ప్రెజర్ కుకర్ లేకుండా పప్పు త్వరగా మెత్తగా ఎలా ఉడికించాలి? ఈజీ కిచెన్ టిప్స్ మీకోసం

Dal Easy Cooking Without cooker| భారతీయ కుటుంబాల్లో పప్పు రోజువారీ వంటకం. పప్పులో కూడా కందిపప్పు, శనగపప్పు, మూంగ్ దాల్, మినప పప్పు లాంటి చాలా రకాలున్నాయి. అన్ని రకాల పప్పుల్లో ప్రొటీన్ లాంటి పోషకాలుంటాయి. శనగపపప్పు రుచిగా ఉంటుంది, కానీ మెత్తగా ఉడకడానికి కొంత సమయం పడుతుంది. ముఖ్యంగా ముందుగా నానబెట్టకపోతే, సాధారణ పాత్రలో పప్పు ఉడకడానికి ఎక్కువ సమయం పడుతుంది. అయితే ప్రెజర్ కుకర్ లేకపోయినా శనగపప్పు సులభంగా మెత్తగా ఉడికించవచ్చు. కొన్ని సింపుల్ కిచెన్ హ్యాక్స్ పాటిస్తే పప్పు త్వరగా ఉడికేలా చేయవచ్చు.

ముందుగా శనగపపప్పు నీటిలో నానబెట్టాలి

శనగపప్పు త్వరగా మెత్తగా చేయడానికి ముందుగా నానబెట్టడం సులభమైన మార్గం. ముందుగా శనగపప్పును శుభ్రంగా కడిగి సరిపడా నీటిలో వేయాలి. దాన్ని సుమారు రెండు నుంచి మూడు గంటలు నీటిలో నానబెట్టాలి. ఎక్కువ సమయం ఉంటే మరికొంత సేపు కూడా నానబెట్టవచ్చు. నీళ్లు పీల్చుకున్న తరువాత పప్పు మెత్తగా మారుతుంది. దీంతో పొడిగా ఉండే పప్పుతో పోలిస్తే వంట సమయంలో త్వరగా ఉడికే అవకాశం ఉంటుంది.

నానబెట్టడం మరిచిపోతే వేడి నీళ్ల చిట్కా

పప్పు ముందుగా నానబెట్టడం మరిచిపోయినా ఆందోళన చెందాల్సిన అవసరం లేదు. అలాంటి సమయంలో వేడి నీటిని ఉపయోగించి పప్పును కొంత మెత్తగా చేయవచ్చు. ముందుగా కడిగిన పప్పును ఒక పాత్రలో తీసుకోవాలి. దానిపై వేడి నీరు పోసి పాత్రను మూతపెట్టాలి.
కొంతసేపు అలాగే ఉంచితే దాల్ మెత్తబడటానికి సహాయపడుతుంది. తర్వాత తాజా నీటితో పప్పును సాధారణ పాత్రలో ఉడికించాలి.

మూతపెట్టి నెమ్మదిగా ఉడికించడం మంచిది

ప్రెజర్ కుకర్ లేకుండా పప్పు వండేటప్పుడు.. సరైన పాత్ర ఎంచుకోవడం కీలకం. అడుగున మందంగా ఉండే పాత్రను ఎంచుకోవడం మంచిది. పప్పుతో పాటు సరిపడా నీళ్లను పాత్రలో పోయాలి. మూతపెట్టి తక్కువ లేదా మీడియం ఫ్లేమ్‌పై పప్పు ఉడికించాలి.
మూతపెట్టడం వల్ల పాత్రలో వేడి ఎక్కువసేపు ఉంటుంది. దీంతో పప్పు దాల్ నిరంతరం ఉడకడానికి సహాయం లభిస్తుంది.
మధ్యమధ్యలో దాల్‌ను కలిపి, అవసరమైతే కొద్దిగా వేడి నీరు పోయాలి.

పప్పు గట్టిగా ఉంటే కొద్దిగా బేకింగ్ సోడా ఉపయోగించాలి

కొంతమంది గట్టిగా ఉన్న పప్పును త్వరగా మెత్తగా చేయడానికి బేకింగ్ సోడా చిట్కా ఉపయోగపడుతుంది. పప్పు త్వరగా మెత్తబడటానికి సహాయపడుతుంది. అయితే బేకింగ్ సోడా చాలా తక్కువ పరిమాణంలో మాత్రమే ఉపయోగించాలి. ఎక్కువగా వేస్తే పప్పు రుచి, ఆకృతి మారే అవకాశం ఉంటుంది.

Also Read: ముఖంపై చిరునవ్వు, మనసులో ఎన్నో రహస్యాలు.. ‘స’ అక్షరంతో పేరు ఉన్నవారి స్వభావం చాలా క్లిష్టం

పప్పు ఉడికిందో లేదో సులభంగా తెలుసుకోవచ్చు

పప్పు ఉడికిన తర్వాత ఒక చెంచాతో కొద్దిగా తీసుకోవాలి. చెంచాతో నొక్కినప్పుడు దాల్ సులభంగా మెత్తబడితే బాగా ఉడికినట్లు అర్థం.
పప్పు మధ్యలో గట్టిగా అనిపిస్తే మరికొంత సమయం ఉడికించాలి. ఈ చిట్కాలతో కుకర్ లేకుండానే మెత్తని పప్పు తయారు చేయవచ్చు.
పప్పు ముందుగా నానబెట్టడం, తగినంత నీరు ఉపయోగించడం, మూతపెట్టి ఉడికించడం ఉపయోగకరమైన పద్ధతులు.
నానబెట్టడం మరిచిపోయినప్పుడు వేడి నీరు కూడా ఉపయోగపడుతుంది. ఈ సింపుల్ కిచెన్ హ్యాక్స్‌తో ప్రెజర్ కుకర్ లేకుండానే పప్పు మెత్తగా ఉడికించవచ్చు.

Also Read: ఫుడ్ పాయిజనింగ్‌ అంటే కేవలం వాంతులు, విరేచనాలు కాదు.. నరాలు, కిడ్నీలు, కీళ్లకు ప్రమాదం.. ఎలాగంటే