Green Card Indians Worried: గ్రీన్ కార్డ్ ఉన్నా పంపించేస్తారా?.. అమెరికాలో ట్రంప్ దెబ్బకు భయపడుతున్న భారతీయులు..

Green Card Indians Worried Over Trump Policies | అమెరికాలో గ్రీన్ కార్డు కలిగిన భారతీయులు.. ట్రంప్ ప్రభుత్వం దెబ్బకు ఆందోళన చెందుతున్నారు. తమ వద్ద ఉన్న శాశ్వత నివాస పత్రం.. గ్రీన్ కార్డుని ప్రభుత్వం లాగేసుకుంటుందా? అనే అనుమానాలు వ్యక్తం చేస్తున్నారు.

అమెరికాలో నివసించే భారతీయుల్లో కొందరు తమ గ్రీన్ కార్డు భద్రతపై అనిశ్చితిలో ఉన్నారు. ట్రంప్ పాలనలో తీసుకున్న అమలవుతున్న కొత్త పాలసీలు.. ముఖ్యంగా “పబ్లిక్ చార్జ్” నిబంధనలు.. గ్రీన్ కార్డు హోల్డర్లను కూడా ఆందోళనలోకి నెట్టాయి. ఈ నియమం కొత్త వలసదారులకు సహాయం పొందే అవకాశాలను కుదించడానికి తీసుకువచ్చినప్పటికీ, ఇప్పటికే గ్రీన్ కార్డు కలిగిన వారిపై కూడా ప్రభావం చూపుతుందేమోనని భయం పెరిగింది. ప్రభుత్వ సహాయాన్ని గతంలో పొందిన వారు తమ స్థితిని కోల్పోతారేమోనని ఆందోళన వ్యక్తం చేశారు.

Also Read: ఇండియాను ఫాలో అవుతున్న ట్రంప్.. అమెరికాలో వారికి ఇన్‌కమ్ ట్యాక్స్ ఉండదు!

ట్రంప్ ప్రభుత్వం వలసదారులపై మరింత కఠినమైన చర్యలు తీసుకోవడం వల్ల, గతంలో చిన్న తప్పిదాలు చేసిన గ్రీన్ కార్డు హోల్డర్ల భవిష్యత్తుపై అనిశ్చితి పెరిగింది. ప్రత్యేకంగా, కొన్ని దేశాలకు విధించిన ప్రయాణ నిషేధం కారణంగా, విదేశాలకు వెళ్లిన వారు తిరిగి రావచ్చా అనే అనుమానాలు వ్యక్తమయ్యాయి. నిజానికి, గ్రీన్ కార్డు అంటే అమెరికాలో శాశ్వతంగా నివసించే హక్కును కలిగిస్తుందే తప్ప, అది ఎప్పటికీ మారనిది కాదు. నేరచర్యలు, వలసచట్టాలకు వ్యతిరేకంగా ప్రవర్తించడం లేదా అమెరికాలో నివాసాన్ని త్యజించడం వంటి సందర్భాల్లో గ్రీన్ కార్డును రద్దు చేసే అవకాశం ఉంది. అయితే, ఇది న్యాయ ప్రక్రియలోనే జరుగుతుంది. అందుకే ప్రభుత్వం కూడా ఒకరి గ్రీన్ కార్డును ఒక్క రోజులోనే రద్దు చేయలేదు.

మీకు ఎవరికైనా తమ గ్రీన్ కార్డు భద్రతపై సందేహాలు ఉంటే, మంచి ఇమ్మిగ్రేషన్ లాయర్‌ను సంప్రదించి తగిన జాగ్రత్తలు తీసుకోవడం మంచిది. చివరగా అమెరికాలో శాశ్వత నివాస హక్కు కలిగిన వారు.. అంటే గ్రీన్ కార్డు దారులు.. అన్ని చట్టాలు, నిబంధనలను పాటిస్తే వారికి ఏ సమస్యలు రావు.

అమెరికాలో భారతీయ వలసదారులు గ్రీన్ కార్డుల కోసం ఎదురుచూస్తున్న వారి సంఖ్య గణనీయంగా ఉంది. 2024 ఆర్థిక సంవత్సరంలో, 49,700 భారతీయులు అమెరికా పౌరసత్వం పొందారు, ఇది మొత్తం పౌరసత్వం పొందిన వారిలో 6.1 శాతానికి సమానం. అయితే.. ప్రస్తుతం 1.1 మిలియన్లకు పైగా భారతీయులు ఉద్యోగ ఆధారిత గ్రీన్ కార్డుల కోసం నిరీక్షణలో ఉన్నారు. ఈ నిరీక్షణ కాలం కారణంగా, భారతీయ వలసదారులు, వారి కుటుంబాలు అనేక సవాళ్లను ఎదుర్కొంటున్నారు. గ్రీన్ కార్డు పొందడం ఆలస్యమవడం వల్ల, వారు ఉద్యోగ భద్రత, ప్రయాణ స్వేచ్ఛ, కుటుంబ సమగ్రతపై ప్రభావితమవుతున్నారు. ఈ పరిస్థితులు అమెరికాలో భారతీయ వలసదారుల భవిష్యత్తుపై అనిశ్చితిని సృష్టిస్తున్నాయి.

Join WhatsApp Channel

Share

• 
• 
• 
• 
• 
•