1 BHK Housing Crisis India| సొంత ఇల్లు కొనాలని కలలు కనే చాలామంది బడ్జెట్ జీవులకు 1 BHK ఇళ్లు మంచి ఆప్షన్. కానీ ఇప్పుడు అలాంటి ఇళ్లు వెతకడం కష్టమవుతోంది. 1 BHK కొనాలనుకునే వారు ఉన్నారు. కానీ బిల్డర్లు మాత్రం నిర్మాణాలు చేపటడ్డం లేదు. పెద్ద ఇళ్ల వైపు ఎక్కువగా మొగ్గు చూపుతున్నారు.
డేశంలో ప్రముఖ రియల్ ఎస్టేట్ సంస్థ మేజిక్ బ్రిక్స్ ప్రాప్ఇండెక్స్ ఏప్రిల్ – జూన్ 2026 డేటా ప్రకారం.. ఇండియాలో 13 శాతం కొనుగోలుదారులు 1 BHK ఇళ్లు కోరుకుంటున్నారు. అయితే అందుబాటులో ఉన్న మొత్తం హౌసింగ్ ఇన్వెంటరీలో 1 BHKల వాటా కేవలం 5 శాతంగా ఉంది. మరోవైపు 2 BHKలకు 42 శాతం డిమాండ్ ఉండగా, వాటి సప్లై కూడా 32 శాతం మాత్రమే ఉంది. మరోవైపు 3 BHKలకు 37 శాతం డిమాండ్ ఉండగా, మార్కెట్లో వాటి సప్లై 46 శాతంగా ఉంది. మూడు కంటే ఎక్కువ బెడ్రూమ్లు ఉన్న ఇళ్లకు 8 శాతం డిమాండ్ ఉంది. వాటి సప్లై మాత్రం 17 శాతంగా ఉంది. ఈ గణాంకాలు.. కొనుగోలుదారుల అవసరాలకు, మార్కెట్ సప్లైకి మధ్య వ్యత్యాసాన్ని చూపిస్తున్నాయి.
ప్రస్తుతం కుటుంబ అవసరాలు మారడంతో కొందరు పెద్ద ఇళ్లకు ప్రాధాన్యం ఇస్తున్నారు. గాంధీనగర్కు చెందిన ఓ టీచర్.. తన కుటుంబం కోసం 3 BHK ఇల్లు కొనుగోలు చేశారు. పిల్లల చదువుకు ప్రత్యేక స్థలం, అతిథుల కోసం మరో గది కావాలని ఆయన భావించారు. పుణెలోని ఓ ఐటీ ఉద్యోగి కూడా 3 BHKను ఎంచుకున్నారు. వర్క్ ఫ్రమ్ హోమ్ కారణంగా ఇంట్లో ప్రత్యేక ఆఫీస్ అవసరమైంది.
జైపూర్లో రిటైర్డ్ ఆర్మీ అధికారి నరేంద్ర శర్మ కూడా 3 BHK కొనుగోలు చేశారు. ఆయన దాన్ని ప్రధానంగా పెట్టుబడి దృష్ట్యా తీసుకున్నారు.
బిల్డర్లకు భూమి, నిర్మాణం, అనుమతులు, ఇతర ఖర్చులు భారీగా ఉంటాయి. ఇల్లు చిన్నదిగా చేసినంత మాత్రాన ఈ ఖర్చులు అదే స్థాయిలో తగ్గవు. అయితే పెద్ద అపార్ట్మెంట్ను ఎక్కువ ధరకు విక్రయించే అవకాశం ఉంటుంది. 2 BHK, 3 BHK ఇళ్లకు కూడా మార్కెట్లో మంచి డిమాండ్ కనిపిస్తోంది. అందుకే పెద్ద ఇళ్ల నిర్మాణం బిల్డర్లకు ఆర్థికంగా ఆకర్షణీయంగా మారుతోంది.
