లూటూత్ 5.3 ఫీచర్లు

కనెక్టివిటీ పరంగా కూడా ఇది అన్ని ఆధునిక ప్రమాణాలను కలిగి ఉంది. 5జి, వైఫై7, బ్లూటూత్ 5.3 వంటి ఫీచర్లు ఉండటంతో వేగవంతమైన ఇంటర్నెట్, తక్కువ లేటెన్సీతో గేమింగ్, అలాగే ఫైళ్ళను వేగంగా షేర్ చేసుకునే అవకాశం లభిస్తుంది.

ధర – కలర్స్

ధర విషయానికి వస్తే, భారతదేశంలో ఈ ఫోన్‌ ధర సుమారు రూ.37,990 నుంచి ప్రారంభమవుతుంది. నీలం, బూడిద రంగు, ఆకుపచ్చ లాంటి ఆకర్షణీయమైన రంగుల్లో ఇది అందుబాటులో ఉంటుంది. మొత్తం కలిపి ఇది ఫోటోగ్రఫీ ప్రియులకు, గేమింగ్ అభిమానులకు, మల్టీమీడియా యూజర్లకు సరైన తోడుగా నిలుస్తుంది.

Share

• 
• 
• 
• 
• 
•