Karthika Masam 2025: కార్తీక మాసం స్పెషల్ రెసిపీలు.. ఇవి లేకపోతే పండగే పూర్తవ్వదు !

Karthika Masam 2025: కార్తీక మాసం అంటే కేవలం పూజలు, దీపారాధనలు మాత్రమే కాదు. ఆరోగ్యాన్ని, శక్తిని పెంపొందించే ఆధ్యాత్మిక, ఆహార నియమాలు కూడా ఈ మాసం యొక్క ప్రత్యేకత. ఈ ఏడాది అక్టోబరు 22న ప్రారంభమై నవంబరు 20 వరకు ఉండే ఈ పవిత్ర మాసంలో.. మన పూర్వీకులు కొన్ని ప్రత్యేకమైన, ఆరోగ్యకరమైన ఆహార నియమాలను పాటించారు. ఈ సంప్రదాయ వంటకాలు రుచితో పాటు, ఈ కాలానికి అవసరమైన పోషకాలను.. రోగ నిరోధక శక్తిని అందిస్తాయి.

ఆరోగ్యకరమైన ఆహార నియమాలు:
కార్తీక మాసంలో సాత్విక ఆహారాన్ని తీసుకోవడం ఉత్తమం. ఈ మాసంలో మాంసాహారం, ఉల్లిపాయలు, వెల్లుల్లి, ఆవాలు (కొన్ని ప్రాంతాల్లో), చిక్కుళ్ళు వంటి వాటిని చాలా వరకు నిషేధిస్తారు. ఈ ఆహార నియమాలు శరీరంలో వేడిని, నిద్రను తగ్గించి, మనసును ప్రశాంతంగా.. పూజకు అనుకూలంగా ఉంచుతాయి.

ముఖ్యంగా ఈ మాసంలో ఉసిరికాయకు అత్యంత ప్రాధాన్యత ఉంది. శ్రీ మహావిష్ణువుకు ప్రీతిపాత్రమైన ఉసిరి, అపారమైన ఔషధ గుణాలను కలిగి ఉంది.

కార్తీక మాస ప్రత్యేక వంటకాలు:
1. ఉసిరి పచ్చడి: కార్తీక వనభోజనాల్లో ఉసిరి పచ్చడి తప్పనిసరి. ఉసిరిలో విటమిన్ ‘సి’ సమృద్ధిగా ఉండటం వల్ల రోగ నిరోధక శక్తి పెరుగుతుంది. వీటితో జలుబు, దగ్గు వంటివి దరిచేరవు. పప్పులో లేదా సాంబార్‌లో ఉసిరిని కలిపి వండటం వల్ల దాని పోషక విలువలు పెరుగుతాయి.

2. పెసరపప్పుతో చేసిన వంటకాలు: ఈ మాసంలో..పెసరపప్పు (మూంగ్‌ దాల్)ను విరివిగా ఉపయోగిస్తారు. పెసరపప్పు త్వరగా జీర్ణం అవుతుంది. శరీరానికి చలువ చేస్తుంది. అంతే కాకుండా అధిక పోషకాలను అందిస్తుంది.

పెసరపప్పు పాయసం: పాలు, బెల్లం, యాలకులతో చేసే ఈ పాయసం ఉపవాసాల తర్వాత శక్తిని ఇస్తుంది.

పెసర వడలు/బూరెలు: నూనె తక్కువగా ఉపయోగించి తయారుచేసే వడలు మంచి ఆరోగ్యకరమైన బ్రేక్ ఫాస్ట్.

Also Read: ఈ టైంలో చియా సీడ్స్ వాటర్ తాగితే.. ఫుల్ బెనిఫిట్స్ ?

3. గోధుమ రవ్వ వంటకాలు: కార్తీక పూర్ణిమ లేదా పండగలప్పుడు గోధుమ రవ్వతో చేసిన తీపి వంటకాలను (హల్వా/ఉప్మా) ప్రసాదంగా నివేదిస్తారు. గోధుమ రవ్వలో పీచు పదార్థం ఎక్కువ. ఇది కడుపు నిండిన భావనను ఇచ్చి.. జీర్ణక్రియకు తోడ్పడుతుంది.

4. ఆకుకూరలు: వంకాయ కూర ఈ మాసంలో ముఖ్యంగా ఏకాదశి, ద్వాదశి రోజుల్లో చిక్కుళ్ళు, ఆవాలను పూర్తిగా పక్కన పెట్టి, పాలకూర, తోటకూర వంటి ఆకుకూరలతో కూడిన కూరలను వండుకుంటారు. వీటిలో విటమిన్లు, ఖనిజాలు పుష్కలంగా ఉంటాయి. అలాగే.. వంకాయలో కూడా పీచు పదార్థం అధికంగా ఉంటుంది.

5. జొన్న/రాగి రొట్టెలు: సాంప్రదాయ వంటకాలలో భాగంగా.. బియ్యం కంటే తృణధాన్యాలకు (మిల్లెట్స్) ప్రాధాన్యత ఇస్తారు. జొన్న రొట్టెలు లేదా రాగి సంకటి శరీరానికి శక్తినిచ్చి, పోషకాలను అందిస్తాయి.

కార్తీక మాసంలో సంప్రదాయ వంటకాలు కేవలం దైవారాధనలో భాగం మాత్రమే కాదు. ఋతువుల మార్పుకు అనుగుణంగా శరీరాన్ని సిద్ధం చేసే ఒక ఆరోగ్య రహస్యం. ఈ ప్రత్యేకమైన నెలలో ఈ సాంప్రదాయ, ఆరోగ్యకరమైన వంటకాలను అనుసరించడం ద్వారా ఆధ్యాత్మికంగా.. శారీరకంగా పూర్తి ప్రయోజనాలను పొందవచ్చు

Share

• 
• 
• 
• 
• 
•