Russia Tariff Bill: రష్యా నుంచి అత్యధికంగా చమురు, సహజ వాయువును కొనుగోలు చేసే దేశాలపై 100 శాతం సుంకాలు విధించే బిల్లుకు అమెరికా సెనెట్ ఆమోదం తెలిపింది. ఈ బిల్లుకు అనుకూలంగా 86 ఓట్లు, వ్యతిరేకంగా 11 ఓట్లు రావడంతో బిల్లుకు గ్రీన్ సిగ్నల్ వచ్చినట్లైంది. ఈ బిల్లు పరిధిలోకి మెుత్తం 5 అగ్రదేశాలను అమెరికా చేర్చగా.. అందులో భారత్, చైనా ఉండటం గమనార్హం. దీంతో భారత్ పై 100 శాతం సుంకాలు విధించేందుకు అమెరికా అధ్యక్షుడు డొనాల్డ్ ట్రంప్ కు సర్వాధికారాలు దక్కబోతున్నాయి.
ఉక్రెయిన్ పై నిర్విరామంగా యుద్ధం చేస్తున్న రష్యాకు గట్టి గుణపాఠం చెప్పాలన్న ఉద్దేశంతో రష్యా టారిఫ్ బిల్లును అమెరికా రూపొందించిది. రష్యాపై బలంగా ఆంక్షలు విధించాలని పోరాడుతూ.. జులై 11న మరణించిన ఉక్రెయిన్ మద్దతుదారుడు, అమెరికన్ సెనేట్ లిండ్సే గ్రాహం పేరునే ఈ బిల్లుకు పెట్టింది. గ్రాహం మరణం తర్వాత సెనెట్లో ఆయన స్థానాన్ని చేపట్టిన ఆయన సోదరి డార్లిన్ గ్రాహం మాట్లాడుతూ.. ఈ కొత్త బిల్లు నేరుగా ‘రష్యా అధ్యక్షుడు వ్లాదిమిర్ పుతిన్ను దెబ్బతీస్తుందని’ వ్యాఖ్యానించారు.
గత ఏడాది కాలంగా గ్రాహంతో కలిసి ఈ బిల్లు ఆమోదం కోసం శ్రమించిన డెమొక్రాట్ నాయకుడు రిచర్డ్ బ్లూమెంతల్ బిల్లు ఆమోదం సందర్భంగా కీలక వ్యాఖ్యలు చేశారు. ‘ఉక్రెయిన్ నుంచి ఆ దేశ అధ్యక్షుడు జెలెన్ స్కీ, మాస్కో నుంచి పుతిన్ ఈ బిల్లు ఆమోద ప్రక్రియను వీక్షించే ఉంటారు. బహుశా లిండ్సే గ్రాహం కూడా పైనుంచి ఇదంతా గమనిస్తున్నారని భావిస్తున్నాను’ అని అన్నారు. అయితే ఈ పోరాటంలో ఉక్రెయిన్ ప్రజలు ఒంటరి కాదని, పుతిన్ ఎప్పటికీ వారి దేశాన్ని లొంగదీసుకోలేరని బ్లూమెంతల్ స్పష్టం చేశారు. కాగా, ఈ బిల్లు తదుపరి ఆమోదం కోసం.. ఆగస్టు 31న సమావేశమయ్యే ‘హౌస్ ఆఫ్ రిప్రజెంటేటివ్స్’ ముందుకు వెళ్లనుంది. అక్కడ కూడా ఆమోదం పొందితే.. చట్టరూపం దాల్చనుంది.
Also Read: ఇంటి పైకప్పుపై గార్డెన్.. ఇక లైఫ్లో ఏసీలు, కూలర్లు అక్కర్లే.. బోలెడన్ని బెనిఫిట్స్!
ఇదిలా ఉంటే రష్యా ఆర్థిక రంగాన్ని దెబ్బతీసే అనేక అధికారాలను ఈ బిల్లు అమెరికా అధ్యక్షుడికి అందించనుంది. రష్యా నుంచి చమురు లేదా సహజ వాయువును అత్యధికంగా దిగుమతి చేసుకుంటున్న మొదటి ఐదు దేశాలపై 100% వరకు సుంకాలు విధించే అధికారాన్ని ఈ బిల్లు అధ్యక్షుడికి కట్టబెట్టనుంది. ప్రస్తుతం ఈ జాబితాలో భారత్, చైనాతో పాటు అజర్ బైజాన్, హంగేరీ, స్లొవేకియా దేశాలు ఉన్నాయి. అయితే ఈ బిల్లులో కొన్ని మినహాయింపులను సైతం చేర్చారు. రష్యా నుంచి తమ మొత్తం సహజ వాయువు దిగుమతుల్లో 15 శాతం కంటే తక్కువగా దిగుమతి చేసుకుంటూ ఆ దిగుమతులను తగ్గించుకోవడానికి చర్యలు తీసుకుంటున్న దేశాలకు ఈ బిల్లు నుంచి మినహాయింపు లభించనుంది.
Also Read: ఘాట్ రోడ్డులో ఘోరం.. లోయలో పడ్డ బస్సు.. 8 మంది స్పాట్ డెడ్!
Share
హైడ్రా ఉద్యోగాల ఈవెంట్స్.. సరూర్నగర్ స్టేడియం వద్ద గందరగోళం!
ముఖంపై చిరునవ్వు, మనసులో ఎన్నో రహస్యాలు.. 'స' అక్షరంతో పేరు ఉన్నవారి స్వభావం చాలా క్లిష్టం
