Masala Vada: మాసాలా వడ బయట తిన్నట్లే క్రిస్పీగా రావాలంటే.. ఇలా ట్రై చేయండి

Masala Vada: సాయంత్రం వేళ, చల్లని వాతావరణంలో వేడివేడి మసాలా వడ తినాలనిపిస్తుందా ? కానీ వడలు చేసుకోవాలంటే పప్పు నానబెట్టడం, రుబ్బడం వంటివి చేయాల్సి ఉంటుంది. దీనికి పరిష్కారమే ‘ఇన్‌స్టంట్ మసాలా వడ’. పప్పు ముందుగానే నానబెట్టే అవసరం లేకుండా.. కేవలం 30 నిమిషాల్లో ఈ రుచికరమైన వడలను తయారు చేసుకోవచ్చు.

మసాలా వడ అనగానే మనకు గుర్తుకొచ్చేది క్రిస్పీగా ఉండే దాని రుచి. దీనిని తయారు చేసుకోవడానికి సాధారణంగా శనగపప్పును కనీసం నాలుగు గంటల పాటు నానబెట్టి, ఆ తర్వాత మిక్సీలో రుబ్బుకోవాలి. అయితే.. పప్పును నానబెట్టడానికి సమయం లేనప్పుడు.. ఈ ‘ఇన్‌స్టంట్ మసాలా వడ’ రెసిపీ మీకు ఎంతో ఉపయోగపడుతుంది. ఈ వడలను అప్పటికప్పుడు ఇంట్లో ఉండే పదార్థాలతో సులభంగా తయారు చేసుకోవచ్చు.

ఇన్‌స్టంట్ మసాలా వడ రెసిపీ:

కావాల్సిన పదార్థాలు:

శనగపిండి – 1 కప్పు

బియ్యం పిండి – 1/4 కప్పు (వడలు క్రిస్పీగా రావడానికి)

ఉల్లిపాయ – 1 (చిన్నగా తరిగింది)

పచ్చిమిర్చి – 2 (చిన్నగా తరిగినవి)

అల్లం వెల్లుల్లి పేస్ట్ – 1 టీస్పూన్

కొత్తిమీర తరుగు – 2 టేబుల్ స్పూన్లు

కరివేపాకు – కొద్దిగా

జీలకర్ర – 1/2 టీస్పూన్

సోంపు – 1/2 టీస్పూన్

కారం పొడి – 1/2 టీస్పూన్ (లేదా రుచికి సరిపడా)

ఉప్పు – రుచికి సరిపడా

వేడి నూనె – 2 టీస్పూన్లు (పిండిలో కలపడానికి)

నీరు – తగినంత

నూనె – వేయించడానికి సరిపడా

ALSO READ: 10 నిమిషాల్లోనే రెడీ అయ్యే హెల్తీ బ్రేక్ ఫాస్ట్.. వెంటనే ట్రై చేయండి

తయారీ విధానం:

1. ముందుగా ఒక గిన్నెలో శనగపిండి, బియ్యం పిండిని తీసుకోండి.

2. ఇప్పుడు ఈ పిండిలో తరిగిన ఉల్లిపాయలు, పచ్చిమిర్చి, అల్లం వెల్లుల్లి పేస్ట్, కొత్తిమీర, కరివేపాకు, జీలకర్ర, సోంపు, కారం పొడి, ఉప్పు వేసి బాగా కలపాలి.

2. పిండిలో అన్ని పదార్థాలు బాగా కలిసిన తర్వాత, అందులో 2 టీస్పూన్ల వేడి నూనె వేసి కలపాలి. వేడి నూనె కలపడం వల్ల వడలు లోపల మెత్తగా, బయట క్రిస్పీగా వస్తాయి.

3. ఇప్పుడు కొద్ది కొద్దిగా నీరు పోస్తూ వడ పిండి లాగా గట్టిగా కలుపుకోవాలి. పిండి మరీ మెత్తగా కాకుండా.. కొంచెం గట్టిగా ఉండాలి. అప్పుడే వడలు నూనె పీల్చకుండా ఉంటాయి.

4. పిండి సిద్ధమైన తర్వాత.. స్టవ్ మీద ఒక బాణి పెట్టి, నూనె వేడి చేయాలి.

5. నూనె వేడెక్కుతున్నప్పుడు, పిండిని కొద్దిగా తీసుకుని.. చిన్న చిన్న ఉండలుగా చేసి, అరచేతిలో పెట్టి వడ ఆకారంలో వత్తుకోవాలి.

6. వడలను వేడి నూనెలో వేసి, మధ్యస్థమైన మంట మీద రెండు వైపులా బంగారు రంగు వచ్చేవరకు వేయించాలి.

7. వడలు క్రిస్పీగా వేగిన తర్వాత.. వాటిని నూనె నుంచి తీసి, టిష్యూ పేపర్ ఉన్న ప్లేట్‌లో పెట్టుకోవాలి.

అంతే.. వేడివేడిగా ఉండే ఇన్‌స్టంట్ మసాలా వడలు రెడీ! వీటిని పుదీనా చట్నీ, కొబ్బరి చట్నీ లేదా కెచప్ తో కలిపి తింటే ఎంతో రుచిగా ఉంటాయి. ఈ రెసిపీ సమయం తక్కువగా ఉన్నప్పుడు, అనుకోకుండా అతిథులు వచ్చినప్పుడు లేదా సాయంత్రం స్నాక్స్‌గా చేసుకోవడానికి చాలా అనుకూలంగా ఉంటుంది.