Flydubai Co-Pilot: ప్లై దుబాయ్ విమానం ఘటన వ్యవహారంలో కొత్త కొత్త విషయాలు వెలుగులోకి వస్తున్నాయి. అసలు విషయాలు తెలియడంతో పలువురు షాకవుతున్నారు. కో-పైలట్ హమామ్ అల్హమామిగా గుర్తించిన అధికారులు, అతడి బ్యాక్ గ్రౌండ్ గురించి కీలకమైన విషయాలు బయటకు వచ్చాయి.
ప్లై దుబాయ్ కో-పైలట్ హమామ్ అల్మమామి గురించి ప్రపంచవ్యాప్తంగా చర్చ జరుగుతోంది. 1996లో UAEలో సిరియన్ తల్లి-ఒమన్ తండ్రికి జన్మించాడు హమామీ. దీంతో 14 నుంచి 21 ఏళ్ల మధ్య సిరియాలో అతడు ఉన్నట్లు సమాచారం. అక్కడే తీవ్రవాద భావజాలాలను అంది పుచ్చుకున్నట్లు అంతర్జాతీయ మీడియాలో కథనాలు వస్తున్నాయి. సిరియాలో తీవ్రవాద భావజాలానికి ఆకర్షితుడైనట్లు గుర్తించారు. 2018 లో ఒమన్ ఏవియేషన్‌లో చేరాడు హమామీ.
2024 లో అతడిపై తీవ్రవాద కంటెంట్‌ గుర్తించడంతో విమానాలు నడపకుండా ఒమన్ నిషేధం విధించింది. 2025లో ఒమన్ ఏవియేషన్‌కు రాజీనామా చేశాడు. 2026లో ఫ్లై దుబాయ్‌లో నేరుగా ఫస్ట్ ఆఫీసర్‌గా చేరాడు. హమామీ గతం, శిక్షణ, సెక్యూరిటీ చెక్స్‌పై దర్యాప్తు కొనసాగుతుంది. కో-పైలట్‌ను ఒమన్ జాతీయుడు హమామ్ అల్-హమ్మామిగా గుర్తించారు. ఈ విషయంపై అవగాహన ఉన్న గల్ఫ్ దౌత్యవేత్త, పాశ్చాత్య దౌత్యవేత్తతో సహా ముగ్గురు వ్యక్తులు ఓ వార్తా సంస్థకు తెలిపారు. మీడియాతో మాట్లాడటానికి వారికి అధికారం లేనపోవడంతో వారి పేర్లు వెల్లడించవద్దనే షరతుతో మాట్లాడారు.
అల్-హమ్మామి లింక్డ్‌ఇన్ ప్రొఫైల్ ప్రకారం.. అతడు ఫిబ్రవరి, 2025లో వైదొలగడానికి ముందు ఒమాన్ ఎయిర్‌లో ఏడేళ్లు పని చేశాడని పేర్కొంది. జూన్, 2025లో రాయల్ ఎయిర్ మొరాకోలో చేరాడు. ఈ ఏడాది జనవరిలో వైదొలగినట్లు పేర్కొన్నాడు. హమామ్ యూకే విశ్వవిద్యాలయంలో చదువుకున్నట్లు నిర్ధారించారు. గతంలో ఏవియేషన్ మేనేజ్‌మెంట్‌లో దూరవిద్య కోర్సు పూర్తి చేశాడు. విశ్వవిద్యాలయంలో ఎలాంటి పైలట్ శిక్షణ తీసుకోలేదని తెలుస్తోంది.
ALSO READ: భారత్ కెప్టెన్ మచ్చర్‌కి ఇజ్రాయెల్ పీఎం బెంజిమన్ వీడియో కాల్.. డోర్ తీసే సమయంలో
ఫ్లైదుబాయ్ కో-పైలట్ హమామ్.. ఆస్ట్రేలియాలో సుమారు రెండు సంవత్సరాలు విద్యార్థిగా గడిపాడని వెలుగులోకి వచ్చింది. దీంతో ఆస్ట్రేలియా భద్రతా సంస్థలు దర్యాప్తు ప్రారంభించాయి. 2014లో అతడికి ఆస్ట్రేలియన్ స్టూడెంట్ వీసా మంజూరైందని, ఆ తర్వాతి ఏడాది యూనివర్సిటీ కోర్సు ప్రారంభించడానికి దేశానికి వచ్చాడని తెలిసింది. మరి ఏం జరిగిందో తెలీదుగానీ, 2017లో ఆస్ట్రేలియాను విడిచిపెట్టాడట. అతడు కోర్సులో నమోదు కాలేదని అధికారులు నిర్ధారించుకున్న తర్వాత 2019లో అతడి వీసా రద్దు చేసినట్టు అక్కడి అధికారుల మాట.
కో-పైలట్ హమీమ్ సౌదీ అరేబియాలోని టబూక్ ఎయిర్ పోర్టులో దిగిన తర్వాత అక్కడి అధికారులు అదుపులోకి తీసుకున్నారు. గురువారం అక్కడి నుంచి ఆయన్ని యూఏఈకి తరలించారు. అక్కడ ఇజ్రాయెల్ అధికారులు అతడ్ని ప్రశ్నించే అవకాశముంది. దీనికి సంబంధించి ఇప్పటికే ఇజ్రాయెల్‌కి చెందిన ఓ టీమ్, యూఏఈకి చేరుకుందని సమాచారం.
Share
వెయిటింగ్ లిస్ట్ ఉన్నా టెన్షన్ వద్దు.. చార్ట్ తర్వాత కూడా రైలు టికెట్ ఇలా బుక్ చేసుకోవచ్చు!
వేల రూపాయల ఫీచర్లు రూ.1000కే..ఆఫర్ మాములుగా లేదుగా!
