Cholesterol Lowering Water : వాము.. రుచి, వాసనతో పాటు ఆరోగ్యాన్ని ఇస్తుంది. కడుపునొప్పిని తగ్గించడానికి ఈ వామును ఇంట్లో వాడుతారు. పిండి వంటలు, బజ్జీలు, కచోరీ, సమోసాలో చిటికెడు వాము కలుపుతారు. ఆయుర్వేదంలో వామును జీర్ణసమస్యలను దూరం చేయడానికి వాడుతారు. మలబద్ధకం, కడుపు నొప్పి, గ్యాస్‌, ఎసిడిటీతో బాధపడుతుంటే రోజూ ఉదయం ఖాళీ కడుపుతో వాము నీళ్లు తాగితే చాలా ఉపశమనం కలుగుతుంది. వాములో గ్యాస్ట్రిక్ యాసిడ్‌, జీర్ణక్రియను మెరుగుపరిచే ఎంజైమ్‌లు ఉన్నాయని ఓ అధ్యయనంలో తేలింది. జీర్ణక్రియ ఇన్ఫెక్షన్లను నివారించడానికి వాము నీళ్లు బాగా పనిచేస్తాయి. విరోచనాలు ఉంటే వాము నీళ్లను తాగితే మంచి ఫలితం ఉంటుంది. వాము జీర్ణశక్తిని మెరుగుపరిచి బాగా ఆకలి అయ్యేలా చేస్తుంది. చెడు కొలెస్ట్రాల్‌ స్థాయిలను కంట్రోల్‌లో ఉంచుతుంది. చెడు కొలెస్ట్రాల్‌ను తగ్గించడంలో ఇది ప్రభావవంతంగా పని చేస్తుందని ఎలుకలపై చేసిన అధ్యయనంలో తేలింది.
ఈ వాము వాటర్‌ తాగితే గుండెకు ఎంతో మేలు చేస్తుంది. మంచి కొలెస్ట్రాల్‌ స్థాయి పెరుగుతుంది. ఇందులో ఉండే నియాసిన్ గుండె సంబంధిత సమస్యలు రాకుండా చూస్తుంది. కొద్దిగా వామును నీళ్లలో వేసి మరిగించి రోజూ ఉదయం తాగితే గుండె సంబంధిత వ్యాధులు రాకుండా ఉంటాయి. హైపర్‌టెన్షన్‌ ఉన్నవారు వాము నీళ్లు తాగితే బీపీ కంట్రోల్‌లో ఉంటుంది. ఇది గుండెలోకి కాల్షియం ప్రవేశించకుండా ఆపుతుంది. అంతేకాకుండా రక్త నాళాలను విస్తరిస్తుంది. ఊపిరితిత్తులు మెరుగ్గా పనిచేయడానికి వాము ఎంతో ఉపయోగపడుతుంది.
వామును ఒక వస్త్రంలో కట్టి వాసన పీలిస్తే జలుబు నుంచి ఉపశమనం లభిస్తుంది. ఇందులో ఉండే యాంటీ బ్యాక్టీరియల్, యాంటీ ఫంగల్‌లాంటి గుణాల వల్ల ఆస్తమా, దగ్గు నుంచి విముక్తి కలుగుతుంది. వాము నూనెను మౌత్‌ వాష్‌లు, టూత్‌ పేస్టుల్లో వాడుతారు. ఇది మన నోట్లోని బ్యాక్టీరియాతో పోరాడి దుర్వాసన రాకుండా చేస్తుంది. వామును నోట్లో వేసుకుని నమిలినా మంచి ఫలితం ఉంటుంది. శరీరంలో కొవ్వును కరిగించేందుకు కూడా వాము వాటర్‌ ఎఫెక్టివ్‌గా పనిచేస్తుంది. స్థూలకాయం, అధిక బరువు సమస్యతో బాధపడేవారు ఆహారంలో వాము చేరుకుంటే మంచిది.
Share
Children Games : పిల్లలకు ఈ ఆటలతోనే ఆరోగ్యం.. చదువు కూడా
Congress Final List : కాంగ్రెస్ పార్టీ తుది జాబితా విడుదల.. ఆ స్థానంలో అనూహ్య మార్పు!
