Comedian Ali: కమెడియన్ ఆలీ ఈ మధ్య వరుస సినిమాలతో బిజీగా మారుతున్నాడు. డబుల్ ఇస్మార్ట్ సినిమాలో కనిపించి విమర్శలు అందుకున్న ఆలీ.. సండే గర్ల్ ఫ్రెండ్ అనే సినిమాలో హీరోగా చేస్తున్నాడు. తాజాగా ఉత్సవం సినిమాలో ఆలీ ఒక కీలక పాత్రలో నటించాడు. ఈ సినిమా రిలీజ్ అయ్యి మంచి విజయాన్ని అందుకుంది.
దిలీప్ ప్రకాష్, రెజీనా కసాండ్రా జంటగా అర్జున్ సాయి దర్శకత్వంలో తెరకెక్కిన ఉత్సవం సినిమా సెప్టెంబర్ 13 న రిలీజ్ అయ్యి మంచి పాజిటివ్ టాక్ ను అందుకుంది. దీంతో తాజాగా చిత్ర బృందం సక్సెస్ మీట్ నిర్వహించింది. ఈ సక్సెస్ మీట్ లో చిత్ర బృందం మొత్తం పాల్గొంది. ఈ ఈవెంట్ లో ఆలీ మాట్లాడుతూ.. ఈ సినిమాలో నారదుడు అనే పాత్రలో కనిపించాను అని, అది తనకు మంచి పేరు తీసుకొచ్చిందని తెలిపాడు.
ఇక స్పీచ్ అనంతరం.. రిపోర్టర్స్ అడిగిన ప్రశ్నలకు ఆలీ సమాధానమిచ్చాడు. ఇందులో భాగంగానే ఆలీకి, పవన్ కళ్యాణ్ గురించిన ప్రశ్న ఎదురైంది. పవన్ – ఆలీ స్నేహ బంధం గురించి ఇండస్ట్రీ మొత్తానికి తెలుసు. ఒకానొక సమయంలో ఆలీ లేని పవన్ సినిమా లేదు అంటే అతిశయోక్తి కాదు. ఇక ఈ ఇద్దరు ప్రాణ స్నేహితులు.. రాజకీయాల వలన విడిపోయారు. పవన్ జనసేన పార్టీ స్థాపించిన్నప్పుడు .. ఒక ఫ్రెండ్ గా ఆలీ, పవన్ కు అండగా నిలబడలేదు. తనకు ఇష్టమైన వైసీపీలోనే కొనసాగాడు.
Kumari Aunty: కుమారి ఆంటీ గొప్ప మనసు.. సీఎం కు రూ. 50 వేలు చెక్కు అందజేత
ఇక ఇద్దరు ఒకపక్క ఫ్రెండ్స్ గా ఉంటూ.. రాజకీయాల్లో ఉండలేమని పవన్ భావించి, ఆలీని దూరం పెట్టిన్నట్లు సమాచారం. అలా ఈ ఇద్దరు ఫ్రెండ్స్ విడిపోయారు. కానీ, ఏరోజు కూడా ఆలీ.. రాజకీయ స్పీచ్ లలో కానీ, మీడియా ముందు కానీ, పవన్ ను తక్కువ చేసి మాట్లాడలేదు.. విమర్శించలేదు.
ఇక ఈ ఈవెంట్ లో కూడా ఒక రిపోర్టర్ .. పవన్ తో మీ అనుబంధం ఎలా ఉంది అని అడగ్గా.. ” మా ఇద్దరి మధ్య అనుబంధం.. మూడు పువ్వులు ఆరుకాయలులానే ఉంది. పవన్ తో నటించే అవకాశం వస్తే తప్పకుండా నటిస్తాను” అని చెప్పుకొచ్చాడు. ఇక ఈ మధ్యనే ఆలీ.. వైసీపీ నుంచి బయటకు వచ్చేసిన విషయం తెల్సిందే. మరి ఇప్పుడు ఆలీని, పవన్ దగ్గరకు రానిస్తాడా.. ? లేదా.. ? అనేది చూడాలి.
Share
Tirupati Laddu: తిరుపతి లడ్డూలపై సంచలన వ్యాఖ్యలు చేసిన చంద్రబాబు.. ప్రసాదంలో జంతువుల కొవ్వు వాడారంటూ సీరియస్
Flipkart: స్మార్ట్‌ఫోన్ పై 99 శాతం డిస్కౌంట్.. ఇదెక్కడి మోసమంటూ ఫ్లిప్‌కార్ట్‌పై కస్టమర్ల ఆగ్రహం
