అది 80’s కాలం. ఇంట్లోకి కొత్త వస్తువు రావడం అంటే… అది ఓ ప్రత్యేకమైన విషయం. గోద్రెజ్ అల్మారా ఇంట్లోకి వస్తే… ఏళ్ల తరబడి దాన్ని జాగ్రత్తగా చూసుకునేవారు. అందులో బట్టలు మాత్రమే కాదు… కుటుంబ జ్ఞాపకాలు కూడా దాచుకునేవారు. పైన ఓ మూలలో పాత ఫొటోలు… లోపల జాగ్రత్తగా పెట్టిన పెళ్లి బట్టలు… అల్మారా తాళం చెవి కూడా ఓ బాధ్యతలా ఉండేది. స్టీల్ ట్రంక్… అది కూడా ప్రతి ఇంట్లో కనిపించే వస్తువు. ప్రయాణాలకు వెళ్లేటప్పుడు… పిల్లల బట్టలు సర్దేటప్పుడు… ఆ ట్రంక్ బయటకు వస్తే… ఇంట్లో ఓ సందడి మొదలయ్యేది. అవి కేవలం వస్తువులు కాదు… ఆ ఇంటి జీవితంలో ఓ భాగం.
అప్పుడు వినోదం అంటే… టీవీ ముందు కూర్చోవడం మాత్రమే కాదు… రేడియో చుట్టూ కుటుంబం మొత్తం చేరడం. మర్ఫీ రేడియో… ఫిలిప్స్ రేడియో… వాటిలో వచ్చే పాటల కోసం ఎదురుచూసేవారు. ఒక పాట వినిపిస్తే… ఇంట్లో అందరి ముఖాల్లో నవ్వులు కనిపించేవి. హెచ్ఎంటీ వాచ్… మణికట్టుపై ఉన్న ఓ చిన్న గడియారం కాదు… ఓ స్టేటస్. ఒక తరం కల. ఇక పిల్లల ప్రపంచం కూడా ప్రత్యేకమే… స్లేట్, బలపం నుంచి… క్యామ్లిన్ జామెట్రీ బాక్స్ వరకు… నటరాజ్ పెన్సిల్… హీరో ఇంక్ పెన్… వీటితోనే చదువు మొదలయ్యేది. చందమామ… బాలమిత్ర… అమర్ చిత్ర కథలు… చేతిలో ఉంటే చాలు… ఊహల ప్రపంచంలోకి వెళ్లిపోయేవారు. అప్పుడు వినోదం కొనుక్కునేది కాదు… అనుభవించేది.
80’s అంటే కేవలం ఇంటి వస్తువులు కాదు… ఆ కాలపు చిన్న చిన్న విషయాలు కూడా ఓ జ్ఞాపకం. నిర్మా… లైఫ్‌బాయ్… లక్స్… లిరిల్… విక్కో… బొరోలిన్… డాల్డా… ఇవి కేవలం బ్రాండ్లు కాదు… ఆ కాలపు రోజువారీ జీవితంలో భాగం. ఫ్యాషన్ కూడా ఓ ప్రత్యేకమే… బెల్ బాటమ్ ప్యాంట్లు.. పాలిస్టర్ బట్టలు… బాటా చెప్పులు… సఫారీ సూట్లు… అవి వేసుకుంటే ఓ ప్రత్యేకమైన స్టైల్. ఇప్పుడు బ్రాండ్లు మారాయి… ఫ్యాషన్ మారింది… జీవన విధానం మారింది. కానీ… ఆ గోద్రెజ్ అల్మారా తలుపు తెరిచినప్పుడు వచ్చే అనుభూతి… రేడియోలో పాట విన్నప్పుడు కలిగిన ఆనందం. కొత్త పెన్సిల్ బాక్స్ తీసుకున్నప్పుడు వచ్చిన సంతోషం. వాటికి ప్రత్యామ్నాయం లేదు. అందుకే 80’s ట్రెండ్ అంటే… పాత వస్తువులను గుర్తు చేసుకోవడం కాదు… మన జీవితంలో నుంచి దూరమైన… ఆ చిన్న చిన్న ఆనందాలను మళ్లీ వెతుక్కోవడం.
Also Read: గోలీలు, బొంగరాలతో ఆటలు.. నేటి ఆన్‌లైన్ గేమ్స్‌లో ఆ కిక్కేది?
Also Read: తెలుగు సినీ పరిశ్రమ.. మద్రాస్ నుంచి హైదరాబాద్‌కు వచ్చింది 80ల్లోనే, అప్పట్లో ఏం జరిగిందంటే?
Share
గద్వాల్లో ఎమ్మెల్సీ తీన్మార్ మల్లన్నపై ఫిర్యాదు..!
ఒక్క హిట్ పడితే ఏకంగా 60 కోట్లా? నిర్మాతలకు చెమటలు పట్టిస్తున్న రవితేజ!
