అంతా మీ ఇష్టమే.. ‘ది ప్యారెడైజ్’ మూవీకి వస్తున్న రెస్పాన్స్‌పై స్పందించిన నాని

Actor Nani: నాచురల్ స్టార్ నాని నటించిన తాజా చిత్రం ది ప్యారడైజ్ సినిమా ఎన్నో అంచనాల నడుమ సెప్టెంబర్ 24వ తేదీ ప్రేక్షకుల ముందుకు వచ్చిన సంగతి తెలిసిందే. ఈ సినిమా థియేటర్లలో పెద్ద ఎత్తున ప్రేక్షకులను మెప్పిస్తుంది. నాని(Nani) కెరియర్ లోనే భారీ స్థాయిలో ఓపెనింగ్స్ రాబట్టిన సినిమాగా ఈ చిత్రం నిలిచిపోయింది. ప్రస్తుతం ఎక్కడ చూసినా ప్యారడైజ్ మేనియా కనిపిస్తుంది. ఇలా ఈ సినిమాకు చాలామంది పాజిటివ్ గా రియాక్ట్ అవ్వగా మరి కొంతమంది యధావిధిగా విమర్శలు కురిపిస్తూ నెగిటివిటీని స్ప్రెడ్ చేస్తున్నారు. ఈ నేపథ్యంలోనే ఈ సినిమాకు ప్రేక్షకుల నుంచి వస్తున్నటువంటి స్పందన పట్ల నటుడు నాని తాజాగా స్పందిస్తూ తన అధికారిక ఎక్స్ ఖాతా ద్వారా చేసిన పోస్ట్ ప్రస్తుతం వైరల్ అవుతుంది.

మీ కోసం రక్తం, చెమటలు చిందించాను..

ఈ నేపథ్యంలోనే నాని స్పందిస్తూ..”మీ అందరి రియాక్షన్స్, స్పందనలను చూశాను. మీరు చూపించిన ప్రేమను పూర్తిగా నేను తీసుకుంటున్నాను. అదే సమయంలో మీరు వేసిన ఫన్నీ ట్రోల్స్‌ను కూడా ఎంతో ఎంజాయ్ చేశాను. ప్రేక్షకులు ఈ సినిమాను తమ సినిమాలా ఓన్ చేసుకున్న విధానం చూసి నా హృదయం ఎంతో సంతోషంతో నిండిపోయింది. అలాగే విమర్శకులు, రివ్యూవర్లు చెప్పిన లోపాల నుంచి కూడా ఎన్నో కొత్త విషయాలు నేర్చుకున్నాను. వీటన్నింటికి థాంక్స్ చెప్పడం తప్ప ఇంకేమీ చెప్పలేను.. మీకు ఒక ప్రత్యేకమైన అనుభూతిని అందించాలని తాను ఎంతో కష్టపడి రక్తం, చెమటలు చిందించి ది ప్యారడైజ్ సినిమాని నిర్మించాము. ఇప్పుడు ఈ సినిమా మీదే.. సెలబ్రేట్ చేసినా… జడ్జ్ చేసినా అంతా మీ ఇష్టం.. సినిమా పట్ల మీరు చూపించిన ఆసక్తి, ప్రేమకు కృతజ్ఞుడిని” అంటూ ఈయన పోస్ట్ చేశారు.

ది ప్యారడైజ్ ట్రోల్స్ పై నాని రియాక్షన్…

ఇలా ఈ సినిమాకి వస్తున్న ఆదరణ పట్ల నాని స్పందిస్తూ చేసిన ఈ పోస్టు సోషల్ మీడియాలో వైరల్ అవుతుంది. అయితే కొంతమంది ఉద్దేశపూర్వకంగానే ఈ సినిమాకి నెగెటివిటీని స్ప్రెడ్ చేస్తూ సినిమాపై విమర్శలు కురిపిస్తున్న సంగతి తెలిసిందే. ఇలా ట్రోల్స్ కూడా తాను ఎంజాయ్ చేస్తున్నానంటూ ఈయన విమర్శలకు కౌంటర్ ఇచ్చారు. ప్రస్తుతం ఈ సినిమా మంచి కలెక్షన్లను రాబడుతూ దూసుకుపోతుంది. ఇక ఈ సినిమా మొదటి రోజు సుమారు 80 కోట్లకు పైగా గ్రాస్ వసూళ్లను రాబట్టినట్టు తెలుస్తోంది. నాని కెరియర్ లో ఇది భారీ ఓపెనింగ్ అని చెప్పాలి. ఈ సినిమా బ్రేక్ ఈవెన్ కావడం కోసం సుమారు 200 కోట్ల వరకు గ్రాస్ కలెక్షన్లను రాబట్టాల్సి ఉంది. ప్రస్తుతం ఈ సినిమా మంచి కలెక్షన్లను రాబడుతూ సక్సెస్ ఫుల్ గా రన్ అవుతుంది.

I have seen all your reactions and responses. I’ve received all your love and equally enjoyed your hilarious trolls. I’m heartwarmed by the way audience have owned the film, and also learnt from the flaws that critics and reviewers have pointed out.

Thank you for everything is…

— Nani (@NameisNani) September 25, 2026