Rishab Shetty Reaction on Neha Hiremath Murder: కర్ణాటకలో నేహా హిరేమత్ హత్య ఎంతటి సంచలనం సృష్టిస్తుందో ప్రత్యేకంగా చెప్పాల్సిన అవసరం లేదు. ఏప్రిల్ 18 న కర్ణాటకలోని హుబ్బళ్లిలోని BVB కాలేజ్ లో కాంగ్రెస్‌కు చెందిన హుబ్బళ్లి-ధార్వాడ్ సిటీ కార్పొరేషన్ కార్పొరేటర్ నిరంజన్ హిరేమత్ కుమార్తె నేహా హిరేమత్ ను ఫయాజ్ అనే యువకుడు అతి దారుణంగా 9సార్లు కత్తితో పొడిచి పొడిచి హత్యచేశాడు. ఈ ఘటనలో ఆమె సంఘటనా స్థలంలోనే మృతి చెందింది. నేహాను, ఫయాజ్ ఎంతోకాలంగా ప్రేమించమని వేధిస్తున్నాడు. ఆమె ఒప్పుకోకపోవడంతో ప్రేమోన్మాది అయిన ఫయాజ్ ఈ ఘాతుకానికి పాల్పడ్డాడు. ఇందుకు సంబంధించిన వీడియో కర్ణాటకను మాత్రమే కాదు మొత్తం దేశాన్నే షేక్ చేసింది.
కాలేజ్ క్యాంపస్ లో ఒక అమ్మాయిని ఇంత దారుణంగా చంపినవారిని ఊరికే వదలకూడదని మహిళా సంఘాలు ర్యాలీలు నిర్వహిస్తున్నాయి. ఇంకోపక్క ఈ హత్య లవ్ జిహాద్ కి సంబంధించినదని నిరంజన్ హిరేమత్ చెప్పడం మరింత హీట్ పెంచింది. మొన్నటివరకు బీజేపీ ఈ మాట అంటే ఫైర్ అయిన కాంగ్రెస్ నేతలు.. ఇప్పుడు నిరంజన్ హిరేమత్ ను మీడియా ముందుకు తీసుకొచ్చి తన కుమార్తె హత్య లవ్ జిహాద్ అని చెప్పుకొచ్చాడు. ఇక ఇవన్నీ పక్కన పెడితే.. నేహా హత్యపై కన్నడ ఇండస్ట్రీ సపోర్ట్ చేసిన పాపాన పోలేదు. మొట్ట మొదటిసారి కన్నడ హీరో రిషబ్ శెట్టి.. నేహా హత్యపై నోరు విప్పాడు.
సోషల్ మీడియా ద్వారా ఆయన నిందితులకు శిక్ష పడాలని కోరాడు. ” నేహా హిరేమత్ ఘటన అమానుషం. నేహా కుటుంబానికి ఈ దుఃఖాన్ని భరించే శక్తిని భగవంతుడు ప్రసాదించాలని, ఇలాంటి సంఘటన పునరావృతం కాకుండా దోషులపై చట్టపరమైన చర్యలు తీసుకోవాలని అభ్యర్థిస్తున్నాను” అంటూ తెలిపాడు. దీంతో అభిమానులు.. మొట్టమొదటి హీరో దేనికి భయపడకుండా పోస్ట్ చేశాడు.. సూపర్ అంటూ కామెంట్స్ పెడుతున్నారు. ఇకపోతే ప్రస్తుతం రిషబ్ కాంతార 2 సినిమాతో బిజీగా ఉన్నాడు.
ನೇಹಾ ಹಿರೇಮಠ್ ಅವರ ಘಟನೆ ಅಮಾನವೀಯವಾಗಿದೆ.
ಇಂತಹ ಘಟನೆ ಮರುಕಳಿಸದಂತೆ ಕಾನೂನು ಕ್ರಮಗಳನ್ನು ತಪ್ಪಿತಸ್ಥರ ಮೇಲೆ ಕೈಗೊಳ್ಳಬೇಕೆಂದು ವಿನಂತಿಸುತ್ತಾ,ನೇಹಾ ಅವರ ಕುಟುಂಬಕ್ಕೆ ಈ ದುಃಖ ಭರಿಸುವ ಶಕ್ತಿ ದೇವರು ಕೊಡಲಿ ಎಂದು ಪ್ರಾರ್ಥಿಸುತ್ತೇನೆ.#JusticeForNeha pic.twitter.com/FHko09mWJV— Rishab Shetty (@shetty_rishab) April 20, 2024
Share
CM Revanth Reddy: ‘ఇక్కడున్నది రేవంత్ రెడ్డి.. హైటెన్షన్ కరెంట్ వైర్.. బిడ్డా టచ్ చేసి చూడు’..
Samsung Galaxy F15 5G Launch: గెలాక్సీ కొత్త వేరియంట్ లాంచ్.. ఫోన్‌పై బోలేడు ఆఫర్లు!
