Congress Leader Dead: మెదక్ జిల్లాలో కాంగ్రెస్ నేత హత్య..! స్పాట్‌లో 4 బుల్లెట్లు..

Congress Leader Dead: మెదక్‌ జిల్లా కొల్చారంలో కాంగ్రెస్ ఎస్సీ సెల్ జిల్లా సెక్రటరీ.. అనుమానాస్పద స్థితిలో మృతి చెందారు. మంగళవారం తెల్లవారుఝామున మెదక్-హైదరాబాద్ రోడ్డు పక్కన కారు అదుపు తప్పినట్టుగా.. కారులో అనిల్ మృతదేహం పడి ఉంది.

మొదట ఇది సాధారణ రోడ్డు ప్రమాదం అనుకుని.. దర్యాప్తు ప్రారంభించిన పోలీసులు, మృతదేహం దగ్గర నుంచి నాలుగు బుల్లెట్లు లభించడంతో అనుమానం మొదలైంది. ప్రమాద సమయంలో అనిల్ కుడి భుజం, వీపు, చేతులపై కూడా బుల్లెట్ గాయాలున్నాయి. అనిల్ కూర్చున్న సీట్‌లో రక్తపు మరకలు ఉన్నాయి. దీంతో ఇది హత్యా? ఆత్మహత్యా? అనే కోణంలో పోలీసులు దర్యాప్తు చేస్తున్నారు.

అనిల్ కారులో ఒంటరిగా ప్రయాణిస్తున్నట్టు ప్రాథమికంగా గుర్తించారు. అయితే సంఘటన జరిగిన ప్రాంతం ఓపెన్ ఫీల్డ్ ప్రాంతం కావడం, కారులో బలవంతంగా కూర్చొబెట్టినట్టుగా శరీర భంగిమ ఉండటం.. పోలీసులకు మరింత అనుమానం కలిగిస్తోంది. కారుపై ఎక్కడ బుల్లెట్ గాయాలు కనిపించకుండా.. కాల్చినట్టు పోలీసుల అనుమానం వ్యక్తం చేస్తున్నారు.

కారు సమీపంలో ఎలాంటి ఆహుతుల జాడలు లేకపోవడం, ఫోరెన్సిక్ బృందం ఘటనా స్థలానికి వచ్చి బుల్లెట్లు, కారు అంతర్భాగాన్ని పరిశీలించడంతో.. పోలీసులు అసలు కారణాన్ని వెలికితీయడానికి తీవ్రంగా కృషి చేస్తున్నారు. మృతదేహాన్ని మెదక్ జిల్లా ప్రభుత్వాస్పత్రికి తరలించారు.

అనిల్ మృతిపై సమాచారం తెలియగానే.. జిల్లా కాంగ్రెస్ పార్టీ శ్రేణులు సంఘటన స్థలానికి చేరుకున్నాయి. పార్టీకి కార్యకర్తగా చాలాకాలంగా సేవలు అందించిన అనిల్ మరణ వార్త విని జీర్ణించుకోలేకపోతున్నారు. ఇది ముమ్మాటికి హత్యే పలు అనుమానాలు వ్యక్తం చేస్తున్నారు. పోలీసులు దీనిపై పూర్తి స్థాయిలో విచారణ చేయాలి అంటూ నేతలు డిమాండ్ చేస్తున్నారు.

ఇక పోలీసులు అనిల్ వ్యక్తిగత సంబంధాలు, రాజకీయ నేపథ్యం, ఇటీవల కాలంలో ఎవరైనా బెదిరింపులకు పాల్పడ్డారా.. అనే అంశాలపై దృష్టి సారించారు. అనిల్‌కు కుటుంబం నుండి వచ్చిన ఫిర్యాదు ఆధారంగా.. మరింత సమాచారం వెలుగు చూడనుంది.

ఇదిలా ఉండగా, ఈ ఘటన పట్ల ప్రజలలోనూ తీవ్ర చర్చ నడుస్తోంది. ఒక రాజకీయ నాయకుడు ఇలా బుల్లెట్లు గల పరిస్థితుల్లో మృతిచెందడమేంటి? అన్నదే ప్రధాన ప్రశ్నగా మారింది.

Also Read: హత్యను రోడ్డు ప్రమాదంగా చిత్రీకరించిన భార్య.. ప్రియుడితోపాటు, భువనగిరి జిల్లాలో దారుణం

ఈ ఘటన నిజంగా ప్రమాదమేనా? లేక హత్యా? ఆత్మహత్యను హత్యగా మలిచే కుట్రా? అన్నదానిపై త్వరలోనే స్పష్టత రానుంది. జిల్లా పోలీస్ ఉన్నతాధికారులు ఈ కేసును అన్ని కోణాల్లో విచారణ చేపట్టినట్టు సమాచారం.