Murugan Controversy: సినీ ఇండస్ట్రీలో వినోదం, వివాదం కలిసి సావాసం చేస్తాయన్న సంగతి తెల్సిందే. ముఖ్యంగా ఏదైనా సెన్సేషన్ అప్ డేట్ వస్తే చాలు దానితో పాటు కూడా అంటూ కాంట్రవర్సీ రావడం ఇక్కడ కొత్తేమీ కాదు. ఇదిగో అలాంటి ఓ సరికొత్త కాంట్రవర్సీని తీసుకొచ్చింది లేటెస్ట్ గా వచ్చిన తారక్ త్రివిక్రమ్ పోస్టర్.
విషయంలోకి వెళ్తే… నిన్న వదిలిన పోస్టర్ ని చూస్తె తెలిసిపోతుంది ఇది సుబ్రహ్మణ్య స్వామి (లార్డ్ మురుగన్) గురించిన కథ అని , ఆయన తత్త్వం గురించి ఇందులో చూపించబోతున్నారని. అయితే తాజాగా ఈ సినిమాని నిర్మిస్తున్న నాగ వంశీ ఉత్తరాదిన జన్మించి, హృదయభూమిలో రూపుదిద్దుకుని, దక్షిణాదిన పూజలందుకుంటున్నాడు” అనే క్యాప్షన్ తన అఫీషియల్ అకౌంట్ లో పోస్ట్ చేయడం ఇపుడు వివాదానికి కారణం అయింది.
Born in the North.
Forged in the Heartland.
Worshipped in the South.Now… A tale destined to belong to the universe 💥💥#NTRxTrivikram@tarak9999 #Trivikram @anirudhofficial #SRadhaKrishna @NANDAMURIKALYAN @haarikahassine @NTRArtsOfficial @NTRxTrivikram pic.twitter.com/df7t6kD2oJ
— Naga Vamsi (@vamsi84) June 29, 2026
అసలే సుబ్రహ్మణ్య స్వామిని తమిళులు మురుగన్ గా ఎన్నో ఏళ్లనుండి కొలుస్తున్నారు.పైగా మురుగన్ను తమ ‘తమిళ్ కడవుల్’ (తమిళ దేవుడు)గా, తమ అస్తిత్వానికి ఒక గుర్తుగా భావిస్తారు.పైగా తమిళంలో కొన్నివేల సంవత్సరాల కిందటే ప్రాచీన గ్రంధాలలో, సాహిత్యాలలో మురుగన్ గురించి రాసి ఉందని , అలాంటప్పుడు మా దేవుడిని అలా ఎలా ఉత్తరాది దేవుడిగా చిత్రీకరిస్తారు అంటూ మండిపడుతున్నారు తమిళ తంబీలు.ఇది ఒకరకంగా తమ సంస్కృతిని, చరిత్రను వక్రీకరించడమే అంటూ నాగ వంశీ పై ఫైర్ అవుతున్నారు.
ఇక దీనితో పాటే రాజుకున్న మరో వివాదం పోస్టర్ పై సంసృతపదాలని వాడటం.పోస్టర్లో డిజైన్ చేసిన త్రిశూలం డీఎన్ఏ ఆకారం ఒకవైపు సైన్స్ అండ్ మైథాలజీని మిక్స్ చేసినట్టుగా చూపడం బాగానే ఉంది,కాని మురుగన్ సినిమా తీస్తూ ఆది శంకరాచార్యులు రచించిన సంస్కృత శ్లోకం ‘సుబ్రహ్మణ్య భుజంగం’ను ఎలా వాడతారని, తమిళ భాషకి ప్రాధాన్యత ఇవ్వకపోవడం అంటే అది తమిళ ప్రజలని కించపరచడమే అంటూ వాపోతున్నారు.ఇక సోషల్ మీడియాలో అయితే ఈ సినిమాని అవసరమైతే బాయ్ కాట్ చేయడానికి కూడా వెనుకాడమంటూ హ్యాష్ ట్యాగ్ లతో ట్రెండ్ చేస్తున్నారు కోలీవుడ్ జనాలు.
అయితే ఇదే విషయమై మరికొంతమంది నాగావంశికి మద్దతుగా నిలవడం విశేషం.పార్వతీ పరమేశ్వరుల రెండో కొడుకైన కార్తికేయుడు హిమాలయాల్లోని శరవణ భవ అనే ప్రాంతంలో పుట్టాడని, తారకాసుర వధ కోసం మరియు ధర్మసంస్థాపన కోసం దక్షిణాదికి వచ్చాడని శివపురాణం మరియు స్కాందపురాణంలలో అదే ఉందంటూ వాదిస్తున్నారు.ఏది ఏమైనా ఎప్పటిగానో ఎదురుచూస్తున్న అప్ డేట్ ఇప్పటికైనా వచ్చిందని సంతోష పడాలా లేక వచ్చీ రాగానే ఇలా కాంట్రవర్సీకి కేరాఫ్ అయిందని బాధ పడాలా అంటూ జుట్టు పీకేసుకుంటున్నారు తారక్ ఫ్యాన్స్.చూడాలి మరి మా మనో భావాలు దెబ్బ తిన్నాయని తెగ ఫీల్ అవుతున్న తమిళ తంబీలని త్రివిక్రమ్ ఎలా కూల్ చేస్తాడో !
also read:రాజమౌళి, సుకుమార్ రూట్లోనే ‘గురూజీ’…గాడ్ ఆఫ్ వార్ తో పాన్ ఇండియా స్కెచ్!
Share
నాడు రిజెక్ట్ అయిన సంస్థలకే నేడు టెండర్లు.. తెలుగు అకాడమీపై లక్ష్మీ పార్వతి ఫైర్
యాపిల్ మైండ్ బ్లోయింగ్ ప్లాన్.. మార్కెట్లోకి ఫస్ట్ Foldable iPhone, డిజైన్ చూస్తే ఫ్లాట్ అయిపోతారు!
