High Protein Food: ఎగ్స్‌కు బదులుగా ఇవి తింటే.. ఫుల్ ప్రోటీన్

High Protein Food: ప్రోటీన్ మన శరీర నిర్మాణానికి, కండరాల పటిష్టతకు అంతే కాకుండా మొత్తం ఆరోగ్యానికి చాలా అవసరం. ఎగ్స్ లో ఎక్కువ మోతాదులో ప్రొటీన్ ఉంటుందని మనందరికీ తెలిసిందే. అయితే, గుడ్లు తినని వారికి లేదా వెజిటెబుల్స్ మాత్రమే తీసుకునే వారి శరీరానికి తగిన ప్రొటీన్ అవసరం. ఇలాంటి సందర్భంలో ఎగ్స్ కాకుండా కొన్ని రకాల ఆహార పదార్థాలు తినడం వల్ల తగిన పోషకాలు లభిస్తాయి. ఇంతకీ ప్రొటీన్ ఎలాంటి ఆహార పదార్థాల్లో ఉంటుందో ఇప్పుడు తెలుసుకుందాం.

వీటిలో ప్రోటీన్ పుష్కలం: 

1. పప్పులు: పప్పులు, ధాన్యాల్లో ప్రోటీన్ పుష్కలంగా ఉంటుంది. ఒక కప్పు ఉడికించిన పప్పులో దాదాపు 18 గ్రాముల ప్రోటీన్ ఉంటుంది. అంతేకాకుండా.. వీటిలో ఫైబర్, ఐరన్, ఫోలేట్ వంటి పోషకాలు కూడా సమృద్ధిగా ఉంటాయి. పప్పులు, చిక్కుళ్ళు, శనగలు వంటివి రోజువారీ ఆహారంలో చేర్చుకోవడం వల్ల ప్రోటీన్ లోపం వంటి సమస్యలు రాకుండా చూసుకోవచ్చు. వీటిని సలాడ్లలో, సూప్‌లలో, లేదా కూరలలో కూడా ఉపయోగించవచ్చు.

2. పనీర్ లేదా కాటేజ్ చీజ్: పనీర్ అనేది పాల నుంచి తయారుచేసే ఒక ఆహారం. ఇది ప్రోటీన్‌కు మంచి వనరు. ఒక కప్పు పనీర్‌లో దాదాపు 25 గ్రాముల ప్రోటీన్ ఉంటుంది. ఇందులో తక్కువ కొవ్వు ఉంటుంది. ఇది కండరాల నిర్మాణానికి, అంతే కాకుండా ఎముకల ఆరోగ్యానికి సహాయ పడుతుంది. పనీర్‌ను కూరలలో, గ్రిల్ చేసి, లేదా సలాడ్లలో కలిపి కూడా తినవచ్చు. ఇది గుడ్ల లాగానే చాలా తేలికగా జీర్ణమవుతుంది.

3. క్వినోవా : క్వినోవా అనేది ఒక పూర్తి ప్రోటీన్ ఆహారం. అంటే.. ఇందులో మన శరీరానికి అవసరమైన తొమ్మిది రకాల ఎసెన్షియల్ అమైనో ఆమ్లాలు ఉంటాయి. ఒక కప్పు ఉడికించిన క్వినోవాలో దాదాపు 8 గ్రాముల ప్రోటీన్ లభిస్తుంది. ఇది గ్లూటెన్ రహితం. క్వినోవాను ఉదయం అల్పాహారంగా, లేదా సాయంత్రం వేళ అల్పాహారంగా, సలాడ్లలో కలుపుకొని కూడా తినవచ్చు. ఇది అన్నానికి మంచి ప్రత్యామ్నాయం.

4. టోఫు, టెంపే : టోఫు, టెంపే అనేవి సోయాబీన్స్ నుంచి తయారు చేస్తారు. వీటిని ప్రధానంగా శాకాహారులు ఎక్కువగా వినియోగిస్తారు. ఇవి గుడ్లకు అత్యుత్తమ ప్రత్యామ్నాయాలు. ఒక కప్పు టోఫులో దాదాపు 20 గ్రాముల ప్రోటీన్ ఉంటుంది. వీటిలో కూడా పూర్తి అమైనో ఆమ్లాలు ఉంటాయి. టోఫు, టెంపేలను గ్రిల్ చేసి, లేదా కూరలలో ఉపయోగించవచ్చు. వీటిని వివిధ రకాల వంటకాల్లో సులభంగా ఉపయోగించవచ్చు.

Also Read: ఇలా చేస్తే.. కంటి అద్దాల అవసరమే ఉండదు తెలుసా ?

5. చియా, అవిసె గింజలు : చియా సీడ్స్, ఫ్లాక్ సీడ్స్ లో కేవలం ప్రోటీన్ మాత్రమే కాకుండా.. ఒమేగా-3 ఫ్యాటీ యాసిడ్లు, ఫైబర్ కూడా అధికంగా ఉంటాయి. రెండు టేబుల్ స్పూన్ల చియా గింజల్లో దాదాపు 4 గ్రాముల ప్రోటీన్ ఉంటుంది. ఈ గింజలను పెరుగులో, స్మూతీలలో, లేదా ఓట్ మీల్‌లో కలుపుకొని కూడా తినవచ్చు. ఇవి గుండె ఆరోగ్యానికి కూడా చాలా మంచివి.

ఈ ఆహారాలు గుడ్లకు మంచి ప్రత్యామ్నాయాలుగా మాత్రమే కాకుండా.. అనేక ఇతర ఆరోగ్య ప్రయోజనాలను కూడా అందిస్తాయి. ఈ ఆహారాలను మీ రోజువారీ ఆహారంలో చేర్చుకోవడం వల్ల ప్రోటీన్ లోటు లేకుండా ఆరోగ్యంగా ఉండవచ్చు. ఏదైనా ఆరోగ్య సమస్యలు ఉన్నవారు, నిపుణులను సంప్రదించి, వీటిని తీసుకోవడం మంచిది.

Share

• 
• 
• 
• 
• 
•