Akhanda 2 : 6వ తారీఖు టికెట్స్ ఓపెన్, అంటే రేపు సినిమా రిలీజ్ కానట్లేనా?

Akhanda 2 : ఈ మధ్యకాలంలో భారీ అంచనాలు ఉన్న సినిమా అఖండ 2. గతంలో వచ్చిన అఖండ సినిమా బాక్స్ ఆఫీస్ వద్ద బ్లాక్ బస్టర్ సక్సెస్ సాధించింది. ఆ సినిమా తర్వాత బాలకృష్ణ చేసిన అన్ని సినిమాల్లో కూడా వరుస సక్సెస్ సాధించాయి. ప్రతి సినిమా విషయంలో కొన్ని అడ్డంకులు ఎదురవడం అనేది సహజంగా జరుగుతుంది. కానీ అఖండ 2 సినిమా విషయానికి వస్తే ఎవరు ఊహించని విధంగా ఈ సినిమాకి అడ్డంకులు వస్తున్నాయి. సినిమా ప్రీమియర్ షోలు కాసేపట్లో ప్రారంభం అవుతాయి అనగానే ఫైనాన్షియల్ ఇష్యూస్ వచ్చి ఎదురయ్యాయి.

ఈ సినిమాను గతంలో సెప్టెంబర్ 27న విడుదల చేస్తున్నట్లు వార్తలు వచ్చాయి. కానీ అదే డేట్ కు పవన్ కళ్యాణ్ నటించిన ఓ జి సినిమా వస్తుంది కాబట్టి పోస్ట్ ఫోన్ అయింది అని అనుకున్నారు. అయితే ఓ జి సినిమా సెప్టెంబర్ 25న విడుదలైంది. సెప్టెంబర్ 25న విడుదలవడానికి అంటే ముందు ఒక సంవత్సరం పాటు వాయిదా పడింది ఆ సినిమా. మొత్తానికి బాక్స్ ఆఫీస్ వద్ద ఈ రెండు సినిమాలు తలపడతాయి అనుకున్నారు. కానీ కొంత విఎఫ్ఎక్స్ వర్క్ పెండింగ్ ఉండటం వలన అఖండ 2 సినిమా పోస్ట్ పోన్ అయింది.

6వ తారీఖు టికెట్స్ ఓపెన్

అఖండ సినిమా డిసెంబర్ 5న విడుదలవుతున్నట్లు అధికారికంగా ప్రకటించారు. ఆ డేటున్న సినిమా విడుదలవుతుంది అంటే పెద్ద సినిమా కాబట్టి ఒకరోజు ముందుగానే ప్రీమియర్ షోలు పడటం సహజంగా జరుగుతుంది. కానీ ఈ సినిమాకు అలా జరగలేదు. చివరి నిమిషంలో ఫైనాన్షియల్ ఇష్యూస్ వచ్చాయి.

ఇకపోతే ఈ సినిమా ముందు ప్రమోషన్ చేసిన మాదిరిగా డిసెంబర్ 5న కూడా విడుదల కావడం లేదు. ఎందుకంటే ఈ సినిమాకి ఐదో తారీకు సంబంధించిన టిక్కెట్లు ప్రస్తుతం ఆన్లైన్ లో పెట్టలేదు. నైజం ఏరియాలో కేవలం ఆరువ తారీకు డేటుకు సంబంధించిన టికెట్లు మాత్రమే ఆన్లైన్లో పెట్టారు. అంటే దీనిని బట్టి రేపు ఈ సినిమా విడుదల కావడం లేదు అనే క్లారిటీ చాలామందికి వచ్చేసింది.

ప్లానింగ్ ఉండాల్సింది

చిన్న సినిమాలు రిలీజ్ డేట్ కి రాకుండా పోస్ట్ పోన్ అవ్వడం కామన్ గా జరుగుతుంది. కానీ ఒక సక్సెస్ఫుల్ కాంబినేషన్ లో వచ్చే సినిమా చెప్పిన డేట్ కి రావడం లేదు అంటే అది మామూలు విషయం కాదు. చాలామంది ఈ సినిమా కోసం కళ్ళు కాయలు కాచేలా ఎదురు చూశారు. ముందే ఆ డేటు సినిమా రావట్లేదు అని అనౌన్స్ చేసి ఉంటే బాగుండేది.

కానీ ప్రాజెక్ట్ అంతా పూర్తయిన తర్వాత కాసేపట్లో ప్రీమియర్ షోలు మొదలవుతాయి అని ప్రేక్షకులందరూ ప్రిపేర్ అయిపోయిన తర్వాత, ఆ టైం కి సినిమా విడుదల కాకపోతే ఖచ్చితంగా నిరాశ కలగడం జరుగుతుంది. ప్రస్తుతం చాలామంది బాలకృష్ణ అభిమానులకు అదే జరిగింది. ఇక రేపు కూడా సినిమా రిలీజ్ అవుతుంది అనే నమ్మకం పోయింది.

Also Read: Akhanda 2 : ప్రొడ్యూసర్స్ కోసం పవన్ కళ్యాణ్ లా బాలకృష్ణ ఎందుకు రంగంలో దిగలేదు?