ANAROCK ప్రకారం.. రూ.40 లక్షలలోపు ఇళ్లను సాధారణంగా అఫోర్డబుల్ హౌసింగ్ విభాగంలో చూస్తారు. ఈ విభాగంలో డిమాండ్, సప్లై రెండింటిలోనూ ఒత్తిడి కనిపిస్తోంది. పెరుగుతున్న భూమి, నిర్మాణం, నిబంధనల ఖర్చులు బిల్డర్లపై భారం పెంచుతున్నాయి. అఫోర్డబుల్ ప్రాజెక్టుల్లో (చిన్న ఇళ్ల నిర్మాణాలు) లాభాల మార్జిన్ సుమారు 10-12 శాతంగా ఉండవచ్చు. ప్రీమియం ఇళ్లలో ఈ మార్జిన్ 25-30 శాతం లేదా అంతకంటే ఎక్కువగా ఉండవచ్చు. అందుకే కొంతమంది డెవలపర్లు ఖరీదైన ప్రాజెక్టుల వైపు వెళ్తున్నారు.
Also Read: ప్రతి ఐఫోన్ విక్రయంతో శామ్సంగ్కు రూ.24,000 లాభం.. ఎలాగంటే?
అనారాక్ H1 2026 సర్వేలో కూడా 48 శాతం మంది 3 BHKలను ఇష్టపడినట్లు వెల్లడైంది. 38 శాతం మంది 2 BHKలకు ప్రాధాన్యం ఇచ్చారు. అయితే ఇవి వారి కోరికలు మాత్రమే వారిలో ఎక్కువ మందికి పెద్ద ఇళ్లు కొనుగోలు చేసే స్థోమత లేదు. ఈ సర్వే.. 14 నగరాల్లో 8,320 మంది కొనుగోలుదారుల అభిప్రాయాల ఆధారంగా జరిగింది. అయితే ప్రతి ఒక్కరికీ పెద్ద ఇల్లు అవసరం ఉండదు.
ఘజియాబాద్కు చెందిన డేటా అనలిస్ట్ సురభి మల్హోత్రా 2 BHKను పరిశీలించిన తర్వాత 1 BHKను ఎంచుకున్నారు. తక్కువ కొనుగోలు ధర, EMI, మెయింటెనెన్స్ ఖర్చులు.. వంటి ఆంశాలు పరిగణించిన తరువాత ఆమె నిర్ణయం తీసుకున్నట్లు తెలిపారు.
Also Read: యూట్యూబ్ వీడియోలు చూసి బిజినెస్ ప్రారంభం.. నెలకు రూ.25 లక్షల ఆదాయం
పెద్ద ఇళ్లకు డిమాండ్ పెరుగుతున్నా, 1 BHK అవసరం పూర్తిగా ముగియలేదు. చిన్న కుటుంబాలు, ఒంటరిగా ఉండేవారు, మొదటిసారి ఇల్లు కొనేవారికి ఇవి ఉపయోగకరంగా ఉంటాయి. క్కువ బడ్జెట్లో సొంత ఇంటి కలను నెరవేర్చుకోవాలనుకునేవారికి 1 BHK ఇప్పటికీ ముఖ్యమైన ఎంపిక. సమస్య డిమాండ్ లేకపోవడం కాదు. అందుబాటులో ఉన్న ఇళ్ల సంఖ్య తగ్గిపోవడమే. అందుకే 1 BHK.. భారత హౌసింగ్ మార్కెట్ నుంచి పూర్తిగా కనుమరుగు కాలేదు. కానీ సరసమైన ధరలో సరైన 1 BHKను లభించడం మాత్రం రోజురోజుకూ కష్టమవుతోంది.
Share
తక్కువ ధరలోనే బెస్ట్ సౌండ్ ! నాయిస్ బడ్స్ N1పై అదిరిపోయే ఆఫర్!
ఆధార్ కార్డ్ చూపించి మరీ రియల్ ఏజ్ చెప్పేసిన వైష్ణవి చైతన్య!
