వర్షాకాలంలో బట్టల నుంచి దుర్వాసన వస్తోందా? ఈ సింపుల్ చిట్కాలతో సమస్యకు చెక్

వర్షాకాలం వేసవి వేడి తగ్గించి ఉపశమనం కలిగిస్తుంది. అయితే ఈ కాలంలో కొన్ని సమస్యలు కూడా ఎదురవుతాయి. ముఖ్యంగా బట్టలు పూర్తిగా ఆరడం కష్టమవుతుంది. గాలిలో తేమ ఎక్కువగా ఉండటం వల్ల బట్టల్లో తడి ఎక్కువసేపు ఉంటుంది.

బట్టలు పూర్తిగా ఆరకపోతే వాటి నుంచి దుర్వాసన రావడం ప్రారంభమవుతుంది. ఖరీదైన డిటర్జెంట్లు వాడినా కొన్నిసార్లు ఈ వాసన పూర్తిగా పోదు. అయితే కొన్ని సులభమైన చిట్కాలను పాటిస్తే ఈ సమస్యను నివారించవచ్చు.

వర్షాకాలంలో బట్టల నుంచి దుర్వాసన ఎందుకు వస్తుంది?

బట్టల్లో తేమ ఎక్కువసేపు ఉండటం వల్ల దుర్వాసన వస్తుంది. వర్షాకాలంలో సూర్యరశ్మి లేకపోవడం వల్ల బట్టలు ఆరే ప్రక్రియ నెమ్మదిగా జరుగుతుంది. తేమ ఎక్కువగా ఉన్న వాతావరణంలో బ్యాక్టీరియా వేగంగా పెరుగుతుంది. ఈ బ్యాక్టీరియా వల్ల బట్టల నుంచి అసహ్యకరమైన వాసనకు కారణమవుతుంది. కొద్దిగా తడిగా ఉన్న బట్టలను అల్మారాలో పెట్టడం వల్ల సమస్య మరింత పెరుగుతుంది. సరైన గాలి ప్రసరణ లేకపోవడం కూడా దుర్వాసనకు దారి తీస్తుంది.

తెల్ల వెనిగర్‌తో దుర్వాసనకు చెక్

తెల్ల వెనిగర్ సహజమైన డియోడరైజర్‌గా పనిచేస్తుంది. ఇది దుర్వాసన కలిగించే బ్యాక్టీరియాను తగ్గించడంలో సహాయపడుతుంది. బట్టలను చివరిసారి కడిగే నీటిలో కొద్దిగా వెనిగర్ కలపండి. బకెట్‌లో అయినా, వాషింగ్ మెషీన్‌లో అయినా దీనిని ఉపయోగించవచ్చు. బట్టలు ఆరిన తర్వాత వెనిగర్ వాసన పూర్తిగా పోతుంది. బట్టలు తాజాగా, శుభ్రంగా ఉంటాయి.

బేకింగ్ సోడా కూడా మంచి పరిష్కారం

బేకింగ్ సోడా దుర్వాసనను సమర్థవంతంగా పీల్చుకుంటుంది. డిటర్జెంట్‌తో పాటు కొద్దిగా బేకింగ్ సోడా కలిపి బట్టలు ఉతికితే మంచి ఫలితం ఉంటుంది. తేమ కారణంగా వచ్చిన వాసనను తొలగించడంలో ఇది బాగా పనిచేస్తుంది. ఎక్కువకాలం నిల్వ ఉంచిన బట్టలకు కూడా ఇది ఉపయోగకరంగా ఉంటుంది.

వేపాకులు సహజమైన రక్షణ

వేపాకు సహజ శుభ్రత గుణాలను కలిగి ఉంటుంది. ఎండిన వేపాకులను అల్మారాలో ఉంచితే తేమ తగ్గుతుంది. అలాగే దుర్వాసన కూడా  రాకుండా సహాయపడుతుంది. వేపాకులు పురుగులను కూడా దూరంగా ఉంచుతాయి. దీంతో బట్టలు ఎక్కువకాలం తాజాగా ఉంటాయి.

సువాసన కోసం ఎసెన్షియల్ ఆయిల్స్

లావెండర్, రోజ్ లేదా నిమ్మ సువాసన కలిగిన ఎసెన్షియల్ ఆయిల్స్ బట్టలకు మంచి పరిమళాన్ని అందిస్తాయి. కాటన్ బాల్స్‌పై కొన్ని చుక్కలు వేసి అల్మారాలో ఉంచండి. లేదా సువాసన సంచులను ఉపయోగించవచ్చు. దీంతో బట్టలు ప్రతిరోజూ తాజాగా వాసన వస్తాయి.

Also Read: రాత్రి డిన్నర్ తరువాత ఈ పనులు చేస్తే శరీరమంతా వ్యాధులే.. డాక్టర్ల హెచ్చరిక

సరైన విధంగా బట్టలను ఆరబెట్టండి

బట్టలను ఎప్పుడూ మూసివేసిన గదుల్లో ఉంచకండి. కిటికీలు తెరిచి గాలి వచ్చేలా చూడండి. ఫ్యాన్ ఉపయోగించడం వల్ల కూడా బట్టలు త్వరగా ఆరుతాయి. గాలి ప్రసరణ మెరుగ్గా ఉంటే తేమ తగ్గి బ్యాక్టీరియా పెరుగుదల తగ్గుతుంది.

పూర్తిగా ఆరిన తర్వాతే అల్మరాలో పెట్టండి

కొద్దిగా తడి ఉన్నా బట్టలను మడిచి పెట్టకండి. తడి వల్ల ఫంగస్, దుర్వాసన సమస్యలు వస్తాయి. అల్మారాలో పెట్టే ముందు బట్టలు పూర్తిగా ఆరాయో లేదో పరిశీలించండి. ఈ చిన్న జాగ్రత్త వల్ల బట్టలు ఎక్కువకాలం తాజాగా ఉంటా

Share

• 
• 
• 
• 
• 
•