Seeds: సమ్మర్లో మండే ఎండ, చెమట కారణంగా తరచూ అలసటగా అనిపిస్తుంటుంది. ఇలాంటి పరిస్థితిలో శరీరాన్ని చల్లబరిచే.. ఆహారాన్ని తీసుకోవడం చాలా ముఖ్యం. ఇవి చర్మానికి, ఆరోగ్యానికి చాలా మేలు చేస్తాయి. అంతే కాకుండా కొన్ని రకాల విత్తనాలు శరీర ఉష్ణోగ్రతను చల్లగా ఉంచుతాయి. సహజంగా కొల్లాజెన్ ఉత్పత్తిని ప్రోత్సహిస్తాయి. మీరు కూడా మీ 50 సంవత్సరాల వయస్సులో యవ్వనంగా కనిపించాలనుకుంటే.. ఖచ్చితంగా ఈ సీడ్స్ తినడం చాలా మంచిది. ఇంతకీ సమ్మర్లో ఆరోగ్యానికి మేలు చేసే విత్తనాలు ఏంటి ? వాటి ప్రయోజనాలను గురించి ఇప్పుడు తెలుసుకుందాం.
సబ్జా గింజలు:
సబ్జా గింజలు శరీరానికి చల్లదనాన్ని కలిగిస్తాయి. అంతే కాకుండా ఇవి జీర్ణక్రియను మెరుగుపరుస్తాయి. శరీరాన్ని నిర్విషీకరణ చేయడంలో కూడా చాలా బాగా పనిచేస్తాయి. చర్మాన్ని లోపలి నుండి హైడ్రేట్గా ఉంచుతుంది. ఇవి చర్మంలో కొల్లాజెన్ స్థాయిలను నిర్వహించే యాంటీఆక్సిడెంట్లతో సమృద్ధిగా ఉంటాయి. ప్రతిరోజూ సబ్జా గింజలు కలిపిన ఒక గ్లాసు చల్లని పాలు లేదా నిమ్మకాయ నీరు తాగడం వల్ల మీ చర్మం మెరుగుపడుతుంది.
చియా విత్తనాలు:
చియా గింజలు ఒమేగా-3 కొవ్వు ఆమ్లాలు, ఫైబర్ , ప్రోటీన్లకు అద్భుతమైన మూలం అని చెప్పవచ్చు. ఈ విత్తనాలు చర్మాన్ని లోపలి నుండి పోషిస్తాయి. అంతే కాకుండా కొల్లాజెన్ ఏర్పడటాన్ని ప్రోత్సహిస్తాయి. క్రమం తప్పకుండా వీటిని తినడం వల్ల.. వృద్ధాప్య సంకేతాలు నెమ్మదిస్తాయి. అంతే కాకుండా చర్మం కూడా బిగుతుగా మారుతుంది.
గుమ్మడికాయ గింజలు:
గుమ్మడికాయ గింజలలోని జింక్, విటమిన్ ఇ చర్మాన్ని రిపేర్ చేయడంలో ఉపయోగపడుతుంది. అంతే కాకుండా కొల్లాజెన్ ఉత్పత్తిని పెంచడంలో సహాయపడుతుంది. వీటి లక్షణాల కారణంగా వేసవిలో శరీరాన్ని సమతుల్యంగా ఉంచడంలో ఉపయోగపడతాయి. అంతే కాకుండా చర్మం యొక్క మెరుపు పెరుగుతుంది. అందుకే వీటిని స్నాక్గా కూడా తినవచ్చు లేదా సలాడ్లో కలిపి తినవచ్చు.
పుచ్చకాయ గింజలు:
పుచ్చకాయ గింజలు వేసవిలో చల్లదనాన్ని అందించడమే కాకుండా చర్మాన్ని లోపలి నుండి హైడ్రేట్ గా ఉంచుతాయి. వీటిలో ఉండే మెగ్నీషియం , ఆరోగ్యకరమైన కొవ్వులు కొల్లాజెన్కు మద్దతు ఇస్తాయి. అంతే కాకుండా ఇవి చర్మం యొక్క స్థితిస్థాపకతను కాపాడతాయి. కాల్చిన పుచ్చకాయ గింజలు ఆరోగ్యకరమైన స్నాక్స్ గా వాడొచ్చు.
అవిసె గింజలు:
అవిసె గింజలు వేసవిలో శరీరాన్ని చల్లగా ఉంచుతాయి. వీటిలో లిగ్నన్లు, ఫైబర్ , ఒమేగా-3 కొవ్వు ఆమ్లాలు ఉంటాయి. ఇవి చర్మ కణాలను మరమ్మతు చేస్తాయి. అంతే కాకుండా కొత్త కణాలను సృష్టించడంలో సహాయపడతాయి. వీటిని రెగ్యులర్ గా తినడం వల్ల చర్మం యొక్క రంగు, ఆకృతి రెండూ మెరుగుపడతాయి.
Also Read: ఉల్లిపాయలు 6 నెలల పాటు పాడవకుండా ఉండాలంటే.. ఇలా చేయండి !
పొద్దుతిరుగుడు విత్తనాలు:
పొద్దు తిరుగుడు విత్తనాలు చర్మాన్ని ఫ్రీ రాడికల్స్ నుండి రక్షిస్తాయి. అంతే కాకుండా కొల్లాజెన్ నాణ్యతను మెరుగుపరుస్తాయి. విటమిన్ E సమృద్ధిగా ఉండే ఈ విత్తనాలు మచ్చలు, ముడతలను తగ్గించడంలో ప్రభావ వంతంగా పనిచేస్తాయి. అంతే కాకుండా సమ్మర్ లో వీటిని తీసుకోవడం వల్ల శరీరం చల్లగా ఉంటుంది. మెరుస్తూ ఉంటుంది కూడా.
నువ్వులు:
నలుపు , తెలుపు నువ్వులు రెండూ చర్మానికి మేలు చేసే పోషకాలను కలిగి ఉంటాయి. వీటి చల్లటి స్వభావం వేసవిలో శరీరానికి ఉపశమనం కలిగిస్తాయి. అంతే కాకుండా చర్మాన్ని లోపలి నుండి పోషిస్తాయి. వీటిలో ఉండే కాల్షియం, జింక్ , ఐరన్ చర్మాన్ని యవ్వనంగా ఉంచడంలో సహాయపడతాయి.
Share
Vande Bharat Sleeper Train: కేరళకు వందేభారత్ స్లీపర్, ఏ రూట్ లో నడుస్తుందంటే?
OTT Movies : ఈ వారం ఓటీటీలోకి 20 సినిమాలు.. ఆ సినిమాలను డోంట్ మిస్..
