Big Stories

Flamingo : అర్జెంటీనాలో బర్డ్ ఫ్లూ.. 220 ఫ్లెమింగోల మృత్యువాత

Share this post with your friends

Flamingo

Flamingo : అర్జెంటీనా వాయవ్య ప్రాంతంలో బర్డ్‌ఫ్లూ ప్రబలింది. ఫలితంగా 220 వరకు ఫ్లెమింగో పక్షులు మ‌ృత్యువాత పడ్డాయి. మరణించిన ఎర్రని కొంగలు జేమ్స్ ఫ్లెమింగో జాతికి చెందినవి. ఇవి ఎక్కువగా అర్జెంటీనా, బొలీవియా, చిలీ, పెరూ దేశాల్లో అత్యంత ఎత్తైన ప్రదేశాల్లో నివసిస్తుంటాయి.

దక్షిణ అమెరికా అంతటా ప్రస్తుతం ఏవియన్ ప్లూ వైరస్ స్ట్రెయిన్ H5N1 వ్యాప్తిలో ఉంది. రోజుల వ్యవధిలోనే ఈ వైరస్ అన్ని పక్షులకు సంక్రమించే ప్రమాదం ఉంది. మనుషులకూ వ్యాప్తి చెందొచ్చనే ఆందోళన వ్యక్తమవుతోంది. ఈ ఏడాది ఆగస్టులో బర్డ్ ఫ్లూ కారణంగా అట్లాంటిక్ తీరంలో 50కి పైగా సీ లయన్స్ మృతి చెందాయి. అంతకుముందు చిలీ, పెరూ దేశాల్లో వేల సంఖ్యలో సీలయన్స్ మృత్యువాత పడ్డాయి.

కెటమర్కా ప్రావిన్స్‌లో చనిపోయిన ఫ్లెమింగోలను పరీక్షించి చూడగా.. ఏవియన్ ఫ్లూ పాజిటివ్‌గా తేలింది. ఫ్లూ వైరస్ వ్యాప్తి చెందకుండా అధికారులు అన్ని జాగ్రత్తలు తీసుకుంటున్నారు. మృతి చెందిన ఏ జంతువులనూ తాకొద్దని పర్యాటకులను హెచ్చరించారు.

ఈ జాతి ఫ్లెమింగోలు అంతరిస్తున్న ప్రాణుల జాబితాలో ఉన్నాయి. ఈ ఎర్రని కొంగలు అందరికీ తెలిసినవే అయినా.. భారత్ సహా ప్రపంచవ్యాప్తంగా 27 దేశాల్లో ఆరు జాతులు మాత్రమే ఉనికిలో ఉన్నాయి. ఉత్తర, దక్షిణ అమెరికాల్లో నాలుగు జాతులు, మిగిలిన రెండు జాతులు ఆఫ్రికా, ఆసియా, యూరప్ దేశాల్లో కనిపిస్తాయి.


Share this post with your friends

ఇవి కూడా చదవండి

Latest News