Rajinikanth: సూపర్ స్టార్ రజినీకాంత్ (Rajinikanth) ఏడుపదుల వయసులోకి అడుగుపెట్టినప్పటికీ ఇంకా వరుస సినిమాలకు కమిట్ అవుతూ కెరియర్ పరంగా ఎంతో బిజీగా ఉన్నారు. ఇలా నటుడిగా ఇండస్ట్రీలో కొనసాగుతూ ఎంతో మందికి స్ఫూర్తిగా నిలిచిన రజనీకాంత్ 50 సంవత్సరాల సినీ ప్రస్థానాన్ని పూర్తి చేసుకున్న సంగతి తెలిసిందే. ఇలా రజనీకాంత్ 50 సంవత్సరాల సినీ కెరియర్ పూర్తి అయిన నేపథ్యంలో గోవాలో జరిగిన ఇంటర్నేషనల్ ఫిలిం ఫెస్టివల్ ఆఫ్ ఇండియా 2025(IFFI 2025) వేడుకలలో రజనీకాంత్ కు ప్రత్యేకమైన గౌరవం లభించిన సంగతి తెలిసిందే.
ఇఫి ముగింపు వేడుకలలో భాగంగా కేంద్రమంత్రి ఎల్ మురుగన్ గోవా సీఎం ప్రమోద్ సావంత్ రజనీకాంత్ ను చాలువాతో సత్కరించి రజనీకాంత్ కు జ్ఞాపికను అందజేశారు. ఇక ఈ ముగింపు వేడుకలో భాగంగా రజనీకాంత్ తన సినీ ప్రస్థానం గురించి మాట్లాడుతూ ఎమోషనల్ అయ్యారు.”50 సంవత్సరాల సినీ ప్రయాణం పూర్తి అయినప్పటికీ తనకేదో 10 సవత్సరాల కెరియర్ పూర్తి అయిందనే భావన ఉందని తెలిపారు.ఒకవేళ నాకంటూ మరో 100 జన్మలు ఉంటే కచ్చితంగా ఈ 100 జన్మలు కూడా తాను ఒక నటుడిగా పుట్టాలని కోరుకుంటాను అంటూ “రజనీకాంత్ ఈ సందర్భంగా ఎమోషనల్ అయ్యారు.
ఇక ఇఫీ ముగింపు వేడుకలలో భాగంగా రజనీకాంత్ హీరోగా నటించిన లాల్ సలాం(Lal Salaam) సినిమాను హాజరైన వారి కోసం ప్రదర్శించారు. ఐశ్వర్య రజనీకాంత్ దర్శకత్వం వహించిన ఈ ప్రదర్శనలో, ప్రపంచవ్యాప్తంగా గుర్తింపు పొందిన ఈ ఉత్సవంలో ఈ సినిమాని ప్రదర్శించిన నేపథ్యంలో రజిని కుమార్తె ఐశ్వర్య రజనీకాంత్ అలాగే చిత్ర నిర్మాతలు కూడా ఎంతో సంతోషం వ్యక్తం చేశారు.2024లో విడుదలైన లాల్ సలామ్, లైకా ప్రొడక్షన్స్ బ్యానర్పై అల్లిరాజా సుభాస్కరన్ నిర్మించిన సంగతి తెలిసిందే.
జైలర్ 2 పనులలో బిజీగా రజినీకాంత్..
ఇలా ఈ కార్యక్రమంలో భాగంగా రజనీకాంత్ చేసిన ఈ వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. వంద జన్మలైనా నటుడుగానే పుట్టాలని కోరుకుంటున్నారు అంటే నటన పట్ల సినిమాల పట్ల ఆయనకు ఏ స్థాయిలో ఆసక్తి ఉందో స్పష్టంగా అర్థమవుతుంది. ఇక రజనీకాంత్ సినిమాల విషయానికొస్తే ఈయన చివరిగా కూలీ సినిమా ద్వారా ప్రేక్షకుల ముందుకు వచ్చారు… ఈ సినిమా ద్వారా సుమారు 600 కోట్లకు పైగా కలెక్షన్లను రాబట్టారు. ఇక ప్రస్తుతం రజనీకాంత్ నెల్సన్ దిలీప్ కుమార్ దర్శకత్వంలో జైలర్ 2(Jailer 2) పనులలో బిజీగా ఉన్నారు. ఈ సినిమా 2026 లో ప్రేక్షకుల ముందుకు రాబోతుంది. ఈ సినిమాతో పాటు కమల్ హాసన్ నిర్మాణంలో రజనీకాంత్ మరో సినిమాకి కూడా కమిట్ అయిన సంగతి తెలిసిందే. ఈ సినిమా కూడా ప్రస్తుతం చర్చల దశలో ఉందని త్వరలోనే సినిమాకు సంబంధించి అధికారిక ప్రకటన కూడా రాబోతుందని తెలుస్తుంది.
Also Read: Pushpa 2: మళ్లీ థియేటర్లలోకి పుష్ప 2… ఒక్క షోనే అస్సలు మిస్సవద్దు!
Share
CM Revanth Reddy: సీఎం రేవంత్ రెడ్డి సొంతూరు కొండారెడ్డిపల్లిలో.. సర్పంచ్ ఎన్నిక ఏకగ్రీవం!
Kavitha Tweet: కేసీఆర్ పేరు లేకుండా.. కవిత ఇంట్రస్టింగ్ ట్వీట్
