How to dry clothes faster in monsoon: వర్షాకాలం వచ్చేసిందంటే చాలు.. బయట చల్లటి వాతావరణం ఎంత హ్యాపీగా ఉంటుందో, ఇంట్లో ఉతికిన బట్టలు ఆరకపోవడం అంతే పెద్ద తలనొప్పిగా మారుతుంది. రోజులు గడుస్తున్నా బట్టలు ఆరవు, పైగా వాటి నుంచి ఒక రకమైన బ్యాడ్ స్మెల్ రావడం స్టార్ట్ అవుతుంది. మరి ఈ వర్షాల్లో బట్టలను ఇంట్లోనే.. ఈజీగా, ఫాస్ట్గా ఎలా ఆరబెట్టుకోవాలో తెలియక ఇబ్బంది పడుతున్నారా? డోంట్ వర్రీ! వర్షాకాలంలో కూడా బట్టలు ఝట్పట్గా ఆరిపోయేలా చేసే కొన్ని క్రేజీ అండ్ సింపుల్ హ్యాక్స్, హోమ్ టిప్స్ గురించి ఇప్పుడు తెలుసుకుందాం.
వర్షాలు పడేటప్పుడు ప్రతి ఇంట్లో ఎదురయ్యే కామన్ ప్రాబ్లం బట్టలు ఆరకపోవడం. బట్టలు ఆరక రూమంతా అవే కనిపిస్తుంటే చిరాగ్గా ఉంటుంది. అందుకే, స్మార్ట్గా ఆలోచించి ఈ సింపుల్ చిట్కాలు పాటిస్తే వర్షం పడుతున్నా సరే మీ బట్టలు ఈజీగా ఆరిపోతాయి.
మీరు వాషింగ్ మెషీన్ వాడుతుంటే.. బట్టలు ఉతికిన తర్వాత నార్మల్ డ్రైయర్ సైకిల్ కాకుండా.. మరొకసారి ‘Spin’ లేదా ‘Dry’ మోడ్ను రన్ చేయండి. ఇలా టూ టైమ్స్ స్పిన్ చేయడం వల్ల బట్టల్లో ఉండే ఎక్స్ట్రా వాటర్ 90% వరకు పిండేయబడుతుంది. దీని వల్ల బట్టలు ఇంట్లో ఫ్యాన్ కింద వేసినా చాలా ఫాస్ట్గా ఆరిపోతాయి.
ఒకవేళ అర్జంట్గా ఆరాల్సిన బట్టలు ఉంటే ఈ హ్యాక్ ట్రై చేయండి. ఒక పెద్ద పొడి టవల్ తీసుకొని, దాని మధ్యలో తడి బట్టను పెట్టండి. ఇప్పుడు ఆ టవల్ను బట్టతో సహా గట్టిగా రోల్ చేయండి. ఇలా చేయడం వల్ల తడి బట్టలోని తేమ మొత్తాన్ని పొడి టవల్ పీల్చేసుకుంటుంది. ఆ తర్వాత ఫ్యాన్ కింద వేస్తే ఐదు నిమిషాల్లో ఆరిపోతుంది.
ఇంట్లో బట్టలు ఆరబెట్టేటప్పుడు ఒకదానిపై ఒకటి లేదా దగ్గర దగ్గరగా వేయకండి. బట్టల మధ్య గాలి ఆడేలా గ్యాప్ ఉండాలి. వీలైనంత వరకు బట్టలను ప్లాస్టిక్ హ్యాంగర్లకు తగిలించి ఫ్యాన్ కింద లేదా విండోస్ దగ్గర వేయండి. దీని వల్ల గాలి బట్టల లోపలి వరకు వెళ్లి త్వరగా ఆరుతాయి. పైగా ముడతలు పడవు.
Also Read: ఒక్కసారి ఛార్జ్ చేస్తే.. 2 వారాల బ్యాటరీ లైఫ్, Mi Smart Band 6 క్రేజీ ఫీచర్స్ ఇవే!
బట్టలు ఎక్కువసేపు తడిగా ఉంటే ఒక రకమైన బ్యాడ్ స్మెల్ వస్తుంది. దీనికి చెక్ పెట్టాలంటే.. బట్టలు ఉతికేటప్పుడు డిటర్జెంట్తో పాటు ఒక స్పూన్ బేకింగ్ సోడా లేదా కాస్త వెనిగర్ యాడ్ చేయండి. ఇవి బట్టల్లో ఫంగస్ చేరకుండా చూస్తాయి. అంతే కాకుండా ఎలాంటి ముక్క వాసన రాకుండా ఫ్రెష్గా ఉంచుతాయి. కాంబినేషన్గా మంచి ఫ్యాబ్రిక్ కండీషనర్ వాడితే ఇంకా బెటర్.
ఇంట్లో బట్టలు ఆరేసేటప్పుడు కిచెన్కు దూరంగా వేయండి. లేదంటే వంట వాసనలు బట్టలకు పట్టేస్తాయి. గాలి వెలుతురు బాగా వచ్చే హాల్ లేదా కిటికీల పక్కన ఫోల్డబుల్ డ్రైయింగ్ రాక్స్ పెట్టి బట్టలు ఆరేయండి. అవసరమైతే బట్టల రాక్ కింద ఒక చిన్న టేబుల్ ఫ్యాన్ ఆన్ చేసి పెడితే గాలి స్పీడ్గా తగిలి బట్టలు మరీ ఫాస్ట్గా ఆరిపోతాయి.
వర్షాకాలంలో బట్టలు ఆరబెట్టడం పెద్ద టాస్క్ ఏమీ కాదు, కాస్త స్మార్ట్ హ్యాక్స్ వాడితే చాలు. బట్టలను ఎక్కువ రోజులు తడిగా ఉంచితే స్కిన్ అలర్జీలు వచ్చే ఛాన్స్ ఉంది కాబట్టి.. పైన చెప్పిన ట్రిక్స్ ఫాలో అయి మీ బట్టలను ఎప్పుడూ డ్రైగా, ఫ్రెష్గా ఉంచుకోండి.
Share
రైలులో ఫస్ట్ నైట్.. ఫస్ట్ ఏసీ క్లాసులో బెడ్, అబ్బో ఏం సెట్ చేశారయ్యా!
గుడ్డిగా స్మార్ట్వాచ్ కొనేస్తున్నారా? ఆగండి..మీ లైఫ్స్టైల్కి సెట్ అయ్యే వాచ్ని ఇలా ఎంచుకోండి!
