Niharika Konidela: నిహారిక కొనిదెల ప్రస్తుతం టాలీవుడ్లో నిర్మాతగా తనకంటూ ప్రత్యేక గుర్తింపు సంపాదించుకునే ప్రయత్నంలో ఉంది. ఆమె నిర్మించిన కమిటీ కుర్రోలు సినిమా మంచి విజయం సాధించి ప్రేక్షకుల నుంచి పాజిటివ్ స్పందన అందుకుంది. ఈ విజయంతో నిహారిక మరింత జాగ్రత్తగా కథలను ఎంపిక చేసుకుంటూ కొత్త ప్రాజెక్టులపై పని చేస్తోంది.
ఇప్పుడు ఆమె నిర్మాతగా చేస్తున్న మరో సినిమా రకాసా. ఈ చిత్రంలో సంతోష్ శోభన్ హీరోగా నటిస్తున్నారు. ఈ సినిమా త్వరలో విడుదలకు సిద్ధమవుతోంది. ఈ సినిమా ప్రమోషన్స్లో భాగంగా నిహారిక పలు ఇంటర్వ్యూలలో పాల్గొంటూ.. మీడియాతో మాట్లాడుతున్నారు.
ఇలాంటి ఒక ఇంటర్వ్యూలో ఆమె భవిష్యత్తు ప్రణాళికల గురించి కొన్ని ఆసక్తికరమైన ప్రశ్నలు ఎదురయ్యాయి. ముఖ్యంగా యాంకర్, ఆమె బాబాయ్ పవన్ కళ్యాణ్ నటించిన ఉస్తాద్ భగత్ సింగ్ సినిమా చూశారా అని అడిగారు. అలాగే భవిష్యత్తులో పవన్ కళ్యాణ్తో సినిమా నిర్మించే అవకాశం వస్తే తీసుకుంటారా అని కూడా ప్రశ్నించారు.
దీనికి నిహారిక సమాధానం ఇస్తూ.. ఇప్పుడే తాను ఆ స్థాయికి చేరలేదని చెప్పింది. ప్రస్తుతం చిన్న సినిమాలు చేస్తూ ఒక్కో మెట్టు ఎక్కుతున్నానని వివరించింది. పెద్ద ప్రాజెక్టులు తీసుకునే ముందు మరింత అనుభవం సంపాదించాలనుకుంటున్నానని తెలిపింది.
అయితే, తన కోరికను కూడా ఆమె బయటపెట్టింది. భవిష్యత్తులో అవకాశం వస్తే తప్పకుండా పవన్ కళ్యాణ్తో సినిమా నిర్మించాలని తనకు ఎంతో ఇష్టం అని చెప్పింది. అలాగే తన అన్న వరుణ్ తేజ్తో కూడా కలిసి పని చేయాలని ఉందని పేర్కొంది.
ఇక ఉస్తాద్ భగత్ సింగ్ సినిమా గురించి మాట్లాడిన నిహారిక, తాను ఇప్పటికే ఈ సినిమా చూసానని చెప్పింది. సినిమా చాలా బాగుందని ప్రశంసించింది. ప్రేక్షకులను ఎంటర్టైన్ చేసే మంచి ఎనర్జీ ఈ చిత్రంలో ఉందని ఆమె అభిప్రాయం వ్యక్తం చేసింది. ప్రస్తుతం ఈమె చేసిన వ్యాఖ్యలు వైరల్ అవుతున్నాయి. మరోపక్క మెగా అభిమానులు నిహారిక ఎప్పుడెప్పుడు బాబాయి పవన్ కళ్యాణ్ తో సినిమా తీస్తుందా.. ఎలాంటి సినిమా తీస్తుందో అంటూ సోషల్ మీడియాలో కామెంట్లు పెడుతున్నారు.
మొత్తం పైన నిహారిక కొనిదెల నిర్మాతగా నెమ్మదిగా ఎదుగుతూ, భవిష్యత్తులో పెద్ద ప్రాజెక్టులకు సిద్ధమవుతున్నట్టు ఈ ఇంటర్వ్యూలో చెప్పిన మాటలు ఆసక్తికరంగా మారాయి.
Share
Trump Iran war: ట్రంప్ మైండ్ గేమ్.. ఇరాన్ విషయంలో సడన్ నిర్ణయం వెనుక అసలు గుట్టు ఇదే!
Niharika Konidela: ఇండస్ట్రీలో నిహారిక మరో కొత్త ప్రయోగం...మెగా ఫ్యామిలిలోనే మొదటి వ్యక్తిగా గుర్తింపు..
