Wrinkles On Neck: మనం ముఖ సౌందర్యంపై శ్రద్ధ చూపుతాము. కానీ మెడ ప్రాంతాన్ని అస్సలు పట్టించుకోము. ఫలితంగా.. వృద్ధాప్యం లేదా మారిన జీవనశైలి కారణంగా.. మెడపై ముడతలు వయస్సుకు ముందుగానే కనిపించడం ప్రారంభిస్తాయి. మెడ మీద చర్మం సన్నగా, సున్నితంగా ఉంటుంది. కాబట్టి చిన్న ఏజ్లోనే వృద్ధాప్య సంకేతాలు కనిపించడం సర్వసాధారణం. ఇలాంటి సమయంలో భయపడాల్సిన అవసరం లేదు. కొన్ని సాధారణ అలవాట్లు, హోం రెమెడీస్, సరైన జాగ్రత్తలతో.. మీరు ఈ ముడతలను చాలా వరకు తగ్గించుకోవచ్చు. ముడతలను తగ్గించడానికి ఉపయోగపడే 7 ప్రభావవంతమైన హోం రెమెడీస్ గురించి ఇప్పుడు తెలుసుకుందాం.
ప్రతిరోజూ మాయిశ్చరైజర్ వేయడం:
మెడ చర్మాన్ని హైడ్రేట్ గా ఉంచడం చాలా ముఖ్యం. తరచుగా మనం ఫేస్ క్రీమ్స్ వాడుతుంటాం. కానీ మెడ యొక్క స్థితిస్థాపకతను నిర్వహించడానికి,అంతే కాకుండా ముడతలను తగ్గించడానికి ప్రతిరోజూ మాయిశ్చరైజర్ లేదా కొబ్బరి నూనె, బాదం నూనె వంటి వాటిని తప్పకుండా ఉపయోగించండి.
సన్స్క్రీన్ అప్లై చేయడం చాలా ముఖ్యం:
సూర్య కిరణాలు చర్మాన్ని దెబ్బతీస్తాయి. దీనివల్ల ముడతలు త్వరగా కనిపిస్తాయి. మీరు ఇంటి నుండి బయటకు వెళ్ళినప్పుడల్లా.. ముఖం, మెడపై SPF ఉన్న సన్స్క్రీన్ను అప్లై చేయండి. ఇది UV కిరణాల నుండి రక్షణను అందిస్తుంది. అంతే కాకుండా చర్మం చాలా కాలం పాటు యవ్వనంగా ఉంటుంది.
మీ మెడకు మసాజ్ చేయండి:
చేతులతో మెడను క్రమం తప్పకుండా మసాజ్ చేయడం వల్ల రక్త ప్రసరణ మెరుగుపడి చర్మం బిగుతుగా మారుతుంది. ఆలివ్ లేదా బాదం నూనెతో పైకి వృత్తాకార కదలికలో మసాజ్ చేయండి. దీనితో, ముడతలు క్రమంగా తగ్గుతాయి మరియు చర్మం సహజమైన మెరుపును పొందుతుంది.
హోం మేడ్ ఫేస్ ప్యాక్ :
ముఖం మీద ఫేస్ ప్యాక్ వేసుకోవడం ఎంత ముఖ్యమో, మెడ మీద కూడా అప్లై చేయడం కూడా అంతే ముఖ్యం. గుడ్డులోని తెల్లసొన, తేనె, కలబంద జెల్ కలిపి నేచురల్ ప్యాక్ తయారు చేసుకుని మెడపై అప్లై చేయాలి. ఇది చర్మాన్ని బిగుతుగా చేయడంలో ఉపయోగపడుతుంది. అంతే కాకుండా ముడతలను తగ్గించడంలో సహాయపడుతుంది.
మొబైల్ ఫోన్ లేదా ల్యాప్టాప్పై ఎక్కువసేపు వంగడం వల్ల ‘టెక్స్ట్ నెక్’ ఏర్పడుతుంది. దీని వల్ల మెడపై గీతలు కనిపిస్తాయి. చర్మంపై ఒత్తిడి లేకుండా, ముడతలు పెరగకుండా సరైన రీతిలో కూర్చోవడం, మీ మెడను నిటారుగా ఉంచడం అలవాటు చేసుకోండి.
Also Read: పిల్లలకు మాటలు రావడం లేదా ? కారణాలివే !
ఆరోగ్యకరమైన ఆహారం తీసుకోండి:
చర్మ ఆరోగ్యం మీ ఆహారం, హైడ్రేషన్కి నేరుగా సంబంధించినది. నీరు ఎక్కువగా తాగడం వల్ల చర్మం హైడ్రేటెడ్ గా ఉండి, ముడతలు తగ్గుతాయి. అలాగే.. విటమిన్ సి, విటమిన్ ఇ, యాంటీఆక్సిడెంట్లు అధికంగా ఉండే పండ్లు ,కూరగాయలను తినండి.
తగినంత నిద్ర, ఒత్తిడిని నివారించండి:
తక్కువ నిద్ర , స్థిరమైన ఒత్తిడి శరీరంలో కార్టిసాల్ హార్మోన్ను పెంచుతుంది. ఇది చర్మ కణాలను దెబ్బతీస్తుంది. రోజుకు కనీసం 7-8 గంటలు నిద్రపోండి. అంతే కాకుండా యోగా, ధ్యానం చేయడం ద్వారా ఒత్తిడి లేకుండా ఉండండి. ఇది చర్మాన్ని సహజంగా ఆరోగ్యంగా ఉంచుతుంది. అంతే కాకుండా ప్రకాశవంతంగా మారుస్తుంది.
Share
Mahabubabad Crime: ఘనంగా పెళ్లి.. అంతలోనే ఊహించని షాక్..
Hyderabad Crime: రాజ్భవన్ చోరీ కేసులో కొత్త ట్విస్ట్.. ఉద్యోగిని ఫోటోలు మార్ఫింగ్ చేసి
