చాలామందికి ఉదయం ఎక్కువసేపు నిద్రపోవడం అలవాటుగా ఉంటుంది. అలారం మోగిన తర్వాత కూడా పలుమార్లు స్నూజ్ బటన్ నొక్కుతుంటారు. ఐదు నిమిషాలు అనుకుంటూ మళ్లీ నిద్రపోతే గంటల సమయం వృథా అవుతుంది. అయితే ఉదయం త్వరగా లేవడం వల్ల అనేక ప్రయోజనాలు ఉన్నాయి.
శరీరంలో ఉత్సాహం పెరుగుతుంది. మనసు ప్రశాంతంగా ఉంటుంది. రోజులో చేయాల్సిన ముఖ్యమైన పనులను ఎలాంటి అంతరాయం లేకుండా పూర్తి చేసుకునే అవకాశం లభిస్తుంది. జీవితంలో విజయం సాధించే చాలా మంది మహానుభావులు కూడా ఉదయాన్నే లేచే అలవాటు పాటిస్తారు.
ప్రస్తుతం చాలా మంది జీవనశైలి నిద్రపై ప్రభావం చూపుతోంది. రాత్రి ఆలస్యంగా భోజనం చేయడం సాధారణంగా మారింది. అలాగే నిద్రపోయే ముందు మొబైల్ ఫోన్లు, సోషల్ మీడియా, సినిమాలకు ఎక్కువ సమయం కేటాయిస్తున్నారు. మొబైల్ స్క్రీన్ల నుంచి వచ్చే బ్లూ లైట్ శరీరంలో మెలటోనిన్ ఉత్పత్తిని తగ్గిస్తుంది. మెలటోనిన్ మనకు సహజంగా నిద్ర పట్టేందుకు సహాయపడే హార్మోన్. అందువల్ల నిద్ర నాణ్యత తగ్గి ఉదయం అలసటగా అనిపిస్తుంది.
ఉదయం త్వరగా లేవాలంటే ముందుగా రాత్రి సరైన సమయంలో నిద్రపోవాలి. నిపుణుల సూచనల ప్రకారం రాత్రి 9 నుంచి 10 గంటల మధ్య నిద్రపోవడం మంచిది. ఉదయం అలారం పెట్టినట్లే రాత్రి పడుకునే సమయానికి కూడా అలారం పెట్టుకోవచ్చు. ప్రతిరోజూ ఒకే సమయానికి నిద్రపోవడం వల్ల శరీరానికి ఒక క్రమం ఏర్పడుతుంది. దీంతో ఉదయం లేవడం సులభమవుతుంది.
ముఖ్యమైన పని ఉన్నప్పుడు చాలామంది సహజంగానే త్వరగా లేస్తారు. ప్రయాణం, మీటింగ్ లేదా ప్రత్యేక కార్యక్రమం ఉన్నప్పుడు అలారం అవసరం లేకుండానే మేల్కొంటారు. అందుకే ప్రతిరోజూ ఉదయం చేయాల్సిన పనిని ముందుగానే నిర్ణయించుకోవాలి. వ్యాయామం, పుస్తక పఠనం, నడక లేదా కొత్త నైపుణ్యం నేర్చుకోవడం వంటి లక్ష్యాలు ఉండాలి. స్పష్టమైన ఉద్దేశం ఉంటే ఉదయం లేవడం సులభమవుతుంది.
భారీ భోజనం జీర్ణక్రియను నెమ్మదిస్తుంది. దీనివల్ల నిద్ర నాణ్యత దెబ్బతింటుంది. రాత్రి సమయంలో తేలికపాటి ఆహారం తీసుకోవడం మంచిది. కూరగాయలు, సలాడ్లు ఎక్కువగా తీసుకోవాలి. ఎక్కువగా తినడం నివారించాలి. నిద్రపోయే కనీసం రెండు గంటల ముందు భోజనం పూర్తి చేయాలి. ఇది మంచి నిద్రకు సహాయపడుతుంది.
ఉదయం సమయాన్ని సద్వినియోగం చేసుకోవడానికి త్రీ ఎమ్ రూల్ ఉపయోగపడుతుంది.
ఉదయాన్నే ధ్యానం లేదా యోగా ద్వారా ప్రారంభించండి. శ్వాస వ్యాయామాలు మనసును ప్రశాంతంగా ఉంచుతాయి. ఒత్తిడిని తగ్గించి ఏకాగ్రతను పెంచుతాయి.
నిద్రలేచిన తర్వాత కొద్దిసేపు నడవండి లేదా స్ట్రెచింగ్ చేయండి. శారీరక కదలికలు శరీరానికి శక్తిని అందిస్తాయి. రక్తప్రసరణ మెరుగుపడుతుంది.
ప్రతిరోజూ కొత్త విషయాలు నేర్చుకోవడానికి సమయం కేటాయించండి. పుస్తకాలు చదవడం, క్రియేటివిటీ ఉన్న హాబీలను అభివృద్ధి చేయడం లేదా కొత్త నైపుణ్యాలను నేర్చుకోవడం మంచిది.
Also Read: అతిథులు రాగానే మీ ఇల్లు చూసి వావ్ అనాల్సిందే.. తక్కువ ఖర్చుతో లివింగ్ రూం డెకరేట్ చేసేందుకు టిప్స్
ఉదయం త్వరగా లేచే అలవాటు ఒక్కరోజులో వచ్చేది కాదు. చిన్నచిన్న మార్పులను క్రమం తప్పకుండా పాటించాలి. మంచి నిద్ర, స్పష్టమైన లక్ష్యాలు, ఆరోగ్యకరమైన అలవాట్లు కలిసి ఉదయం త్వరగా లేవడాన్ని సులభతరం చేస్తాయి. రోజూ పాటిస్తే కొంతకాలం తర్వాత అలారం అవసరం లేకుండానే సహజంగా తెల్లవారుజామున మేల్కొనే అవకాశం ఉంటుంది.
Share
మరో వివాదంలో అశ్విన్...పాకిస్తాన్ ప్లేయర్ పక్కన కూర్చోని ఫోటోలు
సమంత దంపతులకు చిరంజీవి స్పెషల్ విష్.. ఆ ఒక్క మాటతో గుడ్ న్యూస్ లీక్!
