Barefoot Walking Grass| ధ్యానం, శారీరక వ్యాయామాలకు ఉదయం ఉత్తమ సమయం. అయితే తెల్లవారుజామున గడ్డిపై చెప్పులు లేకుండా నడవడం వల్ల ఎన్నో ఆరోగ్య ప్రయోజనలున్నాయి. గడిపై నడుస్తూ ఉంటే ఒక ఆహ్లాదకరమైన అనుభూతి కూడా కలుగుతుంది. ఈ అలవాటును “అర్థింగ్” లేదా “గ్రౌండింగ్” అని కూడా పిలుస్తారు. ఈ అలవాటు ఆరోగ్యాన్ని మెరుగుపరిచే అనేక ప్రయోజనాలను కలిగి ఉంది. ఉదయం గడ్డిపై బేర్‌ఫుట్ నడవడం వల్ల అయిదు ముఖ్యమైన ప్రయోజనాలను తెలుసుకుందాం.
ఒత్తిడి, ఆందోళనను తగ్గిస్తుంది
ఉదయం గడ్డిపై నడవడం మనసును ప్రశాంతంగా ఉంచుతుంది. తాజా గాలి, చల్లని గడ్డి, ప్రకృతితో సంబంధం వల్ల ఒత్తిడికి కారణమయ్యే కార్టిసాల్ హార్మోన్ స్థాయిలు తగ్గుతాయి. కేవలం 10–15 నిమిషాల బేర్‌ఫుట్ నడక మీ మనసును శాంతపరుస్తుంది. రోజంతా మీ మానసిక స్థితిని మెరుగుపరుస్తుంది.
నిద్ర నాణ్యతను మెరుగుపరుస్తుంది
చెప్పులు లేకుండా మీ పాదాలు భూమిని తాకడం వల్ల.. మీ శరీరం అంతర్గత గడియారం (సర్కెడియన్ రిథమ్) రిపేర్ అవుతుంది. అధ్యయనాల ప్రకారం.. గ్రౌండింగ్ చేస్తే మెలటోనిన్ అనే హార్మోన్ ఉత్పత్తి ఎక్కువగా జరుగుతుంది. ఇది మంచి నిద్రకు దోహదపడుతుంది. ఉదయం నడక మీ రోజును ఆరోగ్యకరమైన రిథమ్‌లో సెట్ చేస్తుంది. రాత్రి గాఢ, విశ్రాంతి నిద్ర పడుతుంది.
రోగనిరోధక శక్తిని పెంచుతుంది
బేర్‌ఫుట్ నడక ద్వారా భూమి నుంచి ఎలక్ట్రాన్‌లను శరీరం గ్రహిస్తుంది. ఇది శరీరంలో వాపును తగ్గించి, రోగనిరోధక శక్తిని బలోపేతం చేస్తుంది. ఉదయం సూర్యరశ్మి కూడా గ్రహించడంతో ఇలా చేయడం వల్ల ఈ అలవాటు మీ శరీరానికి విటమిన్ డి శక్తిని అందిస్తుంది. ఇది రోగనిరోధక వ్యవస్థను మరింత బలంగా చేస్తుంది.
పాదాలు, కండరాలను బలోపేతం చేస్తుంది
చెప్పులు ధరించడం వల్ల పాదాల సహజ కదలికలు తరచూ పరిమితమవుతాయి. బేర్‌ఫుట్ నడక.. పాదాలు, చీలమండలలోని చిన్న కండరాలు, స్నాయువులు, లిగమెంట్‌లను బలపరుస్తుంది. ఈ అలవాటు కాలక్రమేణా శరీర భంగిమ, సమతుల్యత, పాదాల ఆరోగ్యాన్ని మెరుగుపరుస్తుంది. గాయాల ప్రమాదాన్ని తగ్గిస్తుంది.
రక్త ప్రసరణను మెరుగుపరుస్తుంది
గడ్డి వంటి అసమాన సహజ ఉపరితలంపై నడవడం వల్ల పాదాలలోని నరాలు ఉత్తేజితమవుతాయి. ఫలితంగా శరీరమంతా రక్త ప్రసరణను ప్రోత్సహిస్తుంది. మెరుగైన రక్త ప్రసరణ వల్ల శరీర అవయవాలకు ఆక్సిజన్ సరఫరా మెరుగవుతుంది, ఇది సహజ శక్తిని పెంచుతుంది.
Also Read: యువతలో ముసలితనం ఛాయలు.. చర్మం యవ్వనంగా ఉండాలంటే వీటికి దూరంగా ఉండాలి
ఉదయం బేర్‌ఫుట్ నడక అనేది సరళమైన, ఖర్చులేని అలవాటు. ఇది మీ శారీరక, మానసిక ఆరోగ్యాన్ని గణనీయంగా మెరుగుపరుస్తుంది. రోజును ఆరోగ్యకరంగా, ఉత్సాహంగా ప్రారంభించడానికి ఈ అలవాటును అలవర్చుకోండి. ఉదయం 10–15 నిమిషాలు గడ్డిపై నడవడం వల్ల మీ రోజు మరింత సానుకూలంగా, ఉత్పాదకంగా మారుతుంది. ప్రకృతితో సన్నిహితంగా ఉంటూ, మీ ఆరోగ్యాన్ని సహజంగా పెంచుకోవడానికి ఈ సులభమైన అలవాటును ఇప్పుడే ప్రారంభించండి!
Share
HBD Tarun Arora: పెళ్లై 20 ఏళ్ల అయినా అందుకే పిల్లలు లేరు అంటున్న తరుణ్ అరోరా.. తప్పెవరిది?
Gaddar Awards: ఘనంగా గద్దర్ అవార్డ్స్.. ఒకే వేదికపై టాలీవుడ్ 4 పిల్లర్స్ ?
