లాడెన్ ఎక్కడ దొరికాడో మర్చిపోయావా? ఐరాసలో పాక్ ప్రధానికి ఇచ్చిపడేసిన భారత్!

Petal Gahlot: ఐరాస సమావేశంలో పాకిస్థాన్ ప్రధాని షెహబాజ్ షరీఫ్ (Shehbaz Sharif) చేసిన వ్యాఖ్యలకు భారత్ ఘాటుగా సమాధానమిచ్చింది. న్యూయార్క్‌లో జరుగుతున్న సర్వసభ్య సమావేశాల్లో భారత్ తరఫున దౌత్యవేత్త పెటల్ గెహ్లాట్ (Petal Gehlot) షెహబాజ్ వ్యాఖ్యలను తిప్పికొట్టారు. పాక్ కుట్రలను, ద్వంద్వ వైఖరిని ప్రపంచ వేదికపై ఎండగట్టారు.

‘ఉగ్రవాదానికి కేంద్రబిందువు పాకిస్థాన్’

ఐరాస సభలో పాక్ ప్రధాని ప్రసంగాన్ని భారత్ విపరీతంగా తప్పుపట్టింది. 9/11 దాడుల సూత్రధారి ఒసామా బిన్ లాడెన్ పాకిస్థాన్ మిలిటరీ అకాడమీకి కూతవేటు దూరంలోనే దాక్కుని ఉన్నాడని గుర్తు చేసింది. అలాంటి దేశం ఉగ్రవాదం గురించి మాట్లాడటం హాస్యాస్పదమని వ్యాఖ్యానించింది. పాకిస్థాన్ పగటిపూట భద్రత గురించి మాట్లాడుతూ, రాత్రివేళల్లో ఉగ్రవాదాన్ని ప్రోత్సహిస్తుందని భారత్ విమర్శించింది.

#WATCH | Exercising the right of reply of India on #Pakistan PM #ShehbazSharif's speech, First Secretary in India's Permanent Mission to the #UN, Petal Gahlot says, "This afternoon, the General Assembly heard some bizarre remarks from the representative of Pakistan. This happens… pic.twitter.com/TyjbEzCipG

— DD India (@DDIndialive) September 26, 2026

సార్వభౌమత్వాన్ని కాపాడుకుంటాం

భారత భూభాగంలోకి ఉగ్రవాదాన్ని ప్రేరేపిస్తే ఉపేక్షించేది లేదని భారత్ తేల్చిచెప్పింది. గతేడాది భారత్ చేపట్టిన ‘ఆపరేషన్ సిందూర్’ను గుర్తు చేస్తూ.. ఉగ్రవాదులు ఎక్కడ దాక్కున్నా వదిలిపెట్టబోమని హెచ్చరించింది. సరిహద్దు దాటి వచ్చే ఉగ్రవాదానికి తగిన పరిణామాలు ఉంటాయని, తమను తాము కాపాడుకునే హక్కు భారత్‌కు ఉందని స్పష్టం చేసింది.

భారత్‌లో కాశ్మీర్ అంతర్భాగం

జమ్మూ కాశ్మీర్ ఎప్పటికీ భారత్‌లో అంతర్భాగమేనని అంతర్జాతీయ వేదికపై గెహ్లాట్ మరోమారు స్పష్టం చేశారు. పాక్ ఆక్రమిత కాశ్మీర్ (PoK)లో జరుగుతున్న మానవ హక్కుల ఉల్లంఘనలపై దాయాది దేశం దృష్టి పెట్టాలని, అక్కడి ప్రజలపై జరుగుతున్న దాష్టీకాలకు షెహబాజ్ ప్రభుత్వం జవాబు చెప్పాలని డిమాండ్ చేశారు. పాకిస్థాన్‌లో ప్రజాస్వామ్యం పేరుకేనని.. అదంతా ‘సైన్యం చేత, సైన్యం కొరకు నడిచే పాలన’ అని ఎద్దేవా చేశారు.

Also Read: ఇరాన్‌కు బిగ్ షాక్.. ‘సీజ్‌ఫైర్’ రిక్వెస్ట్‌కు ట్రంప్ నో.. భారీ అటాక్‌కు స్కెచ్!

సింధూ జలాల ఒప్పందంపై స్పష్టత

పహల్గామ్ ఉగ్రదాడి తర్వాత భారత్ సింధూ నదీ జలాల ఒప్పందాన్ని (IWT) నిలిపివేసిన విషయాన్ని ప్రస్తావిస్తూ.. పాకిస్థాన్ సీమాంతర ఉగ్రవాదాన్ని పూర్తిగా అడ్డుకునే వరకు ఈ విషయంలో ఎలాంటి సడలింపు ఉండదని స్పష్టం చేశారు. ఐరాస సభ్యదేశాలు పాక్ మాటలను కాకుండా, దాని వాస్తవ విధానాలను గుర్తించాలని భారత్ తరపున పెటల్ గెహ్లాట్ పిలుపునిచ్చారు.

Also Read: ఐరాస వేదికగా పాక్ పరువు తీసిన జైశంకర్.. ఆ దేశ విలేకరి ప్రశ్నకు దిమ్మతిరిగే కౌంటర్!