Robot Kills Man : మనిషిని చంపిన రోబో.. ఎందుకు చేసిందంటే..

Robot Kills Man : టెక్నాలజీ రాజ్యమేలుతున్న ఈ రోజుల్లో మనిషి రోబోలను ప్రతి పనికోసం వినియోగిస్తున్నాడు. కానీ కొన్ని సందర్భల్లో ఈ రోబోల వల్ల భారీ తప్పిదాలే జరుగుతున్నాయి. ఎందుకంటే ఇటీవల దక్షిణ కొరియా దేశంలో ఓ మనిషిని రోబో చంపేసింది.

దక్షిణ కొరియా మీడియా తెలిపిన వివరాల ప్రకారం.. కూరగాయల ప్యాకింగ్ బాక్సుని ఎత్తి మరో చోట పెట్టే ఒక రోబో యంత్రం ఆ పక్కనే ఉన్న మనిషిని పొరపాటున కూరగాయల బాక్సుగా భావించి ఎత్తి దూరంగా విసిరేసింది. దీంతో ఆ మనిషికి తీవ్రంగా గాయాలయ్యాయి. ఆస్పత్రిలో చికిత్స పొందుతూ ఆ వ్యక్తి మరణించాడు.

చనిపోయిన వ్యక్తి ఆ రోబో తయారు చేసిన సంస్థలో పనిచేసే పనిశీలకుడు. ఆ రోబో సెన్సార్లను సరిచేసే సమయంలో ఈ ప్రమాదం జరిగిందని సమాచారం. ఇలాంటి ప్రమాదాలు తరుచూ జరుగుతూనే ఉన్నాయి.

ఈ ఏడాది మే నెలలో దక్షిణ కొరియాలోని ఆటోమొబైల్ కంపెనీలో రోబో చేతిలో చిక్కుకుని ఒక వ్యక్తి తీవ్రంగా గాయపడ్డాడు. అలాగే 2015 సంవత్సరంలో జర్మనీ దేశంలో ప్రముఖ కార్ల తయారీ కంపెనీ వోక్స్ వ్యాగన్ ఫ్యాక్టరీలో ఓ కార్మికుడు ప్రమాదవశాత్తు రోబో చేతిలో చనిపోయాడు.
1992 నుంచి 2017 సంవత్సరం వరకు ఇలాంటి ప్రమాదాలలో కేవలం అమెరికాలోనే 41 మంది మరణించారు.

Share

• 
• 
• 
• 
• 
•