Salt for Dampness: వర్షం, చలికాలంలో చాలామంది ఎదుర్కొనే ప్రధాన సమస్యల్లో తేమ (Dampness) ఒకటి. గోడలు తడిబారడం, దుస్తుల నుంచి మురికి వాసన రావడం, బ్యాక్టీరియాలతో నిండిన గాలి చిరాకు కలిగిస్తాయి. అయితే ఈ సమస్యను తగ్గించుకోవడానికి మార్కెట్లో లభించే ఖరీదైన డీహ్యూమిడిఫైయర్లు (Dehumidifiers) వాడాల్సిన అవసరం లేదు. వంటింట్లో ఉండే ఉప్పుతోనే ఈ తేమకు చెక్ పెట్టొచ్చని నిపుణులు చెబుతున్నారు. అదెలాగో ఈ కథనంలో చూద్దాం.
ఉప్పుకి గాలిలోని తేమను పీల్చుకునే సహజ గుణం (Hygroscopic nature) ఉంటుంది. గాలిలోని నీటి బిందువులను ఇది వేగంగా ఆకర్షిస్తుంది. ఈ నేపథ్యంలో గదిలో ఉప్పు ఉన్న గిన్నెను ఉంచినప్పుడు అది గాలిలో అదనంగా ఉన్న తేమను పీల్చుకుని గది వాతావరణాన్ని పొడిగా ఉంచేందుకు సహాయపడుతుంది. ఇది విద్యుత్ తో పని లేని, శబ్దం అవసరం లేని సహజమైన చిట్కా అని నిపుణులు పేర్కొంటున్నారు.
ఈ చిట్కా పాటించడం చాలా ఈజీ. ఒక వెడల్పాటి గాజు లేదా ప్లాస్టిక్ గిన్నెను తీసుకోండి. అందులో సగం కంటే ఎక్కువగా దొడ్డు ఉప్పు (Rock Salt)ను నింపండి. గదిలో తేమ ఎక్కువగా ఉండే మూలల్లో, గాలి తక్కువగా ఉండే ప్రదేశాల్లో ఈ గిన్నెను ఉంచండి. గిన్నె ఎంత వెడల్పుగా ఉంటే ఉప్పు అంత ఎక్కువ విస్తీర్ణాన్ని కలిగి ఉండి.. తేమను వేగంగా పీల్చుకునే వీలుంటుంది.
కొన్ని రోజుల తర్వాత గిన్నెలోని ఉప్పు గాలిలోని తేమను పీల్చుకుని.. తడిగా మారడం చూడొచ్చు. ఉప్పు పూర్తిగా కరిగిపోతున్నట్లు అనిపిస్తే.. ఆ నీటిని పారబోసి, గిన్నెను తుడిచి మళ్లీ కొత్త ఉప్పును నింపాలి. గదిలోని తేమ శాతాన్ని బట్టి ప్రతి వారానికి లేదా రెండు వారాలకొకసారి ఉప్పును మార్చడం మంచిది.
Also Read: టెలికాం గేమ్ ఛేంజర్స్.. అసలు Local, STD, PCO అంటే ఏంటి? 1990’s జ్ఞాపకాలు!
ఉప్పు కేవలం తేమను తగ్గించడమే కాకుండా గదిలో వచ్చే దుర్వాశనలను కూడా దూరం చేస్తుంది. మీకు మంచి సువాసన కావాలనుకుంటే.. ఉప్పు గిన్నెలో కొన్ని చుక్కల ఎసెన్షియల్ ఆయిల్ కలపవచ్చు. దీనివల్ల గదిలోని తేమ తగ్గడంతో పాటు ఆహ్లాదకరమైన సువాసన వస్తుంది. మెుత్తంగా చూస్తే.. తక్కువ ఖర్చుతో, ఎటువంటి రసాయనాలు లేకుండా ఇంటిని పొడిగా ఉంచుకోవడానికి ఈ చిన్న చిట్కా ఎంతో ఉపయోగపడనుంది.
Also Read: ఫ్లిప్కార్ట్ ఫ్రీడమ్ సేల్.. స్మార్ట్ఫోన్లపై కళ్లు చెదిరే ఆఫర్లు.. రేట్లు ఇలా తగ్గించేశారేంటీ!
Share
మూడేళ్ల చిన్నారిపై వీధి కుక్క దాడి.. గొంతుపై తీవ్ర గాయాలు
ఏ.ఆర్.రెహమాన్ కొడుకుకు యాక్సిడెంట్.. పరిస్థితి ఎలా ఉందంటే?
