Sesame Seeds For Winter : చిన్నవిగానే ఉన్నా నువ్వులతో బోలెడంత ఆరోగ్యం. పోషకాలు అధికంగా నవ్వులను శీతాకాలంలో మరింత ఎక్కువగా తీసుకుంటే మేలని నిపుణులు చెబుతున్నారు. ప్రొటీన్, ఆరోగ్యకర కొవ్వులు, ఫైబర్, విటమిన్లు ఈ గింజల్లో పుష్కలం. కాల్షియం, ఐరన్, మెగ్నీషియం, జింక్ వంటి మినరల్స్‌కూ కొదవ ఉండదు. చలికాలంలో వ్యాధి నిరోధక శక్తిని పెంపొందించేవి ఈ పోషకాలే. అందుకే కూరల్లో, పిండివంటల్లో వీటికి ఎనలేని ప్రాధాన్యం కల్పించారు.
నువ్వులు వేడి కలగజేస్తాయనేది విశ్వాసం.అందుకే చైనీయుల సంప్రదాయ ఔషధాల్లో, ఆయుర్వేదంలోనూ వీటికి అధిక ప్రాధాన్యం. చలి వాతావరణంలో శరీరానికి వేడిని ఇచ్చే ఆహారాన్ని తీసుకుంటే రక్త ప్రసరణ మెరుగవుతుంది. నులివెచ్చదనం కూడా లభిస్తుంది. నువ్వుల్లోని అధిక కేలరీలు మన ఎనర్జీ లెవల్స్‌ను స్థిరంగా ఉంచుతాయి.
ఇమ్యూన్ వ్యవస్థ సరిగా పనిచేయడానికి జింక్ అవసరం. ఇమ్యూన్ సెల్స్ పెరగాలన్నా, వాటి పనితీరు బాగా ఉండాలన్నా తరచూ జింక్ తీసుకుంటుండాలి. ఇందుకు మన ఆహారంలో నువ్వులను చేరిస్తే సరి. ఇమ్యూన్ సిస్టమ్‌కు తోడ్పాటు అందించడమే కాకుండా.. శీతాకాలంలో వచ్చే వ్యాధులను దూరం పెడుతుంది.
హెల్దీ ఫ్యాట్స్, మోనోశాట్యురేటెడ్ ఫ్యాట్స్, పాలీఅన్‌శాట్యురేటెడ్ ఫ్యాట్స్ నువ్వుల గింజల్లో ఉంటాయి. చర్మ ఆరోగ్యాన్ని సంరక్షించడంలో ఇవే ప్రధానం. శీతాకాలంలో చర్మ సమస్యలను అధిగమించేందుకు ఆహారంలో నువ్వులను చేర్చడం తప్పనిసరి.
దీర్ఘకాలిక వ్యాధుల నుంచి బయటపడాలంటే నల్ల నువ్వులు బెస్ట్. వీటిలో యాంటీ ఆక్సిడెంట్లు పుష్కలంగా ఉంటాయి. మన శరీరాన్ని ఎన్నో వ్యాధుల నుంచి నల్వ నువ్వులు రక్షిస్తాయి. శరీరంలోని చెడు కొలెస్ట్రాల్ స్థాయిని తగ్గించడానికి ఇవి సహాయపడతాయి. శరీరంలో టాక్సిన్స్‌ను సైతం తొలగించవచ్చు. నల్ల‌నువ్వుల్లో లభించే విటమిన్ బీ6, మెగ్నీషియం వంటివి మెదడు ఆరోగ్యాన్ని మెరుగుపరుస్తాయి.
Share
Telangana Polling: ప్రశాంతంగా పోలింగ్.. 1 గంట వరకు పోలింగ్ వివరాలిలా..
MLA Saidi Reddy : సూర్యాపేట హుజూర్‌నగర్‌లో బిఆర్ఎస్ ఎమ్మెల్యే గూండాగిరి!
