Director Srinivas: ఈ ఒక్క కారణంతోనే సమంత నిర్మాత అయ్యారు.. సీక్రెట్ రివీల్ చేసిన శుభం డైరెక్టర్

Director Srinivas: టాలీవుడ్ స్టార్ హీరోయిన్ సమంత రుత్ ప్రభు నిర్మాతగా మారి, తన ‘ట్రా లా లా మూవీంగ్ పిక్చర్స్’ బ్యానర్‌పై నిర్మించిన తాజా చిత్రం ‘శుభం’ బాక్సాఫీస్ వద్ద మంచి విజయాన్ని అందుకుంటోంది. సినిమా విడుదలైన కొద్ది రోజుల్లోనే లాభాల బాట పట్టడంతో చిత్ర యూనిట్ ఆనందంలో మునిగిపోయింది. ఈ సందర్భంగా ‘శుభం’ చిత్ర దర్శకుడు శ్రీనివాస్ గవిరెడ్డి తాజాగా ఇచ్చిన ఒక ఇంటర్వ్యూలో సమంతపై ప్రశంసల వర్షం కురిపించారు. శ్రీనివాస్ గవిరెడ్డి మాట్లాడుతూ సమంతతో పనిచేయడం ఒక అద్భుతమైన అనుభవమని తెలిపారు. “సమంత గారు మా అందరికీ ఒక పునర్జన్మనిచ్చారు. ఆమెతో కలిసి పనిచేయడం నిజంగా చాలా గొప్ప విషయం” అని ఆయన అన్నారు. కొత్త నటీనటులతో సినిమా తీయడం అనేది సాధారణమైన విషయం కాదని, ఇలాంటి ప్రయత్నానికి సమంత ఎంతో రిస్క్ తీసుకున్నారని ఆయన కొనియాడారు. “కొత్త టాలెంట్‌ను ప్రోత్సహించాలనే ఆమె ఆలోచన చాలా గొప్పది. ఒక నిర్మాతగా ఆమె చూపిన నమ్మకం, సహకారం మరువలేనిది” అని శ్రీనివాస్ పేర్కొన్నారు.

సీక్రెట్ రివీల్ చేసిన శుభం డైరెక్టర్..

‘శుభం’ సినిమాలో సమంత పోషించిన “మాయ మాతశ్రీ” అనే విచిత్రమైన పాత్ర గురించి కూడా శ్రీనివాస్ ప్రత్యేకంగా మాట్లాడారు. ఈ పాత్ర సినిమాకు ఒక ప్రత్యేకమైన ఆకర్షణగా నిలిచిందని ఆయన అభిప్రాయపడ్డారు. సమంత తనదైన ప్రత్యేక శైలిలో ఈ పాత్రకు హాస్యాన్ని జోడించి ప్రేక్షకులను కడుపుబ్బా నవ్వించారని ఆయన తెలిపారు. “సమంత కేవలం నిర్మాతగానే కాకుండా, ఒక నటిగా కూడా ఈ సినిమాకు ఎంతో విలువను తీసుకువచ్చారు. ఆమె పాత్ర సినిమా కథను మరింత ఆసక్తికరంగా మార్చింది” అని ఆయన అన్నారు. ఈ సినిమా ద్వారా సమంత నిర్మాతగా మారడం పట్ల శ్రీనివాస్ సంతోషం వ్యక్తం చేశారు. ఇది ఆమె నిర్మాతగా మొదటి చిత్రం అయినప్పటికీ, ఆమె ఎంతో పరిణితితో వ్యవహరించారని ఆయన మెచ్చుకున్నారు. “సమంత నిర్మాతగా మొదటి సినిమాతోనే విజయాన్ని అందుకోవడం చాలా సంతోషంగా ఉంది. ఆమె భవిష్యత్తులో మరిన్ని అద్భుతమైన చిత్రాలను నిర్మిస్తారని ఆశిస్తున్నాను” అని శ్రీనివాస్ గవిరెడ్డి ఆశాభావం వ్యక్తం చేశారు. అంతేకాకుండా.. సినిమా ప్రమోషన్స్‌ కోసం ఆమె అహర్నిషలు కష్టపడినట్లు ఆయన వివరించారు.

ఈ ఒక్క కారణంతోనే సమంత నిర్మాత అయ్యారు..

‘సినిమాబండి’ ఫేమ్ ప్రవీణ్ కండ్రేగుల దర్శకత్వంలో రూపొందిన ‘శుభం’ సినిమాలో హర్షిత్ రెడ్డి, గవిరెడ్డి శ్రీనివాస్, చరణ్ పెరీ, శ్రీయా కొంతం, శ్రావణి లక్ష్మీ, శాలిని కొండెపూడి, వంశీధర్ గౌడ్, గంగవ్వ తదితరులు కీలక పాత్రల్లో నటించారు. సెటైరికల్ కామెడీ, హారర్ అంశాలతో రూపొందిన ఈ చిత్రం విడుదలైన కొద్ది రోజుల్లోనే ప్రేక్షకులను విశేషంగా ఆకట్టుకుంటోంది. ముఖ్యంగా సమంత నిర్మాతగా మారడం, ఆమె ప్రత్యేకమైన పాత్ర సినిమాకు మరింత హైప్‌ను తీసుకువచ్చింది. డైరెక్టర్ శ్రీనివాస్ గవిరెడ్డి మాటల్లో సమంత పట్ల ఉన్న గౌరవం, ‘శుభం’ సినిమా విజయం పట్ల ఆయన ఆనందం స్పష్టంగా కనిపిస్తున్నాయి.

Amzon Prime Video : సడన్ షాక్ ఇచ్చిన ప్రైమ్ వీడియో… డబ్బులు పెట్టి సబ్స్క్రిప్షన్ తీసుకోవడం ఇక దండగ