Lady SI Sent Notice in Pavithra Gowda makeup in Police Custody: శాండిల్‌వుడ్ హీరో దర్శన్ అభిమాని రేణుకాస్వామి హత్య కేసులో కొత్త కొత్త విషయాలు వెలుగులోకి వస్తున్నాయి. ఈ కేసులో నటి పవిత్రాగౌడ అరెస్టయ్యింది. కాకపోతే ఆమె వ్యవహారశైలి అభిమానులు ఆశ్చర్యపోతున్నారు. పోలీసు కస్టడీలో ఆమె మేకప్ వేసుకుని లిప్ స్టిక్ రాసుకున్న వీడియోలు తీవ్రదుమారం రేపుతున్నాయి. దీంతో పోలీసులు చర్యలు చేపట్టారు. ఈ వ్యవహారంపై మహిళా పోలీసుకు నోటీసు ఇచ్చారు.
రేణుకాస్వామి హత్య కేసు విచారణలో భాగంగా ఈనెల 15న పవిత్రాగౌడను పోలీసులు బెంగుళూరులోని ఆమె నివాసానికి తీసుకెళ్లారు. పోలీసులతో కలిసి ఇంట్లోకి వెళ్లిన ఆమె, బయటకు వచ్చే సమయంలో నవ్వుతూ కనిపించింది. అంతేకాదు ఆమె ముఖానికి మేకప్ వేసుకోవడమే కాదు లిప్ స్టిక్ రాసుకుంది. దీనికి సంబంధించిన దృశ్యాలు వైరల్‌గా మారాయి. హత్య కేసులో ఆమె ఎలాంటి పశ్చాత్తాపం పడుతున్నట్లు కనిపించలేదు. దీంతో ఆమెపై సోషల్‌మీడియాలో విపరీతంగా ట్రోల్స్ పెరుగుతున్నాయి.
ఘటనపై సీరియస్ అయిన పోలీసు అధికారులు, నటి వెంట వెళ్లిన మహిళా ఎస్ఐకి నోటీసులు ఇచ్చారు. వివరణ అడిగినట్టు డీసీపీ వెల్లడించారు. ఇదిలావుండగా పరప్పన సెంట్రల్ జైలులో ఉన్న పవిత్రాగౌడను ఆమె తల్లి, కూతురు కలిశారు. ఆ సమయంలో ఆమె కంటతడి పెట్టుకున్నట్లు పోలీసు వర్గాలు చెబుతున్నమాట.
Also Read: జులై 1 నుంచి అమలుకానున్న కొత్త చట్టాలు.. జీరో FIR, ఆన్‌లైన్‌‌లోనే ఫిర్యాదులు
ఈ కేసు డీటేల్స్‌లోకి వెళ్తే.. శాండిల్‌వుడ్ నటుడు దర్శన్ జీవితంలో నటి పవిత్రాగౌడ చిచ్చుపెడుతోందని అభిమాని రేణుకాస్వామి సోషల్ మీడియాలో అసభ్యకర పోస్టు పెట్టాడు. ఈ విషయం పవిత్రా గౌడకు తెలిసింది. వెంటనే దర్శన్‌కు చెప్పడం, ఆ తర్వాత అభిమాని హత్యకు గురికావడం సంచలనం రేపింది. ఈ కేసులో ఇప్పటివరకు 17 మందిని అరెస్ట్ చేశారు పోలీసులు. పవిత్రాగౌడ్ ఏ1, దర్శన్ ఏ2గా పేర్కొన్నారు. హత్య తర్వాత డెడ్‌బాడీ ఎవరికీ కనపించకుండా ఉండేందుకు మరో వ్యక్తికి 30 లక్షలు ముట్ట జెప్పినట్టు విచారణలో తేలింది.
Video showing murder accused #PavitraGowda smiling while in police custody… pic.twitter.com/vo2r64iC4c
— Hate Detector 🔍 (@HateDetectors) June 20, 2024
Share
New Rules from July 1st: జూలై 1 నుంచి మారునున్న నియమాలు.. మీ జేబుకు భారీగా చిల్లుపడటం ఖాయం సుమీ!
Sunil Gavaskar: మీరు ఏమనుకుంటున్నారు..? బ్రాడ్ కాస్టర్ పై గవాస్కర్ ఆగ్రహం!
