Eyesight: కొన్ని సాధారణ కంటి సంబంధిత వ్యాయామాలు కంటి ఆరోగ్యాన్ని మెరుగుపరచడంలో, అలసటను తగ్గించడంలో సహాయపడతాయి. అయితే.. ఈ వ్యాయామాలు కంటి చూపును పూర్తిగా మెరుగుపరచలేవు. మీరు కంటి సంబంధిత సమస్యలను ఎదుర్కొంటున్నట్లయితే.. సరైన నిర్ధారణ , చికిత్స కోసం డాక్టర్ని సంప్రదించడం ముఖ్యం. దృష్టిని మెరుగుపరచడానికి, కంటి అలసటను తగ్గించడానికి కొన్ని వ్యాయామాలు చేయడం అవసరం అవేంటో ఇప్పుడు తెలుసుకుందాం.
కంటి వ్యాయామాలు:
1. 20-20-20 వ్యాయామం
ఈ వ్యాయామం డిజిటల్ స్క్రీన్లను చూసే వ్యక్తులకు చాలా ఉపయోగపడుతుంది. ప్రతి 20 నిమిషాలకు, 20 సెకన్ల పాటు కనీసం 20 అడుగుల దూరంలో ఉన్న ఒక వస్తువును చూడండి. ఇది మీ కళ్లకు విశ్రాంతిని ఇస్తుంది.
2. కనురెప్పలను కొట్టడం:
కంప్యూటర్ స్క్రీన్ ముందు పని చేసేటప్పుడు చాలామంది కనురెప్పలను కొట్టడం తగ్గించేస్తారు. దీనివల్ల కళ్ళు పొడిబారతాయి.
నెమ్మదిగా 10-15 సార్లు కనురెప్పలను కొట్టండి. ఇది కళ్ళను తేమగా ఉంచి, కంటి అలసటను తగ్గిస్తుంది.
3. బొటనవేలును చూడటం:
మీ కంటి ముందు మీ చేతిని చాచి, బొటనవేలును ఒక నిమిషం పాటు చూడండి. ఇప్పుడు మీ బొటనవేలును నెమ్మదిగా ముక్కు దగ్గరకు తీసుకురండి, దానిపై దృష్టి ఉంచండి. బొటనవేలును మళ్లీ దూరంగా నెమ్మదిగా జరపండి. ఈ ప్రక్రియను 5-10 సార్లు పునరావృతం చేయండి.
4. కనుగుడ్లు తిప్పడం:
మీ కళ్లను పైకి, క్రిందికి, కుడికి, ఎడమకు నెమ్మదిగా తిప్పండి. ఆ తర్వాత, సవ్యదిశలో, అపసవ్యదిశలో గుండ్రంగా తిప్పండి.
ఇది కంటి కండరాలకు మంచి వ్యాయామం ఇస్తుంది.
5. చేతులను వేడి చేయడం:
మీ అరచేతులను ఒకదానికొకటి రుద్ది వేడి చేయండి. ఇప్పుడు మీ కళ్లను మూసి, వేడి అయిన అరచేతులను కళ్ళపై ఉంచండి.
ఈ వేడి మీ కంటి కండరాలకు విశ్రాంతిని ఇస్తుంది.
ఈ వ్యాయామాలు కంటి అలసటను తగ్గించడంలో సహాయపడతాయి. కానీ మీ కంటి చూపులో ఏదైనా మార్పు ఉంటే.. వెంటనే డాక్టర్ని సంప్రదించడం అవసరం.
Share
Wife beats husband: భర్తను చితక్కొట్టిన భార్య.. ఏడుస్తూ పోలీసులకు ఆశ్రయించిన భర్త
Harshit Rana : గంభీర్ ఎంతకు తెగించాడు రా.. ఏకంగా హర్షిత్ రాణాకు వైస్ కెప్టెన్సీ?
