కీర్తి సురేష్ బోల్డ్ మూవీ ‘డోరతీ’ పై మణిరత్నం రియాక్షన్.. అసూయ పుడుతుందంటూ!

Maniratnam -Dorothy Movie: ప్రముఖ తమిళ దర్శకుడు కార్తీక్ సుబ్బరాజు(Karthik Subbaraju) దర్శకత్వంలో కీర్తి సురేష్(Keerthy Suresh) నటించిన తాజా చిత్రం ‘డోరతీ'(Dorothy). ఈ సినిమా సెప్టెంబర్ 25వ తేదీ ప్రేక్షకుల ముందుకు వచ్చింది. కీర్తి సురేష్ బోల్డ్ పాత్రలో నటించిన ఈ సినిమాపై ప్రేక్షకుల నుంచి విమర్శలు వస్తున్న నేపథ్యంలో సినిమా సెలబ్రిటీలు మాత్రం ఈ సినిమాపై ప్రశంసలు కురిపిస్తూ సోషల్ మీడియా వేదికగా పోస్టులు చేయటం విశేషం. హోమ్లీ పాత్రలకు కేరాఫ్ అడ్రస్ గా నిలిచిన కీర్తి సురేష్ ఈ సినిమాలో బోల్డ్ పాత్రలో నటించారు. ఈ సినిమా LGBTQ నేపథ్యంలో ప్రేక్షకుల ముందుకు వచ్చి విమర్శలను ఎదుర్కొంటుంది.

మలేషియాలో నిషేధం..

ఇక ఈ సినిమాను మలేషియాలో విడుదల చేయకుండా అక్కడ సెన్సార్ బోర్డు అభ్యంతరం తెలియచేసింది.. ఇలాంటి ఒక బోల్డ్ సినిమా తమిళంలో విడుదల అయ్యి సోషల్ మీడియాలో విమర్శలను ఎదుర్కోవడమే కాకుండా ఈ సినిమాని బాయికాట్ చేస్తామంటూ హెచ్చరిస్తున్నారు. ఈ నేపథ్యంలోనే ప్రముఖ సినీ దర్శకుడు మణిరత్నం (Maniratnam) ఈ సినిమా గురించి స్పందిస్తూ ప్రశంసలు కురిపించడంతో ఇది కాస్త సంచలనంగా మారింది.

ఇళయరాజ సంగీతం ప్రాణం పోసింది…

ఈ సినిమా పై మణిరత్నం స్పందిస్తూ ప్రస్తుతం మన దగ్గర ఎంతో ఉత్సాహవంతమైన యువ దర్శకులు ఉన్నారు . వీరందరిలో కార్తీక్ ఎంతో ప్రత్యేకమైన ప్రతిభావంతుడు అందరికీ నాయకత్వం వహిస్తూ ముందువరుసలో నిలిచారు. ఈయన దర్శకత్వంలో వచ్చిన డోరతీ సినిమా చాలా ప్రత్యేకమైన సినిమా అని తెలిపారు. ఈ సినిమా మేకింగ్ స్టైల్ పై మణిరత్నం స్పందిస్తూ.. డోరతి టేకింగ్ చాలా అద్భుతంగా ఉందని కార్తీక్ కెమెరా షాట్స్ టెక్నికల్ విజువల్స్ పట్ల ఉన్న పట్టు చూస్తుంటే నాకు కొంత అసూయ పుడుతుంది అంటూ మణిరత్నం తెలిపారు. ఇక ఈ సినిమాకు ఇళయరాజా గారి సంగీతం ప్రాణం పోసిందని ఈయన వెల్లడించారు.

Maverick filmmaker #Maniratnam expressing his thoughts about #Dorothy #DirectorsForDorothy pic.twitter.com/abPGcCOrvU

— Dhammam Films (@DhammamFilms) September 26, 2026

ఇలా ఈ సినిమాకు సోషల్ మీడియా వేదికగా విమర్శలు వస్తున్న తరుణంలో మణిరత్నం మాత్రం ఈ సినిమాపై స్పందిస్తూ ప్రశంసలు కురిపించడంతో ఈ సినిమాకి మరింత బలం చేకూరింది. ఇక తమిళంలో విడుదలైన ఈ సినిమాని తెలుగులో కూడా ప్రేక్షకుల ముందుకు తీసుకురాబోతున్న సంగతి తెలిసిందే. స్పిరిట్ మీడియా ఈ సినిమాని ఏపీ తెలంగాణలో విడుదల చేయబోతున్నారు ఈ సినిమాని గాంధీ జయంతి పురస్కరించుకొని అక్టోబర్ రెండో తేదీ ప్రేక్షకుల ముందుకు తీసుకురాబోతున్నారు. ఇలా తమిళంలో విమర్శలను ఎదుర్కొన్న ఈ సినిమా తెలుగులో ప్రేక్షకుల ముందుకు వచ్చి ఏ విధమైనటువంటి సక్సెస్ అందుకుంటుందనేది తెలియాల్సి ఉంది.

Also Read: ట్రోలర్స్ కూడా సెలబ్రేట్ చేసుకోవాలి..చిరు శ్రీకాంత్ సినిమా నాని అప్డేట్!