Skin Cancer: గాయాలు త్వరగా నయం కావడం లేదా ? ఇదే కారణం కావొచ్చు !

Skin Cancer: మీ చర్మంపై ఒక చిన్న గాయం చాలా వారాల పాటు నయం కాకపోతే, క్రమంగా దాని రూపాన్ని మార్చుకుంటే, దానిని తేలికగా తీసుకోకండి. తరచుగా మనం చిన్న కోతలు లేదా గాయాలను సాధారణమైనవిగా భావిస్తాము. కానీ అది చర్మ క్యాన్సర్ యొక్క ప్రారంభ లక్షణం కూడా కావచ్చు .

చర్మవ్యాధి నిపుణులు చెబుతున్న దాని ప్రకారం.. గాయం మానకపోతే.. చర్మంపై స్కాబ్, రక్తస్రావం లేదా దురద ఏర్పడినప్పుడు బేసల్ సెల్ లేదా స్క్వామస్ సెల్ కార్సినోమా వంటి చర్మ సమస్య ప్రారంభమవుతుంది. ఈ లక్షణం తరచుగా ముఖం, మెడ లేదా చేతులు వంటి సూర్యకాంతికి గురైన భాగాలపై కనిపిస్తుంది. కాబట్టి మీ గాయం రెండు నుంచి మూడు వారాల కంటే ఎక్కువ కాలం నయం కాకపోతే, లేదా తిరిగి వస్తూ ఉంటే, వెంటనే డాక్టర్ సహాయం తీసుకోండి.

మానని గాయం:
కొన్నిసార్లు గాయం చాలా కాలం పాటు బాధాకరంగా ఉంటుంది. గాయం రెండు నుంచి మూడు వారాల వరకు నయం కాకపోతే, రక్తస్రావం అవుతుంటే అది చర్మ క్యాన్సర్‌కు సంకేతం కావచ్చు – ముఖ్యంగా బేసల్ సెల్ లేదా స్క్వామస్ సెల్ కార్సినోమా కావచ్చు.

స్కాబ్స్, రక్తం, దురద:
కొన్నిసార్లు గాయాలపై తొక్కగా మారి, తరువాత ఊడిపోయి, నొప్పి లేదా దురదకు కారణమవుతాయి. ఈ సంకేతాలన్నీ సకాలంలో చికిత్స చేయకపోతే చర్మ క్యాన్సర్‌ను సూచిస్తాయి. అటువంటి మార్పులను అస్సలు లైట్ తీసుకోవద్దు. ఎందుకంటే దీనిని ముందస్తుగా గుర్తించడం వల్ల చికిత్స సులభతరం అవుతుంది.

కొన్నిసార్లు గాయం నయం అయినప్పటికీ తిరిగి అదే చోట వస్తుంది. ఇలాంటి గాయం’ చర్మ క్యాన్సర్ ప్రమాదాన్ని పెంచుతుంది. ఇది ముఖ్యంగా సూర్యరశ్మికి గురయ్యే కొన్ని ప్రాంతాలలో సంభవిస్తుంది. చెవులు, ముక్కు లేదా చేతుల బయటి ఉపరితలం వంటి ప్రదేశాల్లో వస్తుంది.