Samantha Pregnancy Buzz: టాలీవుడ్లో సరికొత్త సంచలనం.. ‘చిరు లీక్స్’ హిట్ లిస్ట్లో మరో క్రేజీ న్యూస్ చేరిపోయింది. సోషల్ మీడియా వేదికగా మెగాస్టార్ చిరంజీవి చేసే పోస్టులు, ఇచ్చే అప్డేట్లు ఎప్పుడూ హాట్ టాపిక్గానే ఉంటాయి. అయితే, తాజాగా ఆయన చేసిన ఒక ట్వీట్ ఇప్పుడు టాలీవుడ్లోనే కాకుండా, ఇండస్ట్రీ వర్గాల్లో పెను సంచలనంగా మారింది. స్టార్ బ్యూటీ సమంత, ప్రముఖ దర్శకుడు రాజ్ నిడిమోరు (రాజ్ & డికె) కాంబినేషన్లో వచ్చిన లేటెస్ట్ మూవీ ‘మా ఇంటి బంగారం’ బాక్సాఫీస్ వద్ద భారీ విజయాన్ని సొంతం చేసుకుంది. ఈ క్రేజీ ప్రాజెక్ట్ సాధించిన ఘన విజయంపై మెగాస్టార్ చిరంజీవి స్పందిస్తూ సోషల్ మీడియా ద్వారా ప్రత్యేకంగా అభినందనలు తెలిపారు. కానీ, ఆ అభినందనల వెనుక చిరు వదిలిన ఒక ‘లీక్’ ఇప్పుడు నెట్టింట తుఫాన్ లేపుతోంది.
Read also-‘నాగబంధం’ నుంచి పవర్ఫుల్ సాంగ్ అప్డేట్.. రిలీజ్ ఎప్పుడంటే?
చిరంజీవి తన పోస్ట్లో ‘మా ఇంటి బంగారం’ గ్రాండ్ సక్సెస్ను కొనియాడుతూనే, ఎవరూ ఊహించని ఒక సర్ప్రైజింగ్ లైన్ను యాడ్ చేశారు. “అలాగే జీవితంలో కొత్త అధ్యాయాన్ని ఆహ్వానిస్తున్న సమంత & రాజ్ దంపతులకు ప్రత్యేక శుభాకాంక్షలు” అంటూ మెగాస్టార్ ట్వీట్ చేయడం విశేషం. ఈ ఒక్క మాటతో సోషల్ మీడియా ఒక్కసారిగా షేక్ అయింది. సాధారణంగా సినిమా విశేషాలను లేదా వ్యక్తిగత విషయాలను చిరంజీవి ముందే లీక్ చేస్తారనే టాక్ ఇండస్ట్రీలో ఉంది. దీన్నే ఫ్యాన్స్ ‘చిరు లీక్స్’ అని పిలుచుకుంటారు. ఇప్పుడు సమంత జీవితంలో తల్లిగా సరికొత్త అధ్యాయాన్ని ప్రారంభించబోతోందనే విషయాన్ని, ఆమె ప్రెగ్నెన్సీ వార్తలను చిరంజీవి అఫీషియల్గా కన్ఫర్మ్ చేసేశారంటూ నెటిజన్లు ఫిక్స్ అయిపోతున్నారు.
సమంత ప్రెగ్నెన్సీ గురించిన వార్తలు గత కొంతకాలంగా ఇండస్ట్రీ సర్కిల్స్లో గుసగుసలుగా వినిపిస్తున్నప్పటికీ, ఎక్కడా అధికారిక ప్రకటన రాలేదు. కానీ, స్వయంగా ఇండస్ట్రీ పెద్ద దిక్కు అయిన చిరంజీవి ‘కొత్త అధ్యాయం’, ‘దంపతులు’ అంటూ విష్ చేయడంతో ఈ వార్తలకు బలమైన ముద్ర పడినట్లయింది. ఒకవైపు ‘మా ఇంటి బంగారం’ సినిమాతో కెరీర్లో బిగ్గెస్ట్ సక్సెస్ అందుకోవడం, మరోవైపు వ్యక్తిగత జీవితంలో మాతృత్వపు మధురిమలను ఆస్వాదించడానికి సిద్ధమవ్వడం.. ఇలా సమంత ఒకేసారి డబుల్ గుడ్ న్యూస్లతో ప్రేక్షకుల ముందుకు రావడంతో అభిమానుల ఆనందానికి అవధులు లేకుండా పోయాయి. ప్రస్తుతం చిరు చేసిన ఈ పోస్ట్ సోషల్ మీడియాలో టాప్ ట్రెండింగ్లో దూసుకుపోతోంది. ఈ మెగా లీక్పై సమంత లేదా రాజ్ నిడిమోరుల టీమ్ ఎలా స్పందిస్తుందోనని ఇప్పుడు అందరూ ఆసక్తిగా ఎదురుచూస్తున్నారు.
“మా ఇంటి బంగారం“ చాలా ఆసక్తికరంగా అనిపించింది. ఉమ్మడి కుటుంబ నేపథ్యంలో యాక్షన్, భావోద్వేగాలను అందంగా మేళవిస్తూ వినోదాత్మకంగా దర్శకురాలు నందిని రెడ్డి తనదైన శైలిలో తెరకెక్కించారు. @Samanthaprabhu2 నటన, ముఖ్యంగా చీరకట్టులో చేసిన యాక్షన్ సన్నివేశాలు ప్రత్యేక ఆకర్షణగా నిలిచాయి.… pic.twitter.com/eE5xemjh3c
— Chiranjeevi Konidela (@KChiruTweets) June 23, 2026
Share
ఉదయం అలారం మోగుతున్నా ఆఫ్ చేసి పడుకుంటున్నారా? అలారం లేకుండానే లేవడానికి సింపుల్ టిప్స్
ఏసీ వేసినా ఇల్లు వేడెక్కుతోందా? కూలింగ్ను దోచేస్తున్న.. ఆరుగురు దొంగలు వీళ్లే!
