Road Accident in Canada: దొంగను వెంబడించబోయిన పోలీసులు.. ముగ్గురు మృతి!

2 Indians Grand Child Died in Canada Road Accident: చోరీ చేసి పారిపోతున్న దొంగను పోలీసులు వెంబడిస్తున్నారు. ఈ క్రమంలో రోడ్డు ప్రమాదం చోటు చేసుకుంది. ఈ ప్రమాదంలో ముగ్గురు మృతిచెందారు. అందులో ఇద్దరు వృద్ధ దంపతులు, మూడు నెలల చిన్నారి ఉన్నారు. తన కూతురును చూసేందుకని వచ్చిన ఆ వృద్ధ దంపుతులు ఇలా రోడ్డు ప్రమాదంలో మృతిచెందడంతో ఆ కుటంబంలో విషాదం నెలకొంది.

ఇందుకు సంబంధించి పూర్తి వివరాల్లోకి వెళితే.. కెనడాలోని ఒంటారియోలో ఓ దొంగ ఓ వైన్ షాపులో దొంగతనానికి పాల్పడ్డాడు. విషయం తెలుసుకున్న పోలీసులు అక్కడికి చేరుకుని అతడిని అదుపులోకి తీసుకునేందుకు ప్రయత్నించారు. ఈ క్రమంలో అతను తన కారులో పారిపోయేందుకు ప్రయత్నించాడు. అప్రమత్తమైన పోలీసులు వెంటనే తమ వాహనంలో వెంబడించారు.

Also Read: మాజీ మంత్రి ఘాతుకం: భార్య జుట్టు పట్టి ఈడ్చికెళ్తూ.. ఇష్టానుసారంగా తన్ని..

పోలీసులు తనను వెంబడించడంతో అతను రాంగ్ రూట్ లో వెళ్లి భారతీయులు ప్రయాణిస్తున్నటువంటి కారును ఢీకొట్టాడు. దీంతో ఆ కారులో ప్రయాణిస్తున్న ఇద్దరు భారతీయులు, వారి మనవడు మృతిచెందాడు. మనవడి వయసు మూడు నెలలు ఉంటుందని పోలీసులు చెప్పారు. ఈ ప్రమాదంలో మృతిచెందిన వృద్ధ దంపతుల కూతురు తీవ్రంగా గాయపడింది. ఆమెను పోలీసులు ఆసుపత్రికి తరలించారు.

ప్రమాదంలో మృతిచెందినటువంటి ఈ వృద్ధ దంపతులు తన కూతురును చూసేందుకు ఇండియా నుంచి కెనడాకు వచ్చారని, ఈ క్రమంలో వారు ప్రమాదం బారిన పడి ప్రాణాలు కోల్పోయారని వారు పేర్కొన్నారు. దీంతో వారి కుటుంబంలో తీవ్ర విషాదం నెలకొన్నది.

Share

• 
• 
• 
• 
• 
•