Octopus Attack: సముద్రంలో చేపల వేటకు వెళ్లిన మత్స్యకారుడికి ఊహించని షాక్ తగిలింది. నీటి నుంచి బయటకు తీసిన ఆక్టోపస్ అనూహ్యంగా అతడి ముఖంపై దాడి చేసింది. సదరు వ్యక్తి దానిని తీసేందుకు ఎంత ప్రయత్నించినా వీలు కాలేదు. ప్రస్తుతం ఇందుకు సంబంధించి దృశ్యాలు నెట్టింట వైరల్ గా మారాయి.
ఫిలిప్పీన్స్ తీర ప్రాంతంలో ఈ విచిత్ర ఘటన చోటుచేసుకుంది. జెస్సర్ సెర్వాంటెస్ అనే మత్స్యకారుడు.. చిన్న పడవలో చేపల వేటకు వెళ్లాడు. ఈ క్రమంలో తను వేసిన గాలానికి అక్టోపస్ చిక్కింది. దానిని పడవలోకి లాగుతున్న క్రమంలో వల నుంచి అది బయటపడి.. అతడి ముఖాన్ని గట్టిగా పట్టుకుంది. దీంతో ఊపిరి ఆడక దాన్ని వదిలించుకోవడానికి అతడు తీవ్రంగా శ్రమించాల్సి వచ్చింది.
Octopus refuses to let go of fisherman face pic.twitter.com/sTEBbz2aXz
— Heidi (@Heidi3614645017) August 17, 2026
అక్టోపస్ తన పట్టును మరింత బిగిస్తుండటంతో అతడు ప్రాణ భయంతో ఊక్కిరిబిక్కిరి అయ్యాడు. ఈ క్రమంలో ఎదురుగా ఉన్న వెదురు బొంగును తీసుకొని అక్టోపస్‌పై ఎదురుదాడికి దిగాడు. దానిని కర్రతో కొడుతూ ముఖం నుంచి విడిపించే ప్రయత్నం చేశాడు. దెబ్బల దాటికి ఆక్టోపస్ తన పట్టు సడలించడంతో వెంటనే దాన్ని ముఖం మీద నుంచి బలంగా లాగేశాడు. అనంతరం తిరిగి సముద్రంలోకి విసిరేశాడు.
కాగా, ఆక్టోపస్ దాడి గురించి జెస్సర్ స్పందించాడు. దానిని అడ్డుకోవడం చాలా కష్టమైందని వాపోయాడు. అది తన ముఖాన్ని చీల్చేసినంత పని చేసిందని ఆందోళన వ్యక్తం చేశాడు. సమయానికి ఎదురుగా కర్ర కనిపించడంతో ఆక్టోపస్ ను నియంత్రించడం సాధ్యమైనట్లు పేర్కొన్నారు. ముఖంపై ఎలాంటి ప్రమాదకర గాయాలు లేకుండా బయటపడటం చాలా సంతోషంగా ఉందని జెస్సర్ చెప్పుకొచ్చారు.
Also Read: వీడు మామూలోడు కాదు.. రూ.5 లక్షల కోసం కిడ్నాప్ డ్రామా.. చివరికి భలే బుక్కయ్యాడు!
సాధారణంగా అక్టోపస్‌లు చాలా బలంగా దాడి చేస్తాయి. వాటి తండకాలపై ఉండే పట్టులు (Suckers) ఎంతటి దృఢమైన జీవినైనా గట్టిగా అట్టి పట్టి ఉంచుతాయి. అంతేకాకుండా ఇవి ఏ ఉపరితలాన్నైనా గట్టిగా పట్టుకోగలవని నిపుణులు చెబుతున్నారు. ఇవి తమ కాళ్లను చాలా వేగంగా కదుపుతాయని పేర్కొన్నారు. కాగా, ఫిలిప్పీన్స్ సముద్ర తీర ప్రాంతాల్లో కొకోనట్ అక్టోపస్, మిమిక్ అక్టోపస్‌లతో పాటు అత్యంత విషపూరితమైన బ్లూ-రింగ్డ్ అక్టోపస్‌లు కూడా విస్తృతంగా సంచరిస్తుంటాయి.
Also Read: ఇమ్రాన్ ఖాన్‌కు బిగ్ రిలీఫ్.. జైలు నుంచి ఆస్పత్రికి.. పాక్ సుప్రీంకోర్టు కీలక ఆదేశాలు!
Share
22A జాబితాపై మంత్రి కోమటిరెడ్డి వెంకటరెడ్డి సంచలన వ్యాఖ్యలు
'కాకా' మెగా 158 టైటిల్, ఫస్ట్ లుక్ రిలీజ్ డేట్ లాక్.. సంబరాలు సిద్ధం చేస్కో!
