Thomas Matthew Crooks: అమెరికా మాజీ అధ్యక్షుడు డోనాల్డ్ ట్రంప్ హత్యాయత్నం కేసులో కొత్త కొత్త విషయాలు వెలుగులోకి వస్తున్నాయి. ట్రంప్పై కాల్పులు జరిపిన దుండగుడ్ని ఎఫ్బీఐ గుర్తించింది. పెన్సిల్వేనియాలోని బెథెల్ పార్క్ చెందిన 20 ఏళ్ల థామస్ మాథ్యూ క్రూక్స్గా అధికారులు గుర్తించారు.
కాల్పులకు నిందితుడు ఉపయోగంచిన తుపాకీ ఏఆర్-15గా గుర్తించారు సీక్రెట్ సర్వీసు పోలీసులు. సెమీ ఆటోమేటిక్ రైఫిల్తో 182 మీటర్ల దూరం నుంచి కాల్చినట్టు నిర్ధారించాయి. సభా వేదికకు ఎదురుగా ఉండే బిల్డింగ్ పైనుంచి మొత్తం ఆరు రౌండ్లు కాల్పులు జరిపాడని గుర్తించిన పోలీసులు, ఒక బుల్లెట్ మాత్రమే ట్రంప్ చెవిని గాయపరిచిందన్నారు.
ఇంతకీ థామస్ మ్యాథ్యూ క్రూక్స్ ఎవరు? కుటుంబ నేపథ్యం ఏంటి? ట్రంప్పై ఎందుకు కాల్పులు జరిపా డు అనేదానిపై వివరాలు తెలుసుకునే పనిలోపడ్డారు. క్రూక్స్ మృతిచెందిన ప్రాంతంలో ఎలాంటి ఆధారా లు లభ్యం కాలేదు. ఎఫ్బీఐ అధికారులు స్థానిక అధికారులతో కలిసి విచారణ మొదలుపెట్టారు.
Also Read: పెన్సిల్వేనియాలో ట్రంప్పై కాల్పులు, పలుచోట్ల గాయాలు, ఎవరి పని?
ఘటన తర్వాత ఫోన్ రావడంతో వెంటనే రంగంలోకి దిగామన్నారు పెన్సిల్వేనియా స్టేట్ పోలీసులు. ఒక షూటర్ని గుర్తించామని, దీనిపై విచారణ కంటిన్యూ అవుతుందన్నారు. నిందితుడు ఒకడే ఉన్నాడా, మరెవరైనా ఉన్నారా అనేది నిర్థారించడానికి కొంత సమయం పడుతుందన్నారు.
మాజీ అధ్యక్షుడు డోనాల్డ్ట్రంప్ భద్రతపై చాలా ప్రశ్నలు తలెత్తుతున్నాయి. అధ్యక్షుడి కంటే మాజీకి భద్రత తక్కువ ఉన్నట్లు తెలుస్తోంది. ప్రచారానికి అదనపు భద్రత కావాలని ట్రంప్ కోరినట్టు వార్తలు వస్తున్నాయి. మరి అందులో నిజమెంతో తెలీదు.
Also Read: Thomas Matthew Crooks| ‘ఒంటరిగా ఉండేవాడు.. అందరూ అతడిని ఏడ్పించేవారు’.. ట్రంప్ షూటర్ స్నేహితులు
అమెరికాలో అధ్యక్షులు, కీలక నేతలపై కాల్పులు చాన్నాళ్లుగా కొనసాగుతోంది. వీరిలో పలువురు మరణించ గా, మరికొందరు గాయాలతో బయటపడ్డారు. 1865లో అమెరికా 16వ అధ్యక్షుడు అబ్రహం లింకన్పై ఓ థియేటర్లో దుండగులు కాల్చిచంపారు. 1901లో మెక్ కిన్లీ, 1933లో ఫ్రాంక్లిన్ రూజ్వెల్ట్, 1963లో జాన్ ఎఫ్ కెనడీ, 1968లో రాబర్ట్ కెనడీ, 1972లో జార్జివాలెస్, 1975లో గెరాల్డ్ ఫోర్డ్, 1981లో అధ్యక్షుడు రోనాల్డ్ రీగన్, 2005లో జార్జ్ డబ్య్లూ బుష్ వంటి నేతలున్నారు.
https://twitter.com/pmcafrica/status/1812359507298648359
https://twitter.com/daniel86cricket/status/1812273573857460687
Share
Rashmika Mandanna Saree Pics: శారీలో తళుక్కుమన్న నేషనల్ క్రష్ రష్మిక మందన్న.. అబానీ పెళ్లిలో ఆదరగోట్టేసిన అమ్మడు!
6 Months Baby: దారుణం.. ఊయలలో ఉన్న 6 నెలల చిన్నారిపై తాత అత్యాచారం..!